රට තොට ඇවිදින සහ පොත් පත් කියවන අපේ කාලයේ කොල්ලන්ගේ කෙල්ලන්ගේ අපූර්ව අද්දැකීම්. ඔබගේ අද්දැකීම එවන්න මෙන්න ලිපිනය ndilruksha@gmail.com

2017-07-20

Aerial ride @ laya leisure kukuleganga කේබලයෙන් එගොඩ මෙගොඩ

වෙනසක් පතන ඔබට එක්දින චාරිකාවකට කදිම තැනකි කුකුලේ ගඟ ලයා ලෙෂර් හෝටලය. (laya leisure). කොළඹ සිට පැය දෙකක ගමනකින් මේ ස්ථානයට ළගා විය හැකිය.








 
ඉතාමත්ම නිස්කලංක පරිසරයක අතිශය සුන්දර ලෙසින් පවත්වාගන යනු ලබන ස්ථානයකි laya leisure හෝටලය. මෙහි පරිපාලනය සම්පූර්ණයෙන්ම සිදු කරනු ලබන්නේ යුද හමුදාව මගිනි. අනි තරු හෝටල් සේම ඊට නොදෙවෙනි සත්කාරයන් අපට මෙහිදීද ලබා ගත හැකිය.
ඔබ ආයතනයක හෝ මිතුරු කැළකට දිනක විනෝදයක් ලබන්නට අවැසි නම් මේ එයට කදිම ස්ථානයකි. 
ඔබේ නිස්කලංක විනෝදයට මෙන්ම නැටුම් ගැයුම්වලටද මෙහි පහසුකම් ඇත. එපමණක් නොව ඔබ ත්‍රාසජනක ක්‍රියාවන්ට ලැදි නම් ඊටද මනා පුහුණු උපදේෂක වරුන් යටතේ ඒ අවස්ථාවන් ලබා ගත හැකිය. ගඟ හරහා එහා ඉවුරේ සිට කේබලයක ආධාරයෙන් ගුවනේ පාවි විත් ජල තලයේ දෙපා ගාවමින් මෙගොඩට ඒම ඒ අතර අපුරු ක්‍රියාකාරකමකි.
අශ්වයන් පිටේ චාරිකා, කඳුකර පාපැදි සවාරි, දුනු විදීම්, ඉලක්කයට වෙඩි තැබීම්, වනගත ඇවිදීම් ආදියද ඔබේ මනාපය පරිදි මෙහිදි ලබාගත හැකි පහසුකම් ය.
පසුගිය දා අපි ඒ අද්දැකීමි ලැබුවෙමු. මෙ එහි මතකයයි.
මේ සමග වීඩියෝ දර්ශන දෙකක් ඇත. බලන්න එම ස්ථානය ඔබටත් ගැලපෙන තැනක් ද කියා.



2017-07-04

දියාලකන්ද ඔස්සේ ඇඳගල සොයා....... මීරිගම Mountaineering Andagala Mirigama Sri Lanka

ඇඳගල අප්‍රකට තැනකි. ඒ ගැන දන්නෝ සිටිත් නම් ඒ මීරිගම අවට පිරිස් ය. අද ඇඳගල ආරණ්‍ය සෙනසුනකි. එකල වලගම්බා රජ දවස රජුන් සැඟව සිටියා යැයි පැවසෙන ස්ථානයකි.
මීරිගම නගරයේ සිට පස්යාල පාරේ කිලෝමීටර් දෙකක් පමණ දුරකින් පර්වතය මැදට වන්නට මේ සෙනසුන පිහිටා ඇත. එකී පර්වතය දියාලකන්ද නමින් හැඳින්වෙයි. දියාල කන්ද එක් පෙදෙසකින් පොහොන්නරුව ග්‍රාමයට මායිම්වන අතර අනිත් බැවුම ඉඹූල්ගස්දෙණිය නම් ස්ථානයට මායිම් වේ. ඉඹුල්ගස්දෙණියේ අනෙක්පස තවත් මහ වනාන්තරයකි. එය පල්මඩ කන්ද ලෙස හැදින්වේ. අපි ඇඳගල සොයා යන්නට තෝරාගත්තේ පල්මඩ කන්ද හරහා කඳුතරණයක යෙදෙමිණි. 

2017-06-29

පිළිකුත්තුව බැලුම්ගල සොයා.... දෙවැනි කොටස

ශ්‍රී ලංකාවේ බස්නාහිර පළාතේ ගම්පහ දිස්ත්‍රික්කයට අයත් සියනෑ කෝරළයේ මහර ප්‍රා.ලේ. කොට්ඨාසයට අයත් ඌරුවල් පේරුවෙහි පිහිටා තිබෙන ප්‍රාග් ඓතිහාසික පුදබිමකි මෙම පිළිකුත්තුව රජ මහා විහාරය. මෙම විහාරය මෙරට ලෙන් විහාර සම්ප‍්‍රදාය තුළ ඉතා වැදගත් කමක් උසුලන, ඓතිහාසික බෞද්ධ පුදබිමක් වෙයි.

2017-06-27

Hiking little adam's peak (Ella) ඇල්ල පුංචි සිරිපාදය තරණය

අප රැගත් බදුල්ල රාත්‍රී තැපැල් දුම්රිය හරියටම රාත්‍රී අටට කොළඹ කොටුවෙන් සිය ගමන ආරම්භ කළේ ය. හෙට දින උදැසනම ඇල්ල නගරයට ආසන්නව පිරිටි පුංචි සිරිපාදය නැගීමට ඇති හෙයින් අපි නින්දට වැටුණෙමු. පළමු පන්තියේ නිදන මැදිරි ආසන වෙන්කරගන්නට නොහැකි වුවත් අපට එතරම් සුව පහසු නැති තුන්වැනි පන්තියේ නිදන ආසන ලැබී තිබීම මහත්ම පහසුවක් විය.

2017-06-21

Amazing Bible Rock Climbing Experience - බතලේගල තරණය

බතලේගල එහෙමත් නැත්තං සුද්දගේ භාෂාවෙන් Bible Rock පිහිටලා තියෙන්නේ කෑගල්ල දිස්ත්‍රික්කයේ අරණායක කියන නගරයට ආසන්නවයි. බතලේ ගල සුන්දරත්වය හොඳින්ම පෙනෙන්නේ දුම්රියෙන් නුවර යනවිට හා මහාමාර්ගයෙන් කඩුගන්නාව දුර්ගය පසුකරද්දියි. අන්න ඒ ඉසව් දෙකේදි ඇතින් පෙට්ටි හැඩය ගත් මේ බතලේගල කන්ද ඉතාමත්ම දර්ශනීය ආකාරයට පේනවා. 
(අපේ චාරිකාව විනාඩි පහක විඩියෝවක් හැටියට මේ තියෙන්නේ. මේක බලලා මගේ යු ටියුබ් චැනලය සබ්ස්ක්‍රයිබ් කරලා සහයක් දෙන ලෙසත් ඉල්ලා සිටිනවා. ඒ වගේම මෙහි අඩුපාඩුත් මට කියලා දෙන්න. ෆෝන් කැමරාවෙන් විඩියෝ කරලා එඩිට් කරලා හඩ කැව්වෙත් ඉතිං මම ම තමා.)

2017-06-16

Saradiel caves Uthuwankanda - සරදියල් ගුහාවේ ඇතුළට පිවිසෙමු

කොළඹ - නුවරපාරේ සිට  මාවනැල්ල ඔරලෝසු කණුව අසලින් ඇති සරදියල් ගම්මානය පාරේ කිලෝ මීටර් එක හමාරක් පමණ ගිය පසුව වම්පසින් අඩි 1400 ක් පමණ උස උතුවන් කන්ද අපට දැකගත හැකිය. එහි උස ගල්කුල සරදියෙල් ගල ලෙස අද හදුන්වයි. 

2017-06-14

සරදියෙල්ගේ බලකොටුවට ගොඩ වැදුණෙමු - saradiyal mountain UTHUWANKANDA

දුම්රියෙන් හෝ බස් රියෙන්, මාවනැල්ල හෝ රඹුක්කන  පසුකර යන විට ඈතින් දිස්වන අපූරුම හැඩය ගත් පර්වතය ගැන අමුතුවෙන් මා ඔබට පැවසිය යුතු නැත. ඒ උතුවන්කන්ද බව ඔබ හොඳින්ම දනී.
උතුවන් කන්ද ගැන හෝ සරදියල් ගැන මම අමුතුවෙන් කියයුතු නැත. ඒගැන විස්තර ඕනෑතරම්ම අන්තර් ජාලයෙන් සොයාගත හැකිය.

2017-05-22

දඹුලු ගිහින් තලගොයිත් මරාගත්තා

ලෙඩක් බලන්න ගිය ගමනක් පුංචි පහේ විනෝද චාරිකාවක් වුණා. අපිත් එක්ක එකට  හිටිය අපේ හිතවත් නර්ස් නෝනා කෙනෙක් පඩියකින් පනින්න ගිහින් කකුල බිඳගන දවස් ගානක් තිස්සේ ප්ලාස්ටරය දාගන ගෙදරට වෙලා ඉන්නවැයි කියන ආරංචිය ආවා. පොඩි පහේ දුරක නෙමේ මෙයා මාතර. ඔන්න ඉතින් අපටත් ඉසිඹුවක් ආවේ පසුගිය සෙනසුරාදාවේ.
දන්න කියන උන්ට මේ ගැන කිව්වාම ඔන්න ගමනට කැමති වුණා ඇවිදින්නම උපන් ප්‍රියංගා, සනුවා, දිනේෂ් වගේම පුබ්බා. කවදත් දකුණු පැත්තට යනකොට අප එක්ක එකතුවෙන ජනියා එහෙදි එක් වෙන්නං කිව්වා.
හරි දැන් හය දෙනෙක්ම ඉන්නවනේ එහෙනං අපි උදේම තියන මාතර කෝච්චියේ යමුයි කියලා කති කා කරගත්තා. කෝච්චිය මරදානෙන් උදේ 6ට පටන් ගන්නේ.

2017-05-16

ඉතාලි ක්‍රමයට එළවළු සලාදයක් - Italian vegetable salad

සිංහලයා හැමදාමත් වැඩිපුරම ආහාරයට ගන්නේ බත් එහෙම නැත්නම් පාන් හෝ පිටි වැඩි ආහාරනේ. ඒත් බටහිර ජාතීන් තමන්ගේ ආහාරයට පිෂ්ඨ අඩංගු කෑම ගන්නේ බොහොම අඩුවෙන්. ඔවුන් ඒ වෙනුවට ප්‍රෝටීන වැඩි මස් මාංශ වගේම රාත්‍රියට එළවළු වගේ දේ තමා කුස ගින්න නිවාගන්න අරගන්නේ. අපිත් එළවළු කනවා තමා බොහොම ටිකයි. ඒකත් රත්වෙන්න උයලා එහි අඩංගු පෝෂක කොටස් විනාශ කරගන.
අපි උයලා කන බොහොමයක් එළවළු ප්‍රණිතව අමුවෙන්ම ප්‍රධාන ආහාරය හැටියටත් ගන්න හැකියි. ඒ කොහොම ද? මෙන්න ඉතාලි ක්‍රමයට අමු එළවළු ආහාරයට ගන්න විදියක්. මෙහි රසය හුගක්ම වෙනස්. රසය වෙනස් කරගන්නේ එළවළුව වෙත යොදන සැරසුම එහෙමත් නැත්නම් රස කාරකය සෝස් එක මගින්.

2017-05-13

කකුළු අමාත්‍යංශයට ගිය ගොඩයා - How to eat crab in a restaurant

සාමාන්‍යෙයන් අපට හිටි ගමන් විවිධ ආශාවන් ඇතිවෙනවානේ. මේ ආශාවන්ටම දොලදුක කියලත් කියන්න පුළුවන්. ඔන්න දවසක් මටත් මෙහෙම දොළදුකක් ඇතිවුණා. දොළදුක තමා රසවත් කකුළුවෝ ආහාරයක් අනුභව කිරීම. ගෙදර ගෙනත් උයලා කොතරම් කකුළුවන් කාල තිබ්බත් මේ දොළදුක වුණේ සුපිරි ආපාන ශාලාවකට ගිහින් එහි උයන ලද සුපිරි කකුළුවෝ දීසියක රස විඳීම. තනියම යන්නත් මොකද්ද මොකද්ද වගේ හන්දා තව කෑමට ම උපන් ගජයෙකුත් සෙට් කරගන ගියා දවසක කකුළුවෝ අමාත්‍යංශයට. Ministry of Crab. පිහිටලා තියෙන්නේ කොළඹ කොටුවේ පැරණි ඕලන්ද රෝහල් පරිශ්‍රයේ. දන්නවනේ මේකේ අයිති කරුවන් කවුද කියලත්. 

2017-05-12

අල්ගම ඇල්ල

පසුගිය වෙසක් පෝ දින අපි ගියා පොඩි චාරිකාවක්. මීරිගම ඉඳන් වැඩි ඈතක නෙමේ අහල පහළ පිහිටි අල්ගම ඇල්ලට. එක් දින චාරිකාවකට කියාපු තැනක් මේ අල්ගම ඇල්ල. හරිත වියන යට සීතල වතුරේ බැහැලා සිත් සේ විනෝද වෙන්න කියාපු තැනක් මේ අල්ගම ඇල්ල.

2017-05-10

සිංහලයා ගේ මතකය හා වෙසක්

සුබ වෙසක් මංගල්‍යයක් වේවා ලෝක වාසි බොදු බැතිමතුණි,
සුබ පැතුමටත් වඩා අද මේ සටහන දාන්න හිතුණේ වෙනත් කාරණයක් නිසා. කාරණය මේකයි. සිංහලයට හැම දේම අමතක වෙනවා කියා කියමනක් තියනවානේ. ඒ කියමන මුලින්ම කිව්වේ කවුද යන්න නම් මං දන්නේ නෑ. එත් ප්‍රභාකරන් කිව්වා කියා මතකයක් තියනවා මේ මෑත කාලයේ දී.
ඉතින් මම මේ කියන්න යන්නේ එහෙම අමතක වුණු සිද්ධියක් ගැනයි. ඒ සිද්ධිය හරි ද වැරදි ද කියන්න මම කිසිම උත්සාහයක් ගන්නේ නෑ. එත් මේ සිද්ධියත් එක්ක එදා එයට පක්ෂව හා විපක්ෂව ආන්දෝලනාත්මක කතා බහක් සයිබරය හරහා ඇදී ගියා. හරි අටුවා ටීකා ඇති. සිද්ධිය මේකයි.
මතකද බෝවත්තේ ඉන්දරතන හිමි. හම්.. හම්... අමතක නම් මතක් කරලා දෙන්නම්කෝ.  
හරියටම අදට වසර හතරකට පෙර එනම් 2013 වෙසක් පෝය දවසේ ගවමස් කෑම තහනම් කරන්න කියා ඉල්ලා මහනුවර දළදා මාලිගය ඉදිරිපිටදී සිරුරට ගිනි තියාගත්ත හිමි නම. හරියටම දිනය කියනවා නම් 2013 මැයි 24 දා.
එදා සිද්ධියෙන් දින කීපයකට පසු ඒ හිමි නම අපවත් වුණා. හිමියන්ගේ දේහය පෙරටුකොට ගෙන එදා දහස්ගණන් ජනයා මාහා විප්ලවයක් කරන්න හැදුවා. මට නම් පෙනුනේ ඒක මලසිරුරින් වුවත් වාසියක් ගත හැකිනම් ගැනීමක් ලෙසයි.
කාලය ගෙවි ගියා හිමිනම ගැන මතකය කා අතිනුත් ගිලිහි ගිහින්.
වාසියට මිනිය වුවත් විකිණිය හැකිනම් විකුණගනිව් කියන දේ තමා මට මැවෙන්නේ. එදා ඒ හිමි නම ගිනි තබාගන විනාඩි ගණනකින් සේයා රූ සහිතව මම මේ බ්ලොගයේම පොස්ට් එකක් දැම්මා පින්තුරත් එක්කම. අද ඒ පින්තුර ගුගලයා මකා ඇති මුත් සටහන නම් තියනවා. මෙතැනින් කියවන්න. එදා ඒ සටහනට කමෙන්ට් 150කට ආසන්න ගණනක් ලැබුණා. එදා ඒ තරම් කතාබහක් ඇති වූ සිද්ධිය අද කාටත් අමතක වෙලා. විශේෂයෙන්ම දුක එදා දේහය එක්ක මහා හඩ නැගුවන්ද නිහඬව සිටිමයි.
මෙය කිසිසේත්ම ආගම්වාදය ඇවිස්සීම සඳහා දමන ලද පොස්ටුවක් නොවන වග කරුණාවෙන් සලකන්න.

2017-05-08

මන්ත්‍ර බලය මිත්‍යාවක් ද?

ගල් තැලුම (මෙයට කියන ඉංග්‍රීසි නම නොදනිමි. දන්නා අයෙක් වෙතොත් සටහන් කරන්න) යන නමින් හඳුන්වන යටි පතුළේ ඇතිවන ගැටිති වැනි රෝගයක් උදෙසා කරනු ලැබූ මන්ත්‍ර බලයෙන් පිළිස්සීමේ ප්‍රතිකර්මයක් අද උදෑසන (මැයි 7) මම දුටුවෙමි.
ප්‍රතිකර්මය කරනු ලැබුවේ මා උපන් දා සිට දන්නා හඳුනන, අපේ ගමේ ජිවත් වන පාරම්පරික සර්ප විස වෙදකම කරනු ලබන ඩබ්. ඒ. ජයරත්න වෙද මහතා ය.



ප්‍රතිකාරය ලබා ගත්තේ මා හිත මිතුරන් දෙදෙනෙකි. එක් අයෙක් මා මිත්‍ර ලකී සර් ය. ඔහු වේවැල්දෙණිය මහ විදුහලේ උපාධිධාරි ගුරුවරයෙකි. අනෙත් තැනැත්තා වූයේ මා මිතුරු සුජිව ය. ඔහු මීරිගම සමර්සෙට් රෙස්ටුරන් හි අයකැමිවරයෙක් ලෙස සේවය කරයි.

2017-05-06

යකාගේ පඩිපෙළ දිගේ කළුපහනට - Devil’s Staircase

යකා ගේ පඩිපෙළ දිගේ ( Devil’s Staircase) චාරිකාවක් යනවා අපිත් එක්ක එක් වෙනවද? ඒ මවෙත ආ ඇරියුමකි. මම ටිකක් අන්දමන්ද වීමි. මොකක් ද මේ යකාගේ පඩිපෙළ. එය තවමත් බහුතරය අතර කුකුසක් ගෙනෙන පැනයකි. බොහෝ දෙනෙක් තාමත් නිසි ලෙස මේ යකාගේ පඩි පෙළ යනු කුමක්දැයි නොදනිති.
යකාගේ පඩිපෙළ යනු ඔහිය සිට උඩවේරිය තේ වත්ත හරහා කළුපහන නගරය වෙත ගමන් කළ හැකි කිලෝ මීටර් 23ක පමණ දුරක් විහිදෙන මාර්ගයකි. මාර්ගය වැටී ඇත්තේ තේ වතු මැදින් ය.

2017-03-30

| දානිගල හෙවත් Alien Mountain |

මේ සේයාරුව අන්තර්ජාලයෙනි
මාදුරු ඔය මිටියාවතේ හිටිවනම අහස උසට නැගෙන දානිගල කන්ද නොහොත් දන වානා ගල පර්වතය තරණය කරන්නට පසුගිය දා අපට හැකිවිය. ක්‍රිස්තු පූර්ව තුන්වැනි සියවස දක්වා දිවෙන අතීතයක් සහිත මේ පර්වතය අදත් හදුන්වන්නෙ පිටසක්වල ජීවින් පැමිණෙන ඉසව්වක් ලෙසිනි. එනිසාම මේ පර්වතය Alien Mountain ලෙසින්ද හදුන්වයි.
කන්දේගම පිහිටි මේ පර්වතය ගැමියන් හඳුන්වන්නෙ දනවානාගල ලෙසිනි. එයට හේතුව මුඛ පරම්පරාවෙන් පැවත එන මතයකි. එනම් ධනය වනා තිබූ ගල ලෙස පුරාවෘත්තයන් හි සඳහන් බවට ගැමියන් අදහන මතයක් හේතුවෙනි.
මේ සේයාරුවත් අන්තර්ජාලයෙනි










දානිගල මුදුනේ




දානිගල පාමුල විහාරස්ථානය


එහෙත් මේ පිළිබඳව විදිමත් හැදෑරීමක් කිසිවකු විසින් හෝ තාමත් කර නොමැත.
එවන් හැදෑරීමක් කරන්නේ නම් ඒ සඳහා වූ අපුරුම තැන් ගණනාවක් මේ වනපෙතෙන් සොයා ගැත හැකි බව ගම්වාසීහු අප හා පැවසූහ.
කොළඹින් පාන්දර 12ට පිටත් වූ අප නුවර මහියංගනය දෙහිඅත්තකණ්ඩිය අරලගංවිල හරහා පසුදා උදේ 6 වන විට කන්දේගම නම් ගම්මානයට පිවිසුණෙමු. මේ දානිගල පර්වතය පිහිටා ඇත්තේ කන්දේගම ගම්මානයේ යි. 
ඒ ගම්මානයෙන් අපට මග පෙන්වන්නට සුනිල් ශාන්ත මහතා එක් වීය. ඉතාමත් අසීරු කඳු නැගීමේ අද්දැකීමක් අපි සියල්ලෝම ලබා ගතිමු. අතිශය සුන්දර වන පෙත මැදින් වැටී ඇති ගිරි දුර්ගය ඔස්සේ අපි කෙමෙන් කෙමෙන් පර්වත මුදුනතට ළගා වන විට දහවල් 11 පමණ විය.
ඒ යන අතරමග දුටු එක් දසුනකින් අප කාගේත් සිත් සසල විය. වන පෙත මැද කටාරම් කොටන ලද ගුහා සංකීර්ණයක සැතපෙන බුදු පිළිමයක් සහිත පිළිම කීපයක් ම දක්නට ලැබෙයි. මේ ගුහා දැනට වනපෙතට යට ව ඇති සෙසකි. සැතපෙන පිළිමයේ සිරස නැත. නිදන් හොරුන්ට එය බිලිව ඇත. 1985 වසරේදි පමණ මේ විනාශය සිදු කර ඇති බව අපේ මග පෙන්වන්නා පැවසීය. අද ද කිසිවකුගේ අවධානයක් නොමැතිව ක්‍රිස්තු පූර්ව තුන් වැනි සියවසට අයත් අගනා පුරාවස්තු රැසක් මෙසේ වන පෙතට යටවෙමින් පැවතීම ගෙන දුන්නේ හදවතට දුකකි.
එවන් සන්තාපයෙන් යුතුව වව කඳූ මුදුනට ආ අපට මාදුරුඔය මිටියාවතේ ඇත කෙළවර දක්වා දිස්වන දසුන දෙනෙතට රසඳුනක්ම විය. 
පිටසක්වල යානා පැමිණෙන්නේ යැයි කියන කියමන එකවරම බැහැර කරන්නට බැරි අපූරුම තැනිතලා බිමක් එහි මුදුනත වෙයි. එය වචනයෙන් විස්තර කරනවාට වඩා සියැසින් දැකගැන්ම වටී.
කඳු මුදුනතට යන්නට අප තෝරාගත් මග එතරම්ම අසීරු නොවුවත් ආපසු කන්ද බසින්නට අප තෝරාගත්තෙ අතිශය දුශ්කර මාර්ගයකි. හිටිවනම පිහිටි බැවුම ගල් ගුහා අතරින් ඉතා අනතුරු දායක ලෙස බසින්නට අපට සිදු විය. මග පෙන්නන්නට සිටි පලපුරුදු සුනිල් මහතාත්, කඳු තරණය වෘත්තිය මට්ටමින් සිදු කරන ඇවිදින්නෝ සමූහයේ පෙර සූදානමත් උපකරණත් හේතුවෙන් ඉතා පරිස්සමින් අපි කන්ද පහළට ආවෙමු. එහිදි ඇවිදින්නෝ හි පළපුරුදු මගපෙන්වන්නන්ගේ සහෝදරාත්මක උදව්වද අපට මහත්ම රුකුළක් විය.
කඳුනැගීමේ අද්දැකීම් ලබන්නට කැමති කා හටත් කදිම තැනකි දානිගල කන්ද තරණය.
ආපසු එන ගමනේදී ඔබට මාදුරුඔය වනෝද්‍යානයේ අලි ඇතුන්ද දැකගනිමින් එන්න හැකිය. ඒ අතර මහඔය උණුවතුර ළිං ද නරඹන්නට අමතක නොකෙරුවෙමු.
මේ කඳු මුදුනේ අලි ඇතුන් ගැවසේ. මහඔය මාර්ගයේ එනවිට හමුවන කන්දක්


මහඔය උණුවතුර ළිං



විස්තරය:
අපේ කණ්ඩායම - සාමාජිකයයන් 12කි
මග පෙන්වීම - කන්දේගම ගමේ සුනිල් ශාන්ත මහතා සහ ඇවිද්න්නෝ
කුමක් සඳහාද - කඳු නැගීම, හැදැරීම, ඡායාරූපකරණය,ගවේශනය
කාලගුණ තත්ත්වය - වියළි කාලගුණයක්, සිසිල් සුළං හමයි.
රැගෙන යා යුතු දේ - කඳු නැගීමට අවැසි ආරක්ෂිත උපකරණ, අවම එක් අයෙකු සඳහා බීමට වතුර ලිටර් 3ක්, කෙටි කෑම වර්ග,
විශේෂ උපදෙස් - කිසිවිටක ප්ලාස්ටික් බඳුන් ඉටිකොළ වැනි දෑ රැගෙන නොයන්න. තවම මෙම පරිසරය එවන් දැයින් කිළිටිව නැත.
වන පෙතට යන්නට පෙර අදාළ පොලිස් ස්ථානය හා ගමේ විහාරස්ථානය දැනුවත් කර අවසර අරන් වනයට ඇතුළුවන්න.

විශේෂ ස්තුතිය ඇවිදින්නෝ කණ්ඩායමේ තිමිර ජනිත් යාපා මහතාට

2017-03-26

| නෙළුම් යාය බ්ලොග් සම්මාන උළෙළ 2016 |

වෝටර්ස් එජ් හි ඊයේ (25) සවස් යාමයේ පැවැති නෙළුම් යාය බ්ලොග් සම්මාන උළෙල මහත් හරසරින් යුතුව පැවැත්වීණි.
එහිදී මගේ "සමකය වටේ" [ http://samakayawate.blogspot.com ] බ්ලොග් අඩවියට මා ලියූ කොළපතන ඇල්ල සොයා ගිය ගමනක් නම් චාරිකා සටහන වෙනුවෙන් සංචාරක හා ඡායාරූප අංශයෙන් දෙවැනි ස්ථානය හිමිවිය. මා එම සම්මානය ලබන මොහොතේ, මා සමග කොළපතන ඇල්ල චාරිකාවට එක් වූ දෙදෙනකුම [ Sathyajith Kannangara සහ Sanuja Gunawardhana ] ශාලාවේ සිටීම සතුටක් ම විය.

2017-03-20

Knuckles 5 peaks Challenge (නකල්ස් )

ත්‍රාසය පිරි ක්‍රියාකාරකම් සඳහා වත්මන් තරුණ පරපුර වැඩි වැඩියෙන් යොමුවන මේ වකවානුවේ කඳු තරණයට මුල් තැනක් හිමිව ඇත්තේය. අද වන විට බොහෝ පිරිස් තම විනෝද චාරිකාව සඳහා තෝරාගන්නේ මේ කඳු තරණයයි.

Feed!

RSS Feed!
RSS Feed!
RSS Feed!
Subscribe to our RSS Feed! Follow us on Facebook! Follow us on Twitter! Visit our LinkedIn Profile!
Feed!

ඉන්ස්ටග්‍රෑම්

Instagram

tweet

ළබැඳි මිතුරන්