| නෙළුම් යාය බ්ලොග් සම්මාන උළෙළ 2016 |

වෝටර්ස් එජ් හි ඊයේ (25) සවස් යාමයේ පැවැති නෙළුම් යාය බ්ලොග් සම්මාන උළෙල මහත් හරසරින් යුතුව පැවැත්වීණි.
එහිදී මගේ "සමකය වටේ" [ http://samakayawate.blogspot.com ] බ්ලොග් අඩවියට මා ලියූ කොළපතන ඇල්ල සොයා ගිය ගමනක් නම් චාරිකා සටහන වෙනුවෙන් සංචාරක හා ඡායාරූප අංශයෙන් දෙවැනි ස්ථානය හිමිවිය. මා එම සම්මානය ලබන මොහොතේ, මා සමග කොළපතන ඇල්ල චාරිකාවට එක් වූ දෙදෙනකුම [ Sathyajith Kannangara සහ Sanuja Gunawardhana ] ශාලාවේ සිටීම සතුටක් ම විය.

මේ මොහොතේ හදපිරි බැතියෙන් සිහි කර යුතු පිරිසක් වෙයි. වෙබ් නිර්මාණය ගැන මෙලෝ හසරක් නොදැන සිටි කාලයක යන්තම් බ්ලොගක් අටවාගන්නට මට ගුරු හරුකම් දුන්නේ සුදුමහත්තයා ය.[ සුදු මහත්තයා නොහොත් Narthana Jananjaya ය.]
එසේ අටවාගත් බ්ලොගට වෙසෙස් වෙබ් පෙනුමක් ලබා දුන්නේ මා හිත මිත්‍ර නදික සෙනරත් පතිරණය. [ Nadeeka Senarath Pathirana ]
බ්ලොග ලියාගන යද්දී ඇති වූ කලකිරීම් මැද මා දිරිමත් කළේ මාතලන් හෙවත් ප්‍රියන්ත හේවගේය. [ Priyantha Hewage Maathalan ]
ඒ වගේම ආදරණිය අටමා [ ලක්මාල් කන්දෙවිදානෙ ] දුන් උපදෙස්ද කිසිදා අමතක නොවේ.
එසේම මගේ ලිපිය සම්මාන උදෙසා නිර්දේශකොට යොමු කරේ කවුරුන්ද යන්න මම අදටත් නොදනිමි.
සම්මානයෙන් මා ලබන අහිංසක සතුට නිඹඳවම ඉහත සහෘදයන් පිරිසටද හිමි විය යුතුම ය. සටහනට පාදක මන්දාරම් නුවර චාරිකාවට මා හා එක් වූ සැම දෙනවද මේ මොහොතේ හදපිරි බැතියෙන් සිහිපත් කරමි.

මේ සම්මාන උළෙලේ සම්මාන සඳහා නිර්දේෂිත, සම්මාන ලාභී සහෘද බ්ලොග්කරුවන් සැම දෙනාටමත් සුබ පතන අතර, සංවිධායක මඩුල්ලට තුතු පුද කර සිටිමි.

කොළපතන ඇල්ල සොයා ගිය ගමන මෙතැනින් කියවන්න