Hiking little adam's peak (Ella) ඇල්ල පුංචි සිරිපාදය තරණය

අප රැගත් බදුල්ල රාත්‍රී තැපැල් දුම්රිය හරියටම රාත්‍රී අටට කොළඹ කොටුවෙන් සිය ගමන ආරම්භ කළේ ය. හෙට දින උදැසනම ඇල්ල නගරයට ආසන්නව පිරිටි පුංචි සිරිපාදය නැගීමට ඇති හෙයින් අපි නින්දට වැටුණෙමු. පළමු පන්තියේ නිදන මැදිරි ආසන වෙන්කරගන්නට නොහැකි වුවත් අපට එතරම් සුව පහසු නැති තුන්වැනි පන්තියේ නිදන ආසන ලැබී තිබීම මහත්ම පහසුවක් විය.

 
පහ හමාර පමණ වන විට අප සිටියේ උඩරට දුම්රිය මගේ සුන්දරම ඉසව්ව සේ සැලකෙන ඉදල්ගස් හින්න සමිපයේ ය. හිරු සෙමෙන් නිල වර්ණිතව ඇත ක්ෂිතිජය හරහා රටා මවමින් විකසිත වෙන දසුනින් අපි වශීකෘත වූයෙමු. ඒ දසුන එතරම්ම චමත්කාර ජනකය.
අපේ දුම්රිය ඇල්ල දුම්රිය ස්ථානයට ළගා වූයේ නියමිත වේලාවට වඩා පැයක පමණ පමාවක් සහිතවය. උදේ හත වෙන විට අපි ඇල්ලෙන් බැස උදේ ආහාරයෙන් සප්පායමී වීමු.
ඇල්ල යනු සංචාරක කේන්ද්‍රස්ථානයකි. මෙහි සිට පැය කීපයක් ඇතුළත ලංකාවේ ලස්සනම ස්ථාන ගණනාවකට යැමී ඊම් කළ හැකිය. එනිසාමදෝ ඇල්ල නගරය නිරන්තරයෙන්ම විදේශික සංචාරකයන්ගෙන් පිරි පවතී.
අපේ චාරිකාව වූ පුංචි සිරිපාදයට යා යුත්තේ ඇල්ල පස්සර පාරේ කිලෝමීටර් දෙකක පමණ දුරක් ගමන් කිරීමෙනි.
සුප්‍රකට 98 ඒකර්ස් හෝටලයට යන මාවතෙන් හැරි පුංචි සිරිපාදයට ළගා විය හැකිය. එහි සුන්දරත්වය මම විස්තර නොකරමි. සේයා රූ හා විඩියෝවෙන් ඒ සුන්දරත්වය ඔබටම දැක ගත හැකිය.
මෙන්න වීඩියෝව