රට තොට ඇවිදින සහ පොත් පත් කියවන අපේ කාලයේ කොල්ලන්ගේ කෙල්ලන්ගේ අපූර්ව අද්දැකීම්. ඔබගේ අද්දැකීම එවන්න මෙන්න ලිපිනය ndilruksha@gmail.com

2016-09-28

තරුලෙන්ගල නොහොත් කරඳහෙල Tharulengala Rajamaha Viharaya




ලාහුගල හුලන්නුගේ ගම්මානයේ පිහිටා ඇති සෙනසුනකි තරුලෙන්ගල නොහොත් කරඳහෙල. තැනිතලා බිමේ එක්වරම අඩි 633ක් ඉහළට නගින කඳුගැටයක මේ ආරාන්‍ය පිහිටා ඇත. ක්‍රිස්තු පූර්ව 2වැනි සියවසට අයත් යැයි සැලකෙන මෙම සෙනසුන් භුමියේ ගල් ලෙන් විශාල ප්‍රමාණයක් දක්නට හැකිය. කාවන් තිස්ස රජ තුමා විසින් මෙම විහාර සංකිර්ණය අලුත්වැඩියා කර ඇති බවට සෙල්ලිපියක් එහි වෙයි.
එසේම දැනට සොයාගන ඇති ආසියාවේ දිගම කටාරම සහිත ස්භාවික පිහිටි ලෙන් කුටිය පිහිටා ඇත්තේ ද මෙම සේනාසනයේය.
නැඟෙනහිර පළාතේ සංචාරයක නිරතවන්නේ නම් මේ ස්ථානය දැකගන්නට යන්න අමතක නොකරන්න.







2016-09-27

ආරුගම්බේ රාත්‍රියක් | A R U G A M B A Y night camping |



කොළඹ සිට කිලෝ මීටර් 320ක් පමණ දුරකින් නැගෙන හිර පළාතේ පහළට වන්නට පිහිටි මුහුදුබඩ නගරයකි ආරුගම්බේ. ආරුගම්බේ නාමය ලොව පුරා ප්‍රචලිතය. ඒ මුහුදු දිය මත ලිස්සා යාමේ ක්‍රීඩාව (surfing) සඳහා වඩාත්ම යෝග්‍ය මුහුදු තීරයන්ගෙන් එකක් වීම නිසාය.
දෙස් විදෙස් සංචාරකයෝ දහස් ගණනින් ආරුගම්බේ වෙරළ තිරය වෙත ඇදී එන්නේ මේ නිසාය. දැන් දැන් දෙශීය සංචාරකයන්ද සර්ෆින් ක්‍රීඩාවට යොමුවෙමින් වින්දනයක් ලබන අයුරු එහි ගිය අපට දැක ගන්නට හැකි විය.

2016-09-22

සමකය වටේ අඩවියේ you tube channel කරලියට.

මගේ සමකය වටේ බ්ලොග් අඩවියේ නමින්ම යූ ටියුබ් චැනලයක් පටන් ගත්තා. තාම පටන් ගත්තා විතරයි. 
පොඩි පොඩි විඩියෝ කැලි තමා තියෙනනේ. ඉතින් සහොදර සහෝදරියනේ හැකිනම්  මේ ලින්කුවෙන් එතැනට ගිහින් ඒක subscribe කරන්න. ලයික් එකක් දාලා සහයක් දෙන්න. ඉදිරිටය මගේ චාරිකා මේ තුළින් ඔබට සමීප කරවන්නයි මගේ අදහස.

දැනට දාල තියන වීඩියෝ කෑලි දෙක පහතින් නරඹන්න හැකියි.



බ්ලොග් එකට වගේම මේ කාර්යයටත් ඔබෙන් ලැබෙන සහාය ඉතා අගේ කොට සලකමි.


2016-08-31

|කොළපතන ඇල්ල සොයා ගිය චාරිකාවක්|

කොළපතන ඇල්ල KOLAPATHANA fall
සුන්දර වූ මන්දාරම් නුවර ගැන මම අසා තිබුණෙමි. එහෙත් කිසි දිනක එහි පා තබා නොතිබුණි. මන්දාරම් නුවර සිරි නැරඹීම එනිසාම මගේ සිහිනයන් අතර රැඳී තිබිණි.
පසු ගිය දා ඒ සිහිනය සැබෑ කර ගන්නට හැකි විය. ඒ ගමනට මා හා 27 දෙනකුම එකතු වීම තවත් සතුටක් ම විය. ඉන් එක් අයෙකු හැරෙන්නට අන් කිසිවකුත් එහි ගොස් නොතිබිණි.
පමා වී ඉර පායන වේලාසනින් ඉර බැස යන පුරවරයක් ලෙසටය මන්දාරම් නුවර හැඳින් වෙන්නේ. 
පැති දෙකකින් මන්දාරම් නුවරට ළගා විය හැකිය. එක් මාවතක් වන්නේ මහ නුවර හරහා පදියපැලැල්ලෙන් හැරී මන්දාරම් නුවරට ළගා වීමය.

2016-04-27

කුකුල්ලු හා මිනිස්සු

මීරිගම පල්මඩ අපේ ගමේ රක්ෂිත වනය මැදින් වැටි ඇති මග දෙපස සුදෝ සුදු කකුලන් අට දෙනකු පසුගිය දා දකින්නට ලැබුණා.
වළි කුකුළන් නිතර මේ වනයේ ගැවසෙනු ගම්වාසීන් දැක තිබුණත් මෙවන් සුදෝ සුදු කුකුළන් කිසි දින වනයේ දී දැක තිබුණේ නෑ.





2016-03-09

සත්‍යවාදියා හමුවන්න එන්න හෙට මහජන පුස්ථකාලයට

සුනිල් අයියාගේ දේශපාලන භාවිතාව පිළිබඳව ප්‍රශ්න කරන්ණෙනි.
1994 වන විට,ඒ වන තෙක් පැවැති දුර්දාන්ත පාලනයේ සියලු පදනම් පුපුරුවා හරින්නට ජනතාව සමත් වූ අතර,එකී මහ ජනකාය තුල විරෝධයේ රළ වේගය ඉහලින්ම නිර්මාණය කරන්නට සමත් වූ අල්පයක් ප්‍රගතිශීලීන් අතර සුනිල් අයියා පෙරමුණේම විය.
ඉනික්බිති,කොතෙක් දේ සිදුවීද,ඒ නිශ්චිත මොහොතේ සුනිල් අයියා ගේ මැදිහත් වීම අරඹයා වීරත්වය පිළිබඳ නොවියැකෙන සුළු ආදර්ශයක් තවමත් අප තුල සනිටුහන් කොට තිබෙන වග කිව යුතුවම ඇත.
ඉතින් මේ උපහාරයට ඒ නොවියැකෙන සුලු වීරත්වය ද හේතුවක් වූ බව මා ඔබට කිව යුතුමය.. ඉන් ඔබ්බට මේ සැමරුම කුමක් සඳහා දැයි යන්න දැන ගැනීමට මාර්තු 10 සවස 2:00 ට කොළඹ මහජන පුස්තකාලයට ඔබත් ආ යුතුමය..

Asangi Anju Wijesooriya

2016-01-01

සුබ නව වසරක් වේවා

බ්ලොග් ලියන කියවන සැම දෙනාටම පැතුම් ඉටුවන සුබ වාසනාවන්ත නව වසරක් වේවා

2015-10-15

මනුස්සකම නැති වෙලා ද? කාලය හරස් වෙලා ද?


අපි හැමෝම කාර්ය බහුල වුවෝ වෙති. මේ කාර්ය බහුලත්වය ඇතිවන්නේ අපේ වරදකින් නොව. එදා අපේ රට වැස්සෝ අදට සාපේක්ෂව කාර්ය බහුල නොවීය. එදා නෑ ගමන් යන්නට ගොස් එහි දින ගණන් ගත කරන්නට, මල ගෙවල්වල ගොස් දින ගණන් සිටින්නට ඉසිඹු ලද්දෝ වූහ. අතිතයට සාපේක්ෂව අද නෑගමන් යැවෙන්නේම නැති තරම්ය. ගියද අත්‍යවශ්‍ය දේකට සීමිත කාලයකට පමණි. මල ගෙදරකට ගොඩවන්නේ මර රෑය.මෙය අපේ වරදක් නොව ගෝලිය ජීවන රටාව නම් සිස්ටම් එකේ වරදකින් ඇති වූවකි.

2015-09-20

සරළ ඉවුම් පිහුම් chicken soup with vegetable & garlic bread


සුපුරුදු විදියට සෙනසුරාදා හැන්දෑවේ මමත් මුළුතැන් ගෙට ගොඩ වැදුණා. බොහොම සරළ ඉක්මනින් සාදාගත හැකි රසවත් රාත්‍රී ආහාරයක් තමයි මං පිළියෙල කෙරුවේ. තමන්ගේ කෑම වේල තමන් ම හදාගන කන එකෙත් පොඩි ලල් එකක් තියනවයි කියල දැනෙන්නේ එහෙම හදාගන කාපුවාම තමයි.
ඔන්න මං හැදුවේ ගාර්ලික් බ්‍රෙඩ් (garlic bread) එක්ක වෙජිටබල් මික්ස් චිකන් සුප් එකක් (chikan soup with wegitable). නිවාඩු පාඩු වෙලාවක මේ විදියටත් හදල බලන්නකෝ.



ඉහළ පින්තූරයේ තියන විදියට එළවළු ටික හා මස් කෑල්ල සෝදලා තියාගත්තා පැත්තකින්.
ඔව් ඒ පිඟානේ තියෙන්නේ මෙන්න මේ දේවල්
1. කැරට් ලොකු කැබලි ලෙස
2. බී ලූණු 
3. සැල්දිරි අත්තක් ලොකු කෑලි ලෙස
4. කොත්තමල්ලි මුල් කෑල්ලක්
5. කොත්තමල්ලි කොළ ස්වල්පයක්
6. ලූණු කොළ ලොකුවට කපාගන
7. මල් ගෝවා
8. නිවිති කොළ
9. කුකුල් මස් කැල්ලක් කටු රහිත
මේ හදල තියන්නේ තනි කෙනකුට අවශ්‍ය ප්‍රමාණයටයි. ඔබගේ අවශ්‍යතාව අනුව ඒ ඒ දේ වැඩිකරගන්න.

2015-09-17

සබඳ; අපි කවුරුත් මිනිස්සුනේ...




සමාජයේ කතිකාවට කලින් කලට හොඳ හොඳ මාතෘකා ලැබේ. කැලණි ගඟේ තෙල් කතාව යට ගියේ කොටදෙණියාවේ සිද්ධිය නිසාය. කොටදෙණියාවේ සිද්ධිය දැන් තලු මරමින් ද, විරෝධය පාමින්ද, අනුකම්පාවෙන් ද යුතුව හොඳින් අලවි වේ. මේ අලවිය ආර්ථික වාසි තකා මෙන්ම හුදු ආශ්වාදය තකා ද සිදුවේ.
වානිජ්‍ය මාධ්‍ය මගින් එම පුවත මෙන්ම සිද්ධිය වටා වූ අතුරුකතා ද හොඳින් අලවි කළ අයුරු අපි දුටුවෙමු.

2015-09-10

ස්ත්‍රීවාදයෙන් බැහැරව ලියැවුණු කාව්‍ය සංග්‍රහ දෙකක්


පරණ පෝස්ටුවක් ඇස ගැටි යළි උඩට දැම්මෙමි... මේ සාහිත්‍ය මාසයනේ..
------------------------------------------------------------------------

සති අන්තයේ දී මට අනගි පොත් දෙකක් කියවන්න ට ලැබිණි. ඉන් එක් පොතක දොරට වැඩීමේ අවස්ථාවට එක්වන්නට ද මට අවස්ථාව ලැබිණි. ඒ සයිබර් අවකාශය ඔස්සේ ලද දැන හැදුනුම් කමක් නිසාවෙනි. අනෙක් පොත මා අතට පත් කළේ තවත් සයිබරයෙන්ම අදුනාගත් මිතුරෙකි. මෙම පොත් දෙකම කියවීමෙන් මම  නොමද ආශ්වාදයක් වින්දෙමි.

2015-09-09

ස්ත්‍රීවාදයෙන් බැහැරව ලියැවුණු කාව්‍ය සංග්‍රහ දෙකක්

පරණ පෝස්ටුවක් ඇස ගැටි යළි උඩට දැම්මෙමි... මේ සාහිත්‍ය මාසයනේ..

සති අන්තයේ දී මට අනගි පොත් දෙකක් කියවන්න ට ලැබිණි. ඉන් එක් පොතක දොරට වැඩීමේ අවස්ථාවට එක්වන්නට ද මට අවස්ථාව ලැබිණි. ඒ සයිබර් අවකාශය ඔස්සේ ලද දැන හැදුනුම් කමක් නිසාවෙනි. අනෙක් පොත මා අතට පත් කළේ තවත් සයිබරයෙන්ම අදුනාගත් මිතුරෙකි. මෙම පොත් දෙකම කියවීමෙන් මම  නොමද ආශ්වාදයක් වින්දෙමි.

බ්ලොග් රෝල්වල අප් ඩේට් නොවන ලෙඩක් ආවෝ...

2015-09-07

හුදකලාව


තුන් මසකුත් ගෙවී ගියා
සේයාරුව ගූගල් වෙතිනි
ටිකිරි සිනා හඬ
දෙසවන තුළ හිතලුවක්ය, 

කාලය යයි ඉගිල ඉගිල
රුවවත් නෑ
නෙත ගැටුණේ,

පෙර කල අකුසල් මහිමය
කියා හිතට ගෙන සැනසුම
සුසුම් සමග අද තනියම
දැස් කෙවෙණි වී තෙතමන.......

සිටින තැනක වි සතුටින
ඉන්නවනං එයයි සැපත
සීමා මායිම් කුමටද?
දවසක වැටහේවි ඔබට....


Feed!

RSS Feed!
RSS Feed!
RSS Feed!
Subscribe to our RSS Feed! Follow us on Facebook! Follow us on Twitter! Visit our LinkedIn Profile!
Feed!

ඉන්ස්ටග්‍රෑම්

Instagram

tweet

ළබැඳි මිතුරන්