සමකය වටේ

ඔබගේ අද්දැකීම එවන්න මෙන්න ලිපිනය ndilruksha@gmail.com

Full width home advertisement

සංචාරක

පුවත්

Post Page Advertisement [Top]

මේ සේයාරුව අන්තර්ජාලයෙනි
මාදුරු ඔය මිටියාවතේ හිටිවනම අහස උසට නැගෙන දානිගල කන්ද නොහොත් දන වානා ගල පර්වතය තරණය කරන්නට පසුගිය දා අපට හැකිවිය. ක්‍රිස්තු පූර්ව තුන්වැනි සියවස දක්වා දිවෙන අතීතයක් සහිත මේ පර්වතය අදත් හදුන්වන්නෙ පිටසක්වල ජීවින් පැමිණෙන ඉසව්වක් ලෙසිනි. එනිසාම මේ පර්වතය Alien Mountain ලෙසින්ද හදුන්වයි.
කන්දේගම පිහිටි මේ පර්වතය ගැමියන් හඳුන්වන්නෙ දනවානාගල ලෙසිනි. එයට හේතුව මුඛ පරම්පරාවෙන් පැවත එන මතයකි. එනම් ධනය වනා තිබූ ගල ලෙස පුරාවෘත්තයන් හි සඳහන් බවට ගැමියන් අදහන මතයක් හේතුවෙනි.
මේ සේයාරුවත් අන්තර්ජාලයෙනි










දානිගල මුදුනේ




දානිගල පාමුල විහාරස්ථානය


එහෙත් මේ පිළිබඳව විදිමත් හැදෑරීමක් කිසිවකු විසින් හෝ තාමත් කර නොමැත.
එවන් හැදෑරීමක් කරන්නේ නම් ඒ සඳහා වූ අපුරුම තැන් ගණනාවක් මේ වනපෙතෙන් සොයා ගැත හැකි බව ගම්වාසීහු අප හා පැවසූහ.
කොළඹින් පාන්දර 12ට පිටත් වූ අප නුවර මහියංගනය දෙහිඅත්තකණ්ඩිය අරලගංවිල හරහා පසුදා උදේ 6 වන විට කන්දේගම නම් ගම්මානයට පිවිසුණෙමු. මේ දානිගල පර්වතය පිහිටා ඇත්තේ කන්දේගම ගම්මානයේ යි. 
ඒ ගම්මානයෙන් අපට මග පෙන්වන්නට සුනිල් ශාන්ත මහතා එක් වීය. ඉතාමත් අසීරු කඳු නැගීමේ අද්දැකීමක් අපි සියල්ලෝම ලබා ගතිමු. අතිශය සුන්දර වන පෙත මැදින් වැටී ඇති ගිරි දුර්ගය ඔස්සේ අපි කෙමෙන් කෙමෙන් පර්වත මුදුනතට ළගා වන විට දහවල් 11 පමණ විය.
ඒ යන අතරමග දුටු එක් දසුනකින් අප කාගේත් සිත් සසල විය. වන පෙත මැද කටාරම් කොටන ලද ගුහා සංකීර්ණයක සැතපෙන බුදු පිළිමයක් සහිත පිළිම කීපයක් ම දක්නට ලැබෙයි. මේ ගුහා දැනට වනපෙතට යට ව ඇති සෙසකි. සැතපෙන පිළිමයේ සිරස නැත. නිදන් හොරුන්ට එය බිලිව ඇත. 1985 වසරේදි පමණ මේ විනාශය සිදු කර ඇති බව අපේ මග පෙන්වන්නා පැවසීය. අද ද කිසිවකුගේ අවධානයක් නොමැතිව ක්‍රිස්තු පූර්ව තුන් වැනි සියවසට අයත් අගනා පුරාවස්තු රැසක් මෙසේ වන පෙතට යටවෙමින් පැවතීම ගෙන දුන්නේ හදවතට දුකකි.
එවන් සන්තාපයෙන් යුතුව වව කඳූ මුදුනට ආ අපට මාදුරුඔය මිටියාවතේ ඇත කෙළවර දක්වා දිස්වන දසුන දෙනෙතට රසඳුනක්ම විය. 
පිටසක්වල යානා පැමිණෙන්නේ යැයි කියන කියමන එකවරම බැහැර කරන්නට බැරි අපූරුම තැනිතලා බිමක් එහි මුදුනත වෙයි. එය වචනයෙන් විස්තර කරනවාට වඩා සියැසින් දැකගැන්ම වටී.
කඳු මුදුනතට යන්නට අප තෝරාගත් මග එතරම්ම අසීරු නොවුවත් ආපසු කන්ද බසින්නට අප තෝරාගත්තෙ අතිශය දුශ්කර මාර්ගයකි. හිටිවනම පිහිටි බැවුම ගල් ගුහා අතරින් ඉතා අනතුරු දායක ලෙස බසින්නට අපට සිදු විය. මග පෙන්නන්නට සිටි පලපුරුදු සුනිල් මහතාත්, කඳු තරණය වෘත්තිය මට්ටමින් සිදු කරන ඇවිදින්නෝ සමූහයේ පෙර සූදානමත් උපකරණත් හේතුවෙන් ඉතා පරිස්සමින් අපි කන්ද පහළට ආවෙමු. එහිදි ඇවිදින්නෝ හි පළපුරුදු මගපෙන්වන්නන්ගේ සහෝදරාත්මක උදව්වද අපට මහත්ම රුකුළක් විය.
කඳුනැගීමේ අද්දැකීම් ලබන්නට කැමති කා හටත් කදිම තැනකි දානිගල කන්ද තරණය.
ආපසු එන ගමනේදී ඔබට මාදුරුඔය වනෝද්‍යානයේ අලි ඇතුන්ද දැකගනිමින් එන්න හැකිය. ඒ අතර මහඔය උණුවතුර ළිං ද නරඹන්නට අමතක නොකෙරුවෙමු.
මේ කඳු මුදුනේ අලි ඇතුන් ගැවසේ. මහඔය මාර්ගයේ එනවිට හමුවන කන්දක්


මහඔය උණුවතුර ළිං



විස්තරය:
අපේ කණ්ඩායම - සාමාජිකයයන් 12කි
මග පෙන්වීම - කන්දේගම ගමේ සුනිල් ශාන්ත මහතා සහ ඇවිද්න්නෝ
කුමක් සඳහාද - කඳු නැගීම, හැදැරීම, ඡායාරූපකරණය,ගවේශනය
කාලගුණ තත්ත්වය - වියළි කාලගුණයක්, සිසිල් සුළං හමයි.
රැගෙන යා යුතු දේ - කඳු නැගීමට අවැසි ආරක්ෂිත උපකරණ, අවම එක් අයෙකු සඳහා බීමට වතුර ලිටර් 3ක්, කෙටි කෑම වර්ග,
විශේෂ උපදෙස් - කිසිවිටක ප්ලාස්ටික් බඳුන් ඉටිකොළ වැනි දෑ රැගෙන නොයන්න. තවම මෙම පරිසරය එවන් දැයින් කිළිටිව නැත.
වන පෙතට යන්නට පෙර අදාළ පොලිස් ස්ථානය හා ගමේ විහාරස්ථානය දැනුවත් කර අවසර අරන් වනයට ඇතුළුවන්න.

විශේෂ ස්තුතිය ඇවිදින්නෝ කණ්ඩායමේ තිමිර ජනිත් යාපා මහතාට

31 comments:

  1. මේ වගේ අපි නොදන්න තැන් තව කොයිතරම් නම් ඇතිද???
    අපූරු සටහන...

    ReplyDelete
    Replies
    1. අපි නෙදන්න ොච්චර තැන් තියනවද තව

      Delete
  2. /* වන පෙතට යන්නට පෙර අදාළ පොලිස් ස්ථානය හා ගමේ විහාරස්ථානය දැනුවත් කර අවසර අරන් වනයට ඇතුළුවන්න. */

    ප්‍රාදේශීය සභාවෙන් නොවෙයි ද අවසර ගන්න ඕනෑ?

    ReplyDelete
    Replies
    1. අවසරයක් අවශ්‍ය නෑ දැනුවත් කර යාම ආරක්ෂිතයි

      Delete
  3. කුතුහලය දනවන අපූරු ලිපියක්

    ReplyDelete
  4. ඒලියන් ස්ලීව්ලස් ටීෂර්ට් එකක

    ReplyDelete
  5. නලින් අයියගෙ සංචාරක සටහන් නම් නියමයි... කඳු නඟින්න නැති ආරක්ශාකාරීව කාන්තා පිරිමි දෙගොල්ලන්ටම කෑම්පිං කරන්න හොඳ තැන් මොනවද අයියා?
    ජයවේවා..!!

    ReplyDelete
    Replies
    1. නකල්ස් පර්ඩේල් මාර්ගයේ තැන් තියනවා, හෝර්ටන් තැන්න, ආරුගම්බේ, පානම, වැලිගම, ගොඩක් තැන් තියනවා.

      Delete
  6. කොමෙන්ට්ස් වලට උඩින් ප්‍රදේශය කියන තැන මොකද්ද ඒ තියෙන්නෙ?

    ReplyDelete
    Replies
    1. ඒකනම් මේ ගූගල් හාදයා ඔටෝ දාලා වගේ ඉන්න මම ඒක හදන්න බලන්නං මමත් දැක්කේ දැන් ඒක.

      Delete
  7. නලින්, හැමදාම මේ වගේ සොඳුරු විස්තර ගේන්න පුළුවන් ගානට සෞඛ්‍යය රැකගන්න.

    ReplyDelete
    Replies
    1. ොොම ස්තුතියි පැරා. මටත් ඒක දැන් දැනිලා තියනවා.

      Delete
  8. නලින් අයියාට තව නගින්න කඳු තියෙනවාද දැන් මෙහේ.

    ReplyDelete
    Replies
    1. තව තියනවා අමාරුම ටික තරණය කරා තව නොගිය තැන් තියනවා.

      Delete
  9. යන්න ආසාව තියෙනවා. ඒත් අවදානමක් ගන්න ටිකක් බයයි. මේක නියම තැනක්. අපි තවත් තැන් කිහිපයක් ගැනම කථා වුණා නේද?

    ReplyDelete
    Replies
    1. තව අපේ රටේ අපි නොගිය තැන් කොපමණ තියනවද? මම හැකි හැම වෙලාවෙකම බලන්නේ නොගිය තැනකට යන්න දැන්.

      Delete
  10. සොඳුරු සටහනක්... ජයවේවා

    ReplyDelete
    Replies
    1. ස්තුතියි දිල්ෂාන්

      Delete
  11. කන්ද උඩ ඇවිදින්න සෑහෙන ඉඩක් තියනව වගේ නේද?

    ReplyDelete
    Replies
    1. ඔව් විශාල තැනිතලා බිමක් කන්ද උඩ තියෙන්නේ අමුතුම පිහිටීමක්

      Delete
  12. සුපර් මචං..ඇත්තටම කියනවනම් කියවනකොට ඉරිසියයි.. ඒත් මට නගින්න බැරි යන්න බැරි තැන් වල තව තවත් ගිහින් අඩුම තරමින් අපිට බලන්න මෙහෙම පෝස්ට් එකක් හරි දාන්න උඹලට සවි ශක්තිය තව තවත් ලැබේවා!

    ReplyDelete
    Replies
    1. උඹට නගින්න බැරි තැන්වල නැගලා අපි පෝස්ට් දැම්මට කමක් නැද්ද එහෙනම්.. හැක්...

      Delete
    2. // නගින්න බැරි තැන්වල// යේස්.. නෝ ප්‍රොබ්ලම්! ෆොටෝ එක්කම දාපල්ලා පෝස්ට්! හැබැයි රජෝ.. මට නගින්න පුලුවන් තැන්වල නගුන්න තියා හිතලවත් අහුවෙනවා නෙවෙයි හරිය.. සීනි දාල වෙඩි තියෙනවා කූඹි කාල මැරෙන්න දැනගං..

      Delete
    3. උයාලා ඉතින් බිල්ඩින්වල උඩටම නගිනවනේ කමි මලයෝ

      Delete
  13. මගදී එලියන් ල එහෙම හමු උනේ නැතෙයි?

    ReplyDelete
    Replies
    1. නෑනේ සයුරි. එකනේ කිව්වේ මේ තැන ගැන තාම විදිමත් පර්යේෂණයක් කෙරිලා නෑ කියන එක

      Delete

මගේ මේ පුංචි වෑයම පිළිබඳ අදහසක් දැක්වුවොත් එය මට විශාල ශක්තියක්.මල් මෙන්ම ගල් වුව කම් නැත.

Bottom Ad [Post Page]

| by NT