සිංහල බ්ලොග් සමාජයක් ගූගල් සමූහයේ

සිංහල බ්ලොග් ලෝකය මේ වන විට විවිධ ඉසව් කරා පැතිර ගොස් තිබෙනවා . විශාල පිරිසක් දැන් සිංහල බසින් බ්ලොග් ලියන්න පටන් අරගන වගේම ඒවා විධිමත්ව පවත්වාගෙනත් යනවා . ඒත් නවක බ්ලොග් කරුවන්ට ඇති ගැටලුව තමයි තම බ්ලොග් අඩවියට පාඨකයන් ගෙන්වා ගැනීම . 

මේ සඳහා සින්ඩිකේටර ගණනාවක්ම තිබුණත් එම සින්ඩි තුළට තම අඩවිය ඇතුළත් කර ගන්න එකත් ඒ තරම්ම පහසු නෑ . සින්ඩි පවත්වාගන යන ඇඩ්මින් වරුන් අතරින් කීප දෙනකු එසැනින් අඩවි තම සින්ඩිකේටරයට ඇතුළත් කර ගත්තත් ඇතැම් ඇඩ්මින් වරු අවිවේකය නිසාදෝ අඩවි ඇතුළත් කරගන්නේ බොහොම හෙමින් . 

මේ සින්ඩිකේටර වෙබ් අඩවි ලෙස , බ්ලොග් අඩවි ලෙස, මෙන්ම මුහුණු පොතේ පිටු ලෙස ද දක්නට ලැබෙනවා . 

මෑතක සිට මුහුණු පොත පරයමින් ගූගල් සමූහයේ G+ සේවාව නවාංග රැසක්ම එක් කරමින්  ඉතාමත්ම ජනප්‍රිය වෙමින් පවතිනවා. එවන් ජනප්‍රියත්වයක් හිමිකරගනිමින් යන ගූගල් සමුහයේ සිංහල බ්ලොග් සමාජයක අඩුවක් පෙනෙන්නට තිබෙනවා . 

මේ හේතුව නිසා තමයි  සිංහල බ්ලොග් ලියන්නන්ගේ සමාජය නමින් ගූගල් + සමුහයේ සමාජ ජාලයක් ඇති කළේ . ඔබ මේ සමූහය හා එක් වීමෙන් ඔබ ලියා ප්‍රසිද්ධ කරන බ්ලොග් සටහන් එසැනින් ඔබේ බ්ලොගයේ ලිංකුවත් සමගින් ම මේ පිටුවේ සටහන් වේවි . ඉපැරණි, ප්‍රවීණ, නවක, සෑම සිංහල බ්ලොග් ලියන්නෙකුටම ලියන්නියකටම සෙනෙහසින් හා සහෝදරාත්මකව ඇරියුම් කර සිටිනවා මේ සමූහය හා එක්වන ලෙස . එසේම මේ සටහන ට ඔබේ අඩවි හරහා ද ප්‍රචාරයක් ලබා දෙන ලෙසත් කරුණාවෙන් ඉල්ලා සිටිනවා . 

මෙන්න ලිංකුව 
මෙතැනින් සිංහල බ්ලොග් ලියන්නන්ගේ සමාජයට ඇතුළු විය හැකියි