ඉරිදා දවසට පුංචි ජෝක් කතාවක් - vehicle broker is dangerous man

ගූගල් වෙතිනි

ජනා හරි සූරය කියල තමා කට්ටිය කියන්නේ. හැබැයි ඒ ඉන්න තැන. නැතිතැන කියන්නේ ජනා හෙන අණ්ඩපායල කියලයි. කන්තෝරුවක රස්සාවක් කොළත් මේකා එතන රස්සාවට වඩා කෙරුවේ වාහන බ්රෝකර් වැඩේ. ඕන දහ ජරාවක් මේකා අහිංසකයන්ගේ ඇගේ එල්ලන්නේ අතේ පැළවෙන බොරු දාහක් දෙසා බාලා තමා. කොහොම හරි ජාවාරම අවසානයේ විකුණුම් කරුගෙන් මෙන්ම ගැනුම්කරුගෙන්ද මේකා ගාන කපා ගන්නවා. 


මෙහෙම ටික කාලයක් අනුන් ගේ වාහන විකුණමින් ගාන කපා ගත් ජනා ටික දවසකින් තමන්ගෙ ම කියලා පරණ වැන් කට්ටක් ගත්ත දෙකට පහට විතර. මේක හෙන ලදරමක් වුණත් වාහනේ ගෙදර ගෙනත් ජැන්ඩිපහට පේන්ට් කරලා හදලා ගත්තා. දැන් වාහනේ කිරි ටොයියා වගේ බැබලෙනවා. මේකා දැන් කයිවාරුවටත් කියන්නේ ඔන්න බලපල්ලා මං මේ වන්ඩිය එකට පහක් තියාගන විකුණනවා කියලයි. මෙහෙම කියපු ජනා කාටත් හොරෙන් මේ දිරුම් වහපු වාහනේ විකුණන්න පත්තරේ දැන්වීමක් දාලා. දැන් මුගේ බලා පොරොත්තුව ඉරිදා දවසේ ගෙදර ඉන්න නිසා එන ගැනුම් කරුවන්ට වාහනේ පෙන්නලා විකුණගන්න එක.

මොකද්ද කරුමෙකට එදා දවසේ ජනාට හදිසියේ වැඩට එන්න කියලා ලොක්කා කතා කරලා කියලා. දැන් මූ ලොකු අමාරුවක. වාහනේ බලන්න මිනිස්සු එනවා. හැමදාම මූ වාහන වික්කේ බොරු අතේ පැළකරලනේ. දැන් මේ වාහන පෙන්නන්නවත් විදියක් නැ මේකට. දහ අතේ කල්පනා කළ ජනා අන්තිමට උගේ අම්මට කියනවා අම්මේ වාහනේ ගන්න කවුරු හරි ආවොත් වාහනේ පෙන්නලා මට කෝල් එකක් අරන් දෙන්න කියලා. එහෙම කියලා ඌ වැඩට යනවා.

මේකා ගිහින් පැයක් ගියේ නෑ ආපි දෙන්නෙක් වාහනේ බලන්න. අම්මටත් දැන් හරි සතුටුයි. දැන් දෙන්නා කැරකි කැරකි වාහනේ වටේ තට්ටු කරකර යනවා. ටිකක් බොල් සද්දේ එනවා නේද බාස් උන්නැහැ. හ්ම් බලමුකෝ අපි තව ටිකක්. 

අනේ මහත්තයෝ මහත්තයට කියන්න අපේ එකා මේ වාහනේට මාර ආදරෙන්නේ හිටියේ. උගේ වැඩේම මේ වාහනේ හදන එකමයි. බොරුනං බලන්න මහත්තයෝ මේකා මේ වාහනේට තියන ආදරේ තේරෙයි අර ටින් ගොඩ දැක්කාම. ඔය ටින් සේරම දාලා තමා මේ තරම් ලස්සනට වාහනේ හදාගත්තේ කියලා ගැරෙජ් එකේ කෙළවරකට වෙන්න රෙද්දකින් වහලා දාල තිබ්බ කැට්ලොය් පේස්ට් ටින් තොගයක්ම පෙන්නපි.

එක පාරටම මූණට මූණ බලාගත්තු දෙන්නා හා එහෙමද එහෙනං පුතාට කියන්න අපි ඇවිත් බලලා ගියා කියලා කියමින් බයිසි මොටෝවට නැගල ඉගිල්ලිලා ගියේ දෙවියෝ අපිව බේරුවා කියන ගමන්. අර අම්මා තාමත් කල්පනා කොරනවලු මොකද්ද මගෙන් කියැවුණු වැරැද්ද කියලා.