ආදිවාසියකු ගේ අවසන් ගමන සේයා රූ සහිතව

දෙහිඅත්තකණ්ඩිය හෙනානිගල හිටපු ආදී වාසී නායක හා වයස්ගතම ආදිවාසී පුද්ගලයා වන තාලාවරිගේ කළු අප්පු ගේ දේහය හෙනානිගල පොදු සුසාන භූමියේදී ඉරිදා (04) සවස ආදිවාසී නායක දඹානේ වන්නිලා ඇත්තන් හා හේනානිගල ආදිවාසී නායක ගුණබංඩියා ඇත්තන්ගේ ප්‍රධානත්වයෙන් හා සංවිධානයෙන් අවසන් කටයුතු ආදී වාසි සිරිතට සිදු කෙරිනි.

දෙහිඅත්තකන්ඩිය මුලික රෝහලේ නේවාසික ප්‍රතිකාර ලබමින් සිටියදී30 දින කළු අප්පු අභාවප්‍රාප්ත විය. දේහය අංක 17, හේනානිගල දකුණ, නවමැදගම යන ලිපිනයේ වු නිවසේ මේ වන විට තැම්පත් කර තිබු අතර දේහය ආදිවාසි පාරම්පරික චාරිත්‍ර හා වත් පිළිවෙත්  අනුව ඖෂධිය බත්හික් පොත්තෙන් හා ගැටකිරි වැල් ආදාරයෙන් සෑදු පෙට්ටියක දේහය තැම්පත් කර තිබුනි.

එම අවමගුල් අවස්ථාවේ සේයා රූ කීපයකි මේ......

බත්හික් පොත්තෙන් සාදන ලද පෙට්ටියක දේහය තැම්පත් කිරිම තුලින් මෘත ශරිරය නරක් නොවී දින 7-8 ක් කල් තබා ගැනීමට හැකි වන අතර ආදිවාසින්  මෘත දේහ කල් තබා ගැනිම සදහා කිසිදු කෘතිම රසායන ද්‍රව්‍යක් බාවිතා නොකරන බවත් හික් ලීයෙන් සාදන ලද පෙට්ටිය පතුලට පාරම්පරික රහස් ඖෂදයක් දමා ඒ මතුපිට දේහය තැන්පත් කිරිම තුලින් එම ඖෂධ වලින් පිටවන ශ්‍රාවයන්ගෙන් දේහය විජලනයට පත් කර දින ගනනාවක් කල් තබා ගැනිමට හැකි බවත් දේහයේ වර්ණය පවා කිසිදු  වෙනසක් සිදුවන බව දඹානේ ආදිවාසී නායක වන්නිල ඇත්තන් ප්‍රකාශ කර සිටි. ආදිවාසි හිටපු නායක කළු අප්පුගේ දේහයද දින 4ක් තබා ගන්නා ලදි.

ප්‍රදේශයේ වෙහෙර විහාරස්ථාන රාශියක මහා සංඝ රත්නය හා රජ්‍ය නිළධාරින් හා දේශපාලකයන්ගේ නියෝජිතයන් හා ගම්වාසී විශාල පිරිසකගේ සහභාගිත්වයෙන් අවසන් කටයුතු ආදිවාසි චාරිත්‍රානු කුලව ධාරානිපාත වර්ෂාව මධ්‍යෙය් සිදු කෙරිනි.

 එච් එම් ආර් කරුණාවීර මහියංගනය