සමකය වටේ

ඔබගේ අද්දැකීම එවන්න මෙන්න ලිපිනය ndilruksha@gmail.com

Full width home advertisement

සංචාරක

පුවත්

Post Page Advertisement [Top]


බ්ලොග් කලාවට පිවිසෙන්නන් උදෙසා ලියැවුණු සටහනකි මේ....


අද දවසේ බ්ලොග් කියවාගෙන යද්දී දුටු දසුනක් හේතුවෙන් මෙවන් ලිපියක් ලියන්නට සිතුවෙමි. බ්ලොග් ලියන්නන් ගේ ලෝකය අරුම තැනකි. විටෙක මරාගන්නා මත ගැටුම් ය. තවත් තැනක අපහාස ය. එසේම උපහාස ද ඇත්තේ ය. හිස් අවකාශයක් තුළ ඇතිවන මේ දේවල් දෙස උපේක්ෂාවෙන් බැලීමේදි මට නම් ඇතිවන්නේ තෘප්තිය මුසු සියුම් සතුටකි. 



මේ සියලු දේ කියන්නට හිතුණේ අද දවසේ දුටු බ්ලොග් සටහන් කීපයක් හා කමෙන්ට් කීපයක් නිසාවෙනි. තාක්ෂණ දැනුමක් නොමැතිව  ආරම්භ කළ අලුත් අඩවියකි 'සෙංකෝලය'. එහි උද්ගතව ඇති යම් ගැටලුවක් ගැන 'මාතලන්' මෙසේ කමෙන්ටුවක් දමා පෙන්වා දී තිබෙනු දුටුවෙමි. (නොගිය කෙනෙක් වෙත්නම් සෙංකෝලයට ගොඩවදින්න.)

    “ඔහේගේ පෝස්ට් සින්ඩියේ අප්ඩේට් වෙන්නෙ නෑ.. කවුරු හරි දන්න කෙනෙක් ගෙන් අහන්න. සහන් හා හිරු මේ පිළිබඳ දැණුවත්”

එයට පිළිතුරු ලෙස 'සහන්' හා 'හිරු' ගෙන් සාර්ථක උපදෙස් ද එ මගින් ගැටලුව විසැඳී ඇති අයුරුද දුටිමි.


මෙහි මගේ මතකය අතීතයට රැගෙන ගියේ හිරු එහි ම දමා තිබු “බ්ලොග්වල කමෙන්ට් කරද්දී” නම් ලිංකුව ඔස්සේ ගිය පසුවයි. ලිංකුවෙන් පාර පෙන්නා තිබුණේ මාරයාගේ හෝරාව වෙතට යි.

'මාරයා' එම පෝස්ටුව මගින් සිත නොරිදෙන ප්‍රහාරය එල්ල කොට තිබුණේ මා ආධුනික බ්ලොග් කරුවකු ලෙස එකල කළ කටයුත්තක දොස් දකිමින් ය. (එවන් ලිපි ද නවකයෙකුට මහගු අත්වැලකි)

චතුෂ තුෂර කුමාර (මාරයා) එම පෝස්ටුව ලියා නිහඬ වෙද්දී එතැන කමෙන්ට් කරුවන් අතර දැවැන්ත වාදයක් ඇවිලී තිබිණි. ලාවට දෙකක් ඇනගෙන සිටි මා එදා රැයක් පහන් කරමින් මේ වාදය ට එක් වූ අයුරු මට දැනුදු ගෙන එන්නේ හිතට සොම්නසකි. කිව නොහැකි ආහ්ලාදයකි. 

බ්ලොග් කරණයට පිවිසෙන සැවොම කියවිය යුතුම වාදයකි එය. එහි කමෙන්ට් ගණන 200ද ඉක්මවා ඇත. එම කමෙන්ට් කියවීම බ්ලොග් කරණයට පිවිසෙන්නෙකුට අත් පොතක් වනු ඇත.

තමන් ට විසිටර්ලා නැතැයි කියමින් හඬනවාට වඩා මෙවන් සංවාදයකට එක් වීමෙන් තම අඩවිය පිළිබඳ යම් පණිවුඩයක් අන්‍යයන්ට ලබා දිය හැකි බව බ්ලොග් කලාවට පා තබන්න කවුරුත් මතකයේ රඳවා ගන්න.

මා  බ්ලොග් ලියන්නට එක්ව තාම වසරක් ගෙවී නැතත් ඒ පටන් ගත් අතීතය සිහිවන විට අද බ්ලොග් ලියන්න ට එක්වන්නන් වාසනාවන්තයන් සේ සිතිය හැකියි. මා ලියන්නට ගත් මුල්ම පොස්ට් 10ය යන තුරුවත් දිනකට 10 දෙනකු පිටුවට ගෙන්වා ගැන්ම සිහිනයක්ව තිබිණි.

යන්තම් හෝ සමකයට ගොඩ වෙන පිරිස ටිකක් හො ඉහළ ගියේ අද මෙන්ම එදත් කාටත් අත දෙන 'මාතලන්' ට පින් සිදුවෙන්න ය. කමෙන්ට් හරහා මෙන්ම තම සින්ඩිකේටරය හරහාද මාතලන් එදා සිට අද දක්වාම කරනා ඒ මෙහෙවර අගය කළ යුතුම ය.

එකල නවකයන්ට අත දුන්, එසේම අද දවසේ ද අත හිත දෙන තවත් බ්ලොග් කරුවෙකි 'අටංපහුර'. අටංගේ මග පෙන්විමෙන් ගොඩගිය බ්ලොගකි 'හැලපකඩේ'. වැව් ඉස්මත්ත සහ සෙංකෝලයාම පවසන පරිදි ඒ දෙකට ද අටමා උදව් කර ඇත.

එසේම අද දවසේ අනුන්ට අත දුන් දසුනක් ඇස ගැටුණු තවත් තැනකි චන්දනගේ අඩවිය. මා ගොඩවැදුණේ 'චන්දනගේ අඩවිය' ට වුව යැවෙන්නේ 'නවදැලි හේන' ට ය. නවදැලි හේනේ පොස්ට් බ්ලොග් රෝල්වල යාවත්කාලීන නොවන රෝගයක් ඇතිව ඇති බව දැනගත්තේ ද 'චන්දන' නිසාය. 'චන්දන' රෝගය සොයාගන තිබූ අතර 'සහන්' එයට බෙහෙත්ද නිවැරදිව දී තිබිණි. නමුත් ලෙඩා නොකියාම රෝහලෙන් ගොස් ඇති බවක් ද එය කියවන විට දැක ගන්නට ලැබිණි. ඉතින් නවකයන්ට අත දෙන්නන් හැටියට 'චන්දන'ත් 'සහන්'වත් කෙසේ අමතක කරන්න ද?

එසේම යනෙන මඟක හමුවන හොඳ අඩවි පිළිබද අනෙක් සහෘදයන් දැනුම්වත් කරන පළපුරුදු බ්ලොග් කාරිනියකි 'හිරු', බ්ලොග් කරුවෙකි 'දේශකයා' හා 'සුදීක'. හොඳ දෙයක් ඇස ගැටුණු වහා ඒ බැව් අන්‍යයන්ට පැවසීමත් ඒ ඔස්සේ එම අඩවිවලට යන්නට පාර කීමත් බ්ලොග් කරුවකුට මොනතරම් වටින තල්ලුවක් ද?

මෙයිට අමතර තවත් කීපදෙනකු සිටියි. ඒ කමෙන්ට් හරහා පමණක් බ්ලොග් කරුවන් දිරිමත් කරන පිරිසයි. කෙන්ජි, DDT,සුමිත් නිරිඇල්ල, ප්‍රසන්න ඒ අතරින් කීපදෙනකු පමණී.
මේ නම නම් මට අමතව ගිය එකක් මතක් කළ ලංකාප්‍රිය සොයුරාට ස්තුතිය සන්ජීව මෙන්ඩිස්

ඇතැම් විට මේ කමෙන්ට් කරුවන්ගේ නිර්දය විවේචනයකට පවා අප ලක්වන්නට හැකියි. ඒත් අමතක නොකරන්න එවන් විවේචකයක් හරහා වුව ඔවුන්ගේ පැමිණිමත් සමඟ තව  බොහෝ පිරිසක් ද අප වටා එක්වන බව. තව ද මට අමතකව නම් නොකියවූ උදව් කළ මිතුරු මිතුරියන් සිටින්නට හැකියි. එවන් තැනක් වෙතොත් කමෙන්ටු හරහා වහා මතක් කර දෙන්න. 

අනක් පිරිස ඇනෝ මිතුරන් ය. ඒ අයද මහා මෙහෙයක් කරන හෙයින් ඇනෝ බ්ලොක් කරන්නේ ද යන්න ගැන දෙවරක් සිතන්න. එය තම රුචිකත්වය පරිදිය. මගේ නම් මතය ඇනෝ  සංකල්පය තිබිය යුතුය යන්නයි.

තම බ්ලොගයට කමෙන්ට් එකක් දැම්මොත් අඩුම තරමින් එයට ප්‍රතිචාරයක් දමන්නටවත් ඔබ සදාචාරාත්මක නොවුණොත් වනේනේ එතැනට එන පිරිස අඩුවීමක් බව සිතට ගන්න.
ඔබට ප්‍රතිචාර දක්වන්නාට ඔහුගේ අඩවියට ගොස් ප්‍රති ප්‍රතිචාරයක් දක්වන්න මැලි නොවන්න.

බ්ලොග් කලාවට පිවිසෙන්නන් වෙනුවෙන් ලියු මේ කතාව මං මෙසේ අවසන් කරන්නම්.

අපේ ගෙදරකට රජ කෙනකු පැමිණෙනවා යැයි සිතන්න. ඒ පැමිණෙන විට අවට පිරිස් ද බුරුතු පිටින් ම නිවසට ගොඩවෙනවා නේද? බ්ලොග් කලාවේත් මේ න්‍යාය ක්‍රියාත්මක වේ. බ්ලොග් කලාවේ හිනිපෙත්තේම සිටින 'කතන්දර', 'මාරයා' වැන්නවුන්ගෙන් කමෙන්ටුවක් වැටෙන්නෙ කොතැන ට ද? එතැන ට ද පිරිස යහමින් පැමිණේ. 

(සහන් අද දවසේ කතන්දරගේ පෝස්ටුවට දමා තිබූ කමෙන්ටුව සිහිවේ.මේ ඉල්ලිම ගැන දෙවරක් හිතන්න කතන්දර මහතා)

සියලු බ්ලොග් කරුවන් වෙනුවෙන් හැදූ Google+ සිංහල බ්ලොග් සමාජයට මෙතැනින් එක්වන්න

සිංහල බ්ලොග් අවකාශයේ පෙරළිකාරයන් කීප දෙනකුගේම ලයිස්තුවක් මට ඉන්බොක්ස් කර තිබුණා. මෙන්න ඒ ටිකත් දැන් එකතු කළා. (11.02am)
අරුණි ශපීරෝ
මහ වෙදනා
අභීත එදිරිසිංහ
ඇල්කෙමියා
ඇදුරු බිරිඳ
ඇනෝනිමස් ආතල්

දුකා
හෙන්රි (ඩූඩ්)
රයිගමහන්දිය
ඇල්කෙමි
පදුරු තලන රවි(කෙන්ජිගේ මතක් කිරීම)

ප. ලි.
මා මේ සටහන ලියන්නේ මා දන්නා කාලයේ අයගේ අද්දැකීම් ඇසුරිණි  


152 comments:

  1. ගොඩක් හොද අවවාද ටිකක් නලින් අයියේ.. ස්තූතියි මේ උපදෙස්වලට..

    ReplyDelete
    Replies
    1. මේ පාන්දර කුමාරිහාමි ඇහැරලද?

      Delete
    2. පැහැදිලිවම නවකයන්ට හොඳ ලිපියක් , බ්ලොග් එක පටන් ඇරන් අවුරුද්දකටත් ලංවෙලා තිබුනට තාම ලිපි පනහක් ලියා ගන්න බැරි වුන නිසා මංත් නවකයෙක්ද මන්දා .
      මේ උපදෙස වලට අමතරම තව එකක් දෙන්නංකෝ මගේ ගානේ .... ලිඳක් උනත් වතුර අදින්නේ නැතුව තියෙනකොට පල්වෙනවා , ඒවගේම වැඩියෙන් වතුර ඇද්දොත් ඉක්මනට හි‍ඳෙනවා , බ්ලොග් පෝස්ට් කියන්නෙත් ඒවගේ ජාතියක් වැඩියෙන් දැම්මොත් අගේ නැතිවෙනවා , අඩුවෙන් දැම්මොත් අමතක වෙනවා .... ඒ නිසා මඳ්‍යම ප්‍රතිපදාවෙන් යන්න ඔනේ ....මං යන තරං හෙමින් නං නෙවෙයි ඇ ...
      පල්ලෙහාට යන්න කම්මැලි නිසා උඩින්ම දැම්මා ඔන්න කොමෙන්ට් එක

      Delete
  2. වටින දෙයක් සහෝ මමනම් මේකට තාම කබ්බෙක්

    ReplyDelete
    Replies
    1. බ්ලොග් කලාවට අළුත් වෙන්න පුලුවං මචං ඒ උනාට මතක තියාගනිං .... කවදාවත් ‍තමන්ට තමන් කබ්බෙක් කියලා කියාගන්න එපා ....... උඹට උඹව වටිනවා කියලා පෙන්නපං එතකොට තමයි අනිත් උන්ටත් උඹේ වටිනාකම තේරෙන්නේ .

      Delete
  3. ඒ කිව්වේ අලුත් හොදේ වෙන දෙයක් හිතන්න එපා

    ReplyDelete
    Replies
    1. එහෙම බෙදීමක් නෑ බං අපි කවුරුත් එකයි. ඒත් මගේ සිරිත පැරැණි අයට ගරුත්වයක් දැක්විය යුතුයි කියන එකයි. මෙතැන වයස අදාළ නැත

      Delete
    2. ආහ් උඹ තව එකක් දාලා නේද !!!! දැන් නේ දැක්කේ

      Delete
  4. Replies
    1. මාරයාගේ පෝස්ට් එකද?

      Delete
  5. සිංහල බ්ලොග් අවකාශය තුල සිදුවන මේ මනරම් , සහෘද බැඳීම් අපිත් ඈතින් හිඳ රසවිඳිනවා , කෙසේ වෙතත් , මේ ලිපිය තුල බ්ලොග්කරුවෙක්ට හොඳ උපදෙස් මාලාවක් ලබා දී තිබෙන්නේ ,
    ස්තුතියි මිතුර!

    ReplyDelete
  6. උඹ මහින්ද මාමාට දෙන දීම හොට නැති පැස්බරාටත් දෙනවා නේද තාම. මහින්ද නෑරියත් පැස්බරා ඇරිය දාට තේරෙයි උඹට.

    ReplyDelete
    Replies
    1. හිස් අවකාශකයත සිදුවන මේ දේවල් ඇයි බං ඇගට ගන්නේ. හිටහංකො සතුටිං.

      Delete
  7. නලීන් අයියා ෂේප් එකේ ඒකෙනුත් පෝස්ට් එකක් ගොඩ දාගත්තා නේ... හි හි....

    හප්පා එදා කට්ටිය වලි දාගෙන තියෙනවා දැක්කෙ පහුවදා උදේනේ මං.. නැතත්ං මාත් එනවා වලියට... කොහෙද.. අපෙ මහත්තයා තහනම් කළානේ එදා දවසටම කම්පියුටරේට අත තියන්න..... හි හි....

    ReplyDelete
    Replies
    1. සුමිත් අයියට නං බ්ලොග් එකක් තියෙනවා කියලා මතක් කරන්න වෙනවා නලීන් අයියේ.. මං ගොඩ දවසකින් සුමිත් අයියව දැක්කෙත් නෑ....

      Delete
    2. මාරයාගේ පෝස්ට් එකේ ලිංකුව දැක්කට පස්සේ ආයි ඒ කමෙන්ට් සේරම කියෙව්වා. හිතට දැනුනේ අහිතක් නොව සතුටක්. ඉතින් ලියන්න හිට පෝස්ට් එක පැත්තකට දාලා මේක ලිව්වා. ලියන්න හිටි එක ගැන ඉගියක් කළු සහ සුදු එකට කමෙන්ට් එකක් විදියට දැම්මා.
      සුමියා බුකියේ ඉන්නවා මේ දවස්වල

      Delete
    3. හිරු ත් බුකියෙ සරනවා මම දැක්කා.

      එහෙම තමයි නලියා, සූදුවට ඇබ්බැහිවුනාම :D

      Delete
  8. මෙහෙමයි මාතලන් ලා කතන්දරලගෙ මට්ටමට ලගා වෙන්න නම් අපි කාටවත් බෑ.ඒ අය ඒ තරමටම ශ්‍රේෂ්ටයො.කොච්චර ධනාත්මකව හිතුවත් ඒක කරන්න බැරි වැඩක්.ඒ අය ඉල්ලුමට සැපයුම දෙන්න දන්න ඉතා සරල සුගම භාෂා ශෛලියක් තිබෙන වචනයේ පරිසමාප්ත අර්ථයෙන්ම දක්ෂයො.මේ ගැන මමත් ලිපියක් පළ කළා ( ධනාත්මක චින්තනය ගැන ).

    බ්ලොග් ලියන්න කෙනෙක් එන්නෙ මොකක් හරි අරමුණකින්නෙ.ජනප්‍රිය බ්ලොග් කාරයෙක් වීම පමණක් අරමුණ නම් කාපු බීපුව ගිය ගමන් විහිලු තහලු වගෙ දාන්න ඕන.

    හැබැයි බ්ලොග් ජනප්‍රිය කරවන්න නම් කෙටි ක්‍රම නෑ.ජීවිතයෙත් කෙටි ක්‍රම නැතිවා වගේ තමයි.ලිපියේ තත්වය මතයි ඒක කියවන්නෙ.මම නම් ජනප්‍රිය කරවන්න කියල එහෙමට කිසිම දෙයක් කළෙත් නෑ.ඇනෝත් බ්ලොක් කළා.නමුත් දැන් ඒක අයින් කරලා තියෙන්නෙ.

    මේ උපදෙස් ඕනම බ්ලොග්කරුවෙකුට වටිනවා.දිනපතා අප්ඩේට් කිරීම නම් ඉතාම අවශ්‍යයි.අපේ බ්ලොග් එකට කෙනෙක් එන්නෙ එයින් මොක හරි ප්‍රයෝජනයක් තිබෙනවානම්නෙ.අපේ බ්ලොග් එක ප්‍රයෝජනවත් එකක් කරන්න ඕන .එතකොට තමයි දිගු කළක් රැදී ඉන්න පුළුවන් වෙන්නේ.

    ReplyDelete
    Replies
    1. //බ්ලොග් ලියන්න කෙනෙක් එන්නෙ මොකක් හරි අරමුණකින්නෙ.ජනප්‍රිය බ්ලොග් කාරයෙක් වීම පමණක් අරමුණ නම් කාපු බීපුව ගිය ගමන් විහිලු තහලු වගෙ දාන්න ඕන.//

      මේක ගැන චුට්ටක් ලියන්න හිතුවා.. ගොඩක් අය ඔය විදියට හිතාගෙන ඉන්නවා.. ඒත් මං හිතන විදියට මේක වැරදියි....

      බ්ලොග් ලියන්න එක එක්කෙනාට එක එක අරමුණු තියෙනවා... සමහරු තනිකරම වාණිජ ජරමාර්ථ වලට බ්ලොග් ලියනවා.. සමහරු තමන්ගේ ආසාව, වින්දනය, යමක් බෙදා හදා ගන්න ආසාව නිසා බ්ලොග් ලියනවා... සමහරු තමන්ට කියන්න යමක් තියෙන නිසා බ්ලොග් ලියනවා.. සමහරු පොරක් වෙන්න අසාව නිසාත් බ්ලොග් ලියනවා... තව සමහරු ඉන්නවා තමන්ට ලියන්න පුළුවන් කියලා හිතෙන නිසා බ්ලොග් එකක් ලියන අය...

      මේ බ්ලොග් ඇතුලේ කවි විතරක්ම ලියන බ්ලොග් තියෙනවා... දේශපාලනය විතරක්ම තියෙන බ්ලොග් තියෙනවා.. කොටස් වශයෙන් යන නවකතා විතරක්ම ලියවෙන බ්ලොග් තියෙනවා... ඉස්කෝලෙ යන පොඩි ළමයි ලියන බ්ලොග් තියෙනවා... කෑම බීම ගැන, ජනකතා, විහිළු කතා විතරක්ම ලියවෙන බ්ලොග් තියෙනවා...

      ඒ වගේම ඔය හැම එකම කලවමේ ලියවෙන බ්ලොග්සුත් තියෙනවා... නිකම්ම කාපු බීපුවා දාලා, ඔහේ කුණුහරුප ටිකක් දාලා ලිව්වා කියල බ්ලොග් එකක් ජනප්‍රිය වෙන්නේ නෑ... එහෙම කෙනෙක් ජනප්‍රිය බ්ලොග් කාරයෙක් වෙන්නෙත් නෑ... හොඳ උදාහරණ පහුගිය කාලේ තිබ්බා මේකේ.. 100 පන්නලා ඇනෝ කමෙන්ට් වැටුනට ඒක ජනප්‍රිය බ්ලොග් එකක් වෙන්නෙත් නෑ, ලියන කෙනා ජනප්‍රිය වෙන්නෙත් නෑ ... කාපු බීපු එකත්, කුණුහරුපෙත් කියවන කෙනාට දෙයක් ගන්න හෝ තනිකරම හිනාවෙන්න හෝ පුළුවන් විදියට ලියන්න දක්ෂතාවය තියෙන කෙනා ජනප්‍රිය වෙනවා... හොඳම උදාහරණේ මාතලන්... මාතලන් කුණුහරුපෙ හරි පාන් කාපු හොද්ද ගැන හරි, ලියන්න ඕනේ විදියට ලියනවා... ඒක තනිකර “කුණු රසයක්” විතරක් කරන්නේ නෑ... ඒක හරියට කරගන්න බැරි කෙනා “ජන අප්‍රිය” වෙනවා....

      Delete
    2. හිරු - මගේ අත්දැමීක් අනුව නම් කුණුහරුප වලින් තාවකාලික ප්‍රසිද්ධියක් ලබාගන්න වගේම දිගටම කරගෙන යනවා නම් ප්‍රසිද්ධිය රැකගන්නත් පුලුවන් , නමුත් ඒක ජනප්‍රිය කමක්ද කියන ප්‍රශ්නය තියනවා , කොහොම වුනත් ඔයාගේ පැහැදිලි කිරීම තියනවා වගේ එක් එක් කෙනාගේ බ්ලොග් කරණයේ අරමුණු වෙනස්

      Delete
    3. බුවා.. ඔයා කියන කතාවත් ඇත්ත... ඕකට බලපාන්නෙත් බ්ලොග් එකක් ලිවීමට පෙළඹෙන්නේ ඇයි කියන එකේ කියලා මට හිතෙනවා... තව කෙනෙක් කරගෙන යන බ්ලොග් එකක් දැකලා පටන් ගැනීමෙදි වෙන්නේ ඒ බ්ලොග් එකේ හිතට අල්ලපු පෝස්‌ට් එකක් කිට්ටුවෙන් යන පෝස්ට් වැටෙන එක මුලින් මුලින්.... පොරක් වෙන්න දඟලනවා නං වෙන්නේ වැඩිම හිට්ස් ලැබෙන පෝස්ට් වගේ ඒවා අනුකරණය කරන්න යාමක්... ( ඒ බ්ලොග් එක ලියන කෙනා පොරක් වගේ පෙනීමත්, පොරක් වෙන්න ආසා හිතීමේ එක පැත්තක්) දිගටම ලියාගෙන ගියොත්, තමන්ගෙ ශෛලියකට හුරු වෙනවා... ඒත් ඔය හතු පිපෙනවා වගේ පටන් ගන්න ගොඩක් බ්ලොග් වල පොස්ට් 10ක් විතර දාලා නවතිනවා ගොඩක් වෙලාවට...

      Delete
    4. @ජහිරු - බුවා-
      පසුගිය කාලේ බිහි වූ ලකෆෑන්ස් බ්ලොගය තමයි එකම පෝස්ට් එකකට වැඩිම කමෙන්ට් ගණනක් ගත් බ්ලොගය. එයින් පෙනෙනවා කුණු රසය කෙතරම් දුරට අලවි කරන්න හැකිද කියන එක.
      බ්ලොග් කරන්නන් ගේ නොයෙක් අරමුණු තියෙන්න හැකියි. ඒ වගේම ඒවා පවත්වාගන යන්න නම් කැප කිරීමකුත් කරන්න වෙනවා. නැතිනම් එයිට හොදයි වෙනත් බ්ලොගයකට තමන් ලියූ දෙයක් දී වින්දනයක් ලැබීම.

      Delete
    5. @සැමට මිතුරු- ඔබ බ්ලොග් අවකාශයට එන්නේ එක්තරා මතවාදයක් රැගෙන ඒ පිළිබඳ ප්‍රමාණික හැදෑරීමක්ද සමග. බොහෝ පිරිස් එයට එරෙහිව අදහස් දැක්වුවත් ඔබට එය ගැටලුවක් නොවේ.
      එවන් අඩවි කෙරෙහි ඇති ආකර්ෂණය අඩු වුවා සේ පෙනුනත් කියවන්නන් ඒවා කියවනවා. ඒ ගැන ඔබ දන්නවා ඇතිනේ.
      කොහොමත් බ්ලොග් පටන් ගැන්ම පමණක් නොව ඒවා ඇදගන යාමයි වැදගත් වන්නේ. සංවාදයක් ඇති කළාට ස්තුතියි.

      Delete
  9. ""බ්ලොග් කලාවේ හිනිපෙත්තේම සිටිනවුන්ගේ කමෙන්ටුවක් වැටෙන්නෙ කොතැන ට ද? එතැන ට ද පිරිස යහමින් පැමිණේ.""
    ඇත්තෙන්ම ඔව් අයියේ. අවුරුදු තුනකට ආසන්න බ්ලොග් ජීවිතේදී ඒක හොඳට තේරුණා.

    මට තේරුණු හැටියට .... ගොඩක් අය ලිපියෙන් දෙයක් ගත්තට කමෙන්ට් දාන්න කැමති නැහැ ,... (ප්‍රශ්නයක් නම් කමන්ට් වැටෙයි)

    ReplyDelete
    Replies
    1. මාද හොදින් නිරික්ෂණය කළ දෙයකි එය. විවාදාත්මක කමෙන්ට් කරුවන් යන තැන්වලට ඇදෙන පිරිස වැඩියි. ඉහත කමෙන්ට් කර ඇති බුවාද හොද විවාදකයෙකි.

      Delete
  10. බ්ලොග් ලෝකය පුදුම සුන්දර තැනක්.එතන කෙරෙන්නෙ ආධුනිකයන්ට අත දීම.මම මේ ලිපිය කීප සැරයක්ම කියෙව්වා.ඒක අපිටත් ප්‍රයෝජනවත්.මේක නම් ආධුනික බ්ලොග් කරුවන් ගෙදර රාමු කරල තියාගන්න තරම් වටින එකක් .මාත් මේකට මොනවහරි එකතුකරන්න කියල දහ අතේ කල්පනා කලත් මොකුත්ම අදහසක් ආවෙ නෑ.ඒ කියන්නෙ මේකෙ හැම දේම කියවිලා තිබෙනවා

    ReplyDelete
    Replies
    1. අනාගතයේ ප්‍රබලම මාධ්‍ය මෙයයි. මේ වටා හොඳ ලියන්නන් පිරිසක් එකතුවීමයි ඉතාම වැදගත් වන්නේ.

      Delete
  11. හොඳ ලිපියක්. මම blogs දෙකක්ම ලිව්වත් තාක්ෂණික දැනුම නම් 0යි. එබැවින් ඔබේ මුළු ලිපියම සැලකිල්ලෙන් අධ්‍යනය කරන්න ඕනෑ.

    ReplyDelete
    Replies
    1. ඔබේ අඩිවි දෙකටම මා ඇවිත් තියනවා

      Delete
  12. ගන්න දේවල් ගොඩක් තියනවා නලින් අයියේ. ගොඩක් වටිනවා මේක

    ReplyDelete
    Replies
    1. කාටත් ගතයුත්තක් ඇතැයි හැගුණු බැවින් සෙරම ලිංකු දාලා තියනවා.

      Delete
  13. නලින් අයියා බ්ලොග් ලියන්න ඒ තරම් පරණ නොවුනාට ඔයා මේ ක්ෂේත්‍රයට නවකයෙක් නෙවෙයි , මම හිතන විදිහට ප්‍රවීනයෙක්.
    මගේ බ්ලොග් එක හදාගන්න උදව් කලේ අටමා. රෑ තිස්සේ කෝල් කර කර අටමට වද දිදීතමයි මමත් බ්ලෝග හදාගත්තේ. මගේ බ්ලොග් එක බැලුවොත් තේරෙයි මුලදී බලන්න එක්කෙනෙක්වත් ආවේ නෑ . දාලා තිබුන එකම කොමෙන්ට් එක දාලා තිබ්බේ සුමිත් අයියා. අටමා උදව් කරාට පස්සේ තමයි බ්ලොග් එකට එළියක් වැටුනේ.
    එත් කට්ටිය බ්ලෝග දෑන ගත්තේ මාතලන්ගේ උදව්වෙන්. ගොඩ දෙනෙක් ආවේ මාතලන් නිසා. ඒ උදව්ව නොලැබුනානම් අද වෙනකොට බ්ලෝග නැවතිලා. ඒකට අටමා තව තල්ලුවක් දුන්නා, අර චේ ඉන්න ෆොටෝ එකට මූණ දාගත්ත මූත් පොරක්ද කියලා පොස්ට් එකක් දාලා.
    අද බ්ලෝග යම් තැනක තියෙනවනම්. ඒ නවක බ්ලොග් කරුවෙක් වුන මට උදව් කරපු හැමෝම නිසා.

    ReplyDelete
    Replies
    1. ඒක තමයි ඒ උදව් කරන සොඳුරු සහෘදයන් වෙනුවෙන් මේ සටහන තිබ්බේ.

      Delete
  14. අලුතෙන් කෙනෙක් බ්ලොග් එකක් පටන්ගන්නකොට සිදුවෙන වැරදි දන්න කෙනෙක් පෙන්නල දෙන එක ලොකු දෙයක්. මොකද ඒ උපදෙස් පිලිඅරගෙන ලියන බ්ලොග් එක සමහරවිට ඉතා රසවත් වෙන්න පුලුවං නිසා. හැම කෙනාම මේ ක්ෂේත්‍රයට එන්නෙ හැම දෙයක් ගැනම දැනගෙන නොවෙයිනෙ.

    කොමෙන්ට් කරුවෙක් තමන් දාන කොමෙන්ට් එකට සුලු හෝ ප්‍රතිචාරයක් බලාපො‍රොත්තු වෙනව කියන එක බොරුවක් නෙමෙයි. එහෙම ප්‍රතිචාරයක් නොදක්වනකොට සමහරවිට කොමෙන්ට් දාන අය ඒ බ්ලොග් එක ගැන නොසලකාහරින්න හෝ කියෙවුවත් කොමෙන්ට් එකක් නොදාන තත්වයට පත්වෙන්න තියෙන ඉඩකඩ වැඩියි.

    වැදගත් ලිපියක් නලින් අයියා.

    ReplyDelete
    Replies
    1. හැම දෙයක්ම යහපත් විදියට වෙන්න හැමදෙනාගේම යුතුකම් ඉටුවෙයි කියා සිතා තමා මේ ලිපිය හැදුවේ.

      Delete
  15. Godak sthuthiyi nalin sahodaraya dunnu upades tikata. Godak watinawa aluthen apu ayata. Mama methek kal balapu , kiyawapu blogs walin godak dewal igena gaththa.
    #blog ekak kiyanne kenekta ananya wunu chinthanayak. Mama hithanne eken penwanne liyana kenage ananyathawaya.
    #blog ekak kiyanne nikan hand bill ekak wage ekak. Honda hari naraka hari hamoma balanawa, eka gana kathawenawa. (Mama samaharawita hithuwa waradi wennath puluwan)
    #blog ekaka "comment field ekak"kiyanne adds dana thanak neweyi, ethana thiyenne adahas. Mage blog ekatath enna kiyala link eka dammoth mama hithanne eka waraddak. Eken e blog eka liyana kena apahasuwata pathwenawa. Eyata hithenna puluwan"mun munge wade karaganna , apiwa wikunan kala shape wenawa kiyala" ; mamath oya waradda kala 'rajage' blog eke (thahanam adawiya- ara suba wewa raja sampath labewa kiyanne..) Comment ekaka di. Eth eda thawa blogs walata yaddi mata waradda theruna...
    Mama mage blog eka patangaththe asawata. Eth hitha athule 'comment' wateyi, godak aya blog eka balayi kiyana adahasa thibuna.. Eth me tika dawasata eka wenas wuna. Mata comment tibunath nathath mama blog eka liyanawa...
    Godak sthuthiyi nalin sahodaraya , mage blog ekata awata, mawa dirimath kalata..
    E wagema "DDT" , "kenji-japan" , "prasanna"(sinhala-demala-english mishra nama) " ; eyala thamayi blog naggala ganne. Eyala thamayi blogs wala pranawath gathiya athi karanne... Anna niyama minissu. Api hamoma e wage ayata gawrawa karanna one E karana dewal walata...

    ReplyDelete
    Replies
    1. ඔබට තිබෙන්නේත් වටිනාම අඩවියක්. මේ සිංග්ලිෂ් මට කියවගන්න ටිකක් අමාරුයි. කොහොමත් ඔබට තුති.

      Delete
    2. විදුර,

      මම සිංහල ටයිප් කරන්නෙ Sinhala Tamil IME එක. ඒ මෘදුකාංගය ගැන වැඩි විස්තර මෙතනින් බලාගන්න පුළුවන්.

      http://neanatha.wordpress.com/2010/12/01/%E0%B6%B4%E0%B7%84%E0%B7%83%E0%B7%94%E0%B7%80%E0%B7%99%E0%B6%B1%E0%B7%8A-%E0%B7%83%E0%B7%92%E0%B6%82%E0%B7%84%E0%B6%BD-%E0%B6%BA%E0%B7%94%E0%B6%B1%E0%B7%92%E0%B6%9A%E0%B7%9A%E0%B6%AD-%E0%B6%A7/

      උඹ බ්ලොග් එක සිංහලෙන් ලියපු නිසා ඒ වෙනුවෙනුත් මොකක් හරි පාවිච්චි කරනවා ඇතිනේ. ඒත් කමෙන්ට් කරද්දිත් සිංහලෙන් ටයිප් කරනවනම් කියවන්න පහසුයි.



      නලීන් අයියා,

      මමනම් ටිකක් දිගට ටයිප් කරපු සිංග්ලිෂ් කියවන්නෙ මේකෙන්.

      http://www.ucsc.cmb.ac.lk/ltrl/services/feconverter/t1.html

      සමහර අකුරු එහේ මෙහේ උනාට අදහස ඉක්මනින් කියවගෙන යන්න පුළුවන්.

      Delete
  16. ඔව් මෙ අය සොදුරු මිනිසුන් තමයි.ඈර ගෑනිම්,කෙල ගෑනිම්,සමාව ඉල්ලිම්,උදවු කිරිම්,උපහාස අපහාස කිරිම්.මෙව කොච්චර සොදුරුද

    ReplyDelete
    Replies
    1. ජිවිතයේ කිසිම දිනක දැක හදුනා නැති පිරිසක් අතරේ වන මේ සංවාද මට නම් හරිම සුන්දරයි.

      Delete
  17. සිංහල බ්ලොග් කලාවට නවකයො ආ යුතුමයි. බොහෝ නවක බ්ලොග් ලියන්නන් IT විශාරදයන් නොවන අතර ඔවුනට බ්ලොග් කෙරුවාව ගැන කියාදිය යුතුයි. ඔබේ මෙ ලිපියත් මේහි සම්බන්දතාත් අලුත් බ්ලොග් කරුවෙකුට මගපෙන්වීමක් වියහැකියි.
    …ස්තුතියි නලීන්.

    ReplyDelete
    Replies
    1. අනිවාර්යෙන්ම ඒ උදව් අප කළ යුතුයි ජෝන්..

      Delete
  18. http://www.sinhalabloggers.com/start-sinhala-blog

    ගොඩක් කලකට ඉස්සර සිංහල බ්ලොග් ගැන ලියපු ආටිකල් එකක්... මේ අය තමයි සිංඩිකේටර සංකල්පය මුලින්ම ගෙනාවෙ.. නමුත් මේ සිංහලගැන තියෙන අදහස්ම සමහරු පසුකාලිනව තමුංගේ බ්ලොග් වල දාල තමුන් ලොකු වෙන්න උත්සාහ කලා.. නමුත් වැදගත් වෙන්නෙ කන්ඩායමක් විදියට අපි සවිමත් වෙන එක..

    නම් නම් හදාගන්න පුලුවනි..නමුත් නම්වලින් සමූහයකට ඇතිවෙන සෙතක් නැහැ.. මේ වගේම ලාංකිය සිතුවිලි කියලා තවත් කන්ඩායමක් හිටියා ඔවුනුත් යමක් කලා..

    බ්ලොග් එකක් සිංඩියට ඇතුලත් කරගන්න හැටි ඒකෙම තියෙනවා.. අපි ඒ ලිංක් එක දුන්නම ඒක කියවලා තේරුම් ගෙන වැඩේ කරගන්න වත් බැරිනං ඉතිං සොරිම තමයි..

    ReplyDelete
    Replies
    1. @ අමිල සහෝදරයා මේ සියලු බ්ලොක් කරුවන් එක සමුහයක සිටිය යුතුය යන මතයේ තමයි මාත් ඉන්නේ. මතවාදීව මොන අදහසක් දැරුවත් ඒ අය එකම සමූහයක සාමාජිකයන් විය යුතුයි. එසේම ඒ සැමට එකම හැන්දෙන්ද බෙදිය යුතුයි.
      ඒ වගේම කියන්න ඕන ඇතැම් සින්ඩිවලට ඇතුළත් වෙන්න නවකයන්ට අමාරුයි.

      /බ්ලොග් එකක් සිංඩියට ඇතුලත් කරගන්න හැටි ඒකෙම තියෙනවා.. අපි ඒ ලිංක් එක දුන්නම ඒක කියවලා තේරුම් ගෙන වැඩේ කරගන්න වත් බැරිනං ඉතිං සොරිම තමයි/

      මේ වැකි ද්විත්වය නවකයෙකුට පල නොකියා පළා බෙදීමක් නොවේද?

      මමත් ආ දා ඉදන්ම සිංහල සින්ඩි දෙකෙන්ම ඉල්ලුම් කළා. ඒත් එකකින් තාම මා ඇතුළත් කරගන නෑ. මං හිතන්නේ ඒ මට කියවලා තේරුම් ගන්න බැරිකම වෙන්න ඇති. මගේ වරද මං පිළිගන්නං.

      Delete
    2. යසිරුත් බ්ලොග් එක සින්ඩි වලින් ඇතුළත් කර ගත්තේ නැති කතාවක් පහුගිය දවස් වල කියලා තිබුනා.
      නලීන් ඇඩ්මින්ලාට මේල් එකක් දැම්මා කියුවා නේද?ඒකට උත්තරයක් ආවේ නැද්ද?

      Delete
    3. ඔන්න අමිල අදත් මං ඉල්ලුම් කළා.

      Delete
  19. දැන් කාට හෝ රෙන්න බරක් ඇති වී ඔබේ නිවද ඉදිරිපිටදීම කක්කා ගොඩක් දාල ගියා කියලා සිතන්න... ඔබේ නිවස කෙතරම් ලස්සන වුවත් නිලමැස්සන්ට එය වැදගත් නැත... බොග ගොඩ නිසා නිලමැස්සන් සැනෙකින් එයි.. ඒ වැනිව මාරයා සහ කතන්දර වැනි ගූ ගොඩවල් ලියන උන්ට වැදගත් කමෙන්ට් කෙසේ වෙතත් කුමක් ලිව්වත් කොමෙන්ට් කරන නිලමැස්සන්ගෙන් නම් අඩුවක් නැත..

    ReplyDelete
    Replies
    1. @ මාස්ටර් - කතන්දරගේ හෝ මාරයාගේ හෝ හැම ලිපියක්ම ඉතා හොඳ ලිපි යැයි අපි කිසිම විට නොකියමු. එහෙත් එම විනෝදාත්මක සරළ ඔබම කියන කක්කා ලිපියක වුව සැගවුණු අරුතක් සහිතව ලියන්නට ඔවුන් දෙදෙනාම සමත්. වරද ඇත්තේ ඒ සැගවුණු පණිවුඩය කියවන්නන්ට තේරුම් ගන්නට නොහැකි වීමයි. බොහෝ විට එහි මතුපිට අරුතට ප්‍රතිචාර ලැබෙතත් සැගවුණ අරුත ඉස්මතුව ඇත්තේ අල්පයක් කමෙන්ට් කරුවන්ගෙන් පමණි. මේ කකා මාරයා මා දුටු අයුරුයි. නියම අරුත සගවා කුණු රසය ඉස්මතුවන්නට ලිවීමටද හැකියාවක් අවශ්‍යය.

      Delete
  20. දුහුනන් දැනුම් සදහා
    බොහෝ දේ ඇත
    මතක් කරලා

    ලියන සැම සැමදා
    බලන්නෙමි මම
    මතක් කරලා

    ReplyDelete
  21. නලින් කියන ඔය පරණ සංවාදයට ලින්ක් එකක් දෙන්න.

    ReplyDelete
    Replies
    1. නලීන් අයියා දාලා තියෙන ලින්ක් එක වැරදියි... හි හි.. මේ තියෙන්නේ ඔය පරණ කතාවට යන පාර..

      බ්ලොග්වල කමෙන්ට් කරද්දී...

      Delete
    2. අයිලාෂ් වැරද්දක් වෙලා අතපසු වීමකින්. එය නිවරද කළ එක හොදයි හිරු මමත් දැන් හැදුවා.

      Delete
  22. ඔබේ පෝස්ට් එකට මමත් එකඟයි. මම සින්හල බ්ලොගර්ස්ල ගැන දැන ගත්තෙ සින්දුගෙ බ්ලොග් එක හරහා. බ්ලොග් එක කෙරුවට ඊට කලින් සින්හලෙන් බ්ලොග් ලියන අය ඉන්නවද කියලවත් දැන ගෙන සිටියෙ නෑ. මුලින්ම බැලුවෙ මාරයගෙ බ්ලොග් එක."දේශීය පානයක් ගෙදරදීම හදා ගනිමු...." පොස්ට් එක. ඒක කියවල මට හරි සතුටක් ඇති වුනා මොකද ඊට කලින් එක සින්හල බ්ලොග් එකක්වත් කියවා නොතිබූ නිසා.

    ඊට පස්සෙ එහි කමෙන්ට් හරහා ගිහින් තමයි අනෙක් බ්ලොග් වලට ගොඩ වැදුනෙ. ඒත් කියන්න කනගා‍ටුයි මොන හේතුවක්ද මන්දා සමහර බ්ලොග් කරුවො මම කොච්චර එයාලගෙ බ්ලොග්වලට කමෙන්ට් කලත් මගෙ බ්ලොග් එකට එන්න තරම් ආචාරශීලීනෑ. සමහරු ඔබ පවසන මහා පතාක යෝදයො කියන අය.

    මම නම් මගෙ බ්ලොග් එකට අලුත් කෙනෙක් කමෙන්ට් කරනව නම් ඉඩ ලද වහාම ගිහින් ඒ බ්ලොග් එකේ කමෙන්ට් කරනව. අපි එයාට ස්තූති කරන්න ඕඑන එහෙමයි. ඒ ආචාරශීලි කමවත් නැත්නම් බොරුවට පරන නිසාවත්, කමෙන්ට් බුරුතු පිටින් වැටෙන නිසාවත්, තමන්ගෙ මතේම හරියි කියල ඔප්පු කරන්න හදන නිසාවත් ඒ බ්ලොග් කරන අය පතාක යෝදයො වෙන්නෙ නෑ.

    මගෙ කමෙන්ට් එක සැර වැඩිද මන්ද?මෙහෙම කමෙන්ට් කරාට ඔබ අමනාප නොවෙයි සිතනවා. මේ කමෙන්ට් එකට ඔබ කැමති නැත්නම් ඩිලීට් කලාට මගෙ අමනාපයක් නෑ.

    ReplyDelete
    Replies
    1. මුලින්ම බැලුවෙ මාරයගෙ බ්ලොග් එක."දේශීය පානයක් ගෙදරදීම හදා ගනිමු...." පොස්ට් එක///

      මුලින්ම බලලා තියෙන්නේ නොම්මර එකේ පිස්සු පෝස්ට් එකක්... හි හි...

      මේකයි ඔතන තියෙන කේස් එක මානෙල්... අපි හැමෝම කියවන්න කැමති එක එක විදියේ දේවල් තියෙනවා... උදාහරණයක් විදියට මාව ගත්තොත් මං කවි කියවන්න ආස නෑ.. ( එක්සෙප්ෂන්ස් කීපයක් ඇර... ඔය මාතලන් එහෙම දන්නවා මගේ කවි කියවිල්ල... හි හි) ඉතිං මං කවි බ්ලොග් හොය හොය යන්නේ නෑ... ෆලෝ කළත් කියවන්න යන්නේ මාතෘකාව දිහා බලලා.... කමෙන්ට් නම් නොදාන තරමයි...

      ඉතිං ඔය වගේ හැමෝම හැම දේම කියවන්නේ නෑ... එක එක්කෙනා කැමති මාතෘකාවන් ගැන ලියවෙනකොට ඒවා කියවන්න එන ප්‍රමාණය වැඩියි.. කාලෙකට කලින් සමනල විප්ලවය කියලා බ්ලොග් එකක දේශපාලනික නවකතාවක් ලියවුනා... ඒක කියවන්න ගියේ බොහොම සීමිත ප්‍රමාණයක් පිරිසක්.. අඩු ගානේ කියෙව්වට කමෙන්ට් නම් වැටුනේ නෑ ඒ තරම්.. හැබැයි ඒකෙන් කියවෙන්‌ෙන් නෑ ඒ බ්ලොග් එකේ ලියවුණු දේ අසාර්ථකයි කියලා... ඒක ලියවුනේ යමිකිසි පාඨකයන් පිරිසක් ඉලක්ක කරලා... ඉතිං බ්ලොග් එකකදි අන්න ඒ පාඨකයන් ඉලක්ක කිරීම හරිම වැදගත්...

      ඕක මට වඩා හොඳට සහන් තේරුම් කරලා දෙන්න දන්නවා... ඒත් මේකා අද නෑ හොයා ගන්න... හි හි...

      අන්තිමට කියන්න තියෙන්නේ බ්ලොග් වල පතාක යෝධයෝ කියලා ජාතියක් නෑ... බ්ලොග් වල තියා පත්තර වලත් නෑ... ලියන දේ හරියට ලියනවා නම්, ලියන දෙයින් කාට හරි වැඩක් තියෙනවා නං, ඒ කෙනා ඒකෙන් ප්‍රයෝජනය ගන්නවා... බ්ලොග් වල අලුත් පරණ කියලා කතාවකුත් නෑ.. මං මේ කියන්නේ ඇත්ත තත්වෙ... හොඳම උදාහරණය නලීන් අයියා... තාම බ්ලොග් එක පටන් අරන් අවුරුද්දක් නෑ... හැබැයි නලීන් අයියගේ ෆලොවරස්ලා ඉන්නවා 337ක් අද වෙනකොට... මං බ්ලොග් එක පටන් ගත්තේ අවුරුදු 4කට කලින්.. නලීන් අයියයි මායි මීට මාස ගානකට කලින් තමයි එකම ෆලොවර්ස්ලා ගානට ආවේ.. ඒ 125ද කොහෙද... මගේ එකේ අදටත් ඉන්නේ 250යි.... ලියන දේ හරියට ලියන්න .. වැටෙන කමෙන්ට් ගාන නෙවෙයි ඔයාගේ පපුවට දැනෙනවා නං ඔයා හරියට ඒ දේ කළා කියලා අන්න ඒක තමයි ලොකුම කමෙන්ට් එක.. ටික කාලයක් ඔයා ඒ සතුට තියාගෙන හරියට වැඩේ කළොත් ඔය පතාක යෝධයෝ කිසි කෙනෙක් ඕනේ නෑ.. ඔයා ජනප්‍රිය වෙනවා...

      Delete
    2. මේකටනම් +++++++++++++++++නොදා බෑ...

      Delete
    3. බොහොම පැහැදිලි විවරණයක් හිරු. ඒත් යම් දෙයක මූලිකයන්ට ගරු කිරීම යන දේත් අමතක කරන්න හොද නෑ.

      Delete
    4. අන්න සහන් ඉතා හොද උත්තරයක් දීලා තියනවා පහළ

      Delete
    5. මෙවැනි පෝස්ට් එකක් දැමීම ගැනත් , පුද්ගලිකව උදව් කරන බ්ලොග් කරුවන් මතක් කිරීම ගැනත් බොහෝම ස්තූතියි නලින් අයියේ...

      ඇත්තටම මම මෙතෙක් දැකපු හොඳම ඉවසීමක් තියෙන මාධ්‍ය කරුවෙක් තමයි නලින් කියන්නේ.. ඔබව අඳුනාගන්න මටත් බොහෝම කල් ගියා...පසුව හෝ දැනගන්න ලැබීම ගැන සතුටුයි... බලන් ගියහම අපි ඔක්කොම අතින් කාල හරක් බලපු මිනිස්සු නේද නලින් අයියේ...සංසාරේ සංසාරේ ...

      Delete
    6. සංසාරේ සංසාරේ යමක් දැනිලා වගේ සහන් මලයට...හම් හම්..

      Delete
    7. :O තව සිංදු කියලා කෙනෙක් ඉන්නවද ? :O

      Delete
  23. මේ වගෙ ලිපියක් තුලින් ඇති වන සංවාද ඉතා වැදගත්. මේ වැටෙන කමෙන්ට් වලිනුත් මට නම් ඉගෙන ගන්න බොහෝ දේවල් තියනව. ස්තුතියි නලින් අයියා අපිවත් මතක් කලාට.. !

    ReplyDelete
    Replies
    1. බ්ලොග් දොසතර මහත්තයව කොහොම අමතක කරන්නද අනේ.

      Delete
  24. නලීන් අයියේ බ්ලොග් එකේ කවරුත් ඉදිරියේ පාච්චල් වෙන විදියට කියන්න එපා.මම ඒ වයිරස් හදන එක ඉගැන්වුවේ හදිස්සියකට උවමනා වෙයි කියලා.නැතුව වෙන අදහසකින් නෙවෙයි.සමාවෙන්න. http://www.sinhapedia.com/

    ReplyDelete
    Replies
    1. මටත් සමාවෙන්න....
      මලයා ඔයාලා අපට වඩා දේවල් දන්නවා. ඒත් වැරදි දේවල් වෛරස් වගේ දේවල් බෙදාහරින්න උදව් කරන්න එපා. එයින් අහිංසකයන් කී දෙනෙක් අමාරුවේ වැටෙනවාද?
      එවයින් මිදෙන හැටි වගේ දේවල් කියලා දෙන්න.
      මලයා ඒ වගේ වැඩක් කර තියනවා දැක්කාම මට කේන්ති ගියා.

      Delete
  25. නලින් මහතාට මුලින්ම මගේ ස්තුතිය පිරිනමනවා. මාතලන් සහන් හිරු අටංපහුර විචාරක මේ සියලුම මහත්වරුන්ට පින් සිදුවන්න දැන් මගේ බ්ලොග් එකට සෑහෙන පිරිසක් ඇවිල්ලා. ඒවට උත්තර දෙන්න කලින් මං මෙතැන දී ඒ හැමෝටම ස්තුතිවන්ත වෙනවා.මගේ එකට එන අයට වඩා පිරිසක් මෙතැන්ට එන නිසා.
    මං කල මෝඩකං දැන් මට වැටහෙනවා. ආයි මං ඒ වැරදි කරන්නේ නෑ. ඔය මහත්වරු මේ තැනට එන්න කර ඇති කැපකිරිම මට හිතාගන්නවත් බෑ.
    තාමත් තාත්තගේ පඩියේන් ඉන්ටනෙට් යන මට ඒ කැප කිරීම කරන්නත් අපහසු වෙයි. ඒත් මේ මට දුන් උපදෙස් වලට අනුව හැඩගැහෙනේන මං වෙහෙසක් ගන්නවා.බ්ලොග් රජවරු ලෙස හදුන්වා ඇති අය කීප දෙනෙක්ම පවා ඔබලාගේ මග පෙන්වීම මත අද මගේ බ්ලොග් එකට ඇවිත් තියන එක ගැන මට මාර සතුටුයි. තාම මට දවස් 6යි පැමිණීම් 2000පැනලා තියනවා කමෙන්ට්ස් 110ත් පැනලා තියනවා. මගේ සතුට මට කියාගන්න බෑ. ඉදිරියටත් මට සහාය දෙන්න. මං කර මෝඩ වැඩ ආයි කරන්නේ නෑ.

    ReplyDelete
    Replies
    1. මේ ඉතාමත් සරළ දේවල් දැන් හොදින් අඩවිය පවත්වාගන යන්න.

      Delete
    2. ඔයා සතුටු වෙන්න ඕනේ මලයා. මගේ බ්ලොග් එකට පලවෙනි මාසෙම ආවේ 334 යි. හැබැයි මම කාගෙන්වත් ඉල්ලුවේ නෑ එන්න කියලා. කිසිම උපක්‍රමයක් නැතිව සින්ඩිකේටර් වලින් පමණක් ඉල්ලා සිටියා මා ඇතුලත් කර ගන්න ලෙස. සිංහල බ්ලොගර්ස් සින්ඩිය මාව ඇතුලත් කර ගත්තේ මාසයක් විතර ගිහිං. මම කලබල නැතිව බලාගෙන හිටියා. මම ඒක ඉගෙන ගත්තේ ක්‍රිකට් වලින්(ක්‍රිකට් වල තියෙනවා වෙට් ඇන්ඩ් සී කියලා සංකල්පයක්). ඒ ක්‍රමය අනුගමනය කරා. අනෙක් අයට කමෙන්ට් කරා. එයාලත් එතකොට මගේ එක කියවන්න ගත්තා. ඔබ ලියන දේ වටිනවා නම් මුලින් ලියපුවා වුණත් හොයාගෙන ගිහින් කියවනවා.

      Delete
    3. අනේ පිං සිද්ධ වෙයි සුදීක මේ ගොං කතා නොකියා හිටහංකො. උඹ පොඩි උන්ගෙනුත් චාටර් වෙන්නේ ඔය ගොං පාට් හින්දම තමයි.

      එක්කෝ ඩොස් ගැන කියයි. නැත්තං බ්ලොග් වලට නීති දාන්න කතා කරයි. මොනවද බං මේ පිස්සු වැඩ. උඹට මොන ක්‍රිකට්ද? බලපං ඇගේ හැටි ගොජපියා වගේ. දැක්කම කැතේ බැහැ. උදේක දැක්කොත් දවසම කැඳ නැහැ. උඹයි මායි දන්න ක්‍රිකට්. නිකං වද නොදී පලයං යන්න වැඩක් බලං.

      Delete
    4. සෙන්කෝලය. ඔබේ බ්ලොග් ජීවිතයට සුබ පතනවා. ඒත් මම අවංකවම අකමැතියි ඔබ මේ දින කිහිපයේදී ගෙන ගිය ගොන් පාට් එකට. කොහෙද බ්ලොග් රජවරු ඉන්නේ? එහෙමනම් මම බ්ලොග් ලියන්නේ 2009 වසරේ සිට. මේ වෙනකොට මගේ ලිපි ප්‍රියකරන විශාල පිරිසක් ඉන්නවා. ඒක හොඳයි. ඒත් ඒකෙන් මම බ්ලොග් රජෙක් වෙනවද? නෑ. ඔය මෝඩ මතේ ඉන්න එපා. බ්ලොග් අවකාශය කියන්නේ ලකුණු දාගන්න ඕන, සින්නෝ ජුන්නෝ ඉන්න කොම්පැණියක් නෙවෙයි.

      අනික් කෙනා නලින්. අවංකවම ඔබේ මේ ලිපිය මම දකින්නෙත් ගොන් පාට් එකක් හැටියට. ඒක මගේ වැරැද්ද වෙන්න පුලුවන්. ඒත් ඒ මගේ මතය. හැබැයි එකක්. මම මේ කමෙන්ට් එක ඇනෝ දාන්න හිතුවේ නෑ මොකද මම හිතුවෙ නෑ ඔබ ඇනෝ ඔප්ෂන් එක විවෘතව තියලා කියලා. ඔබ සුදීක වැනි පොඩි බබෙක් නොවීම ගැනනම් මට සතුටුයි.

      Delete
  26. This comment has been removed by the author.

    ReplyDelete
    Replies
    1. (මම මේක ලිව්වේ හිරු සහ මානෙල් වෙනුවෙන් .ඒත් පස්සේ වෙන වෙන ඒවත් ඇදුන නිසා වෙනම කමෙන්ට් එකක් විදිහට දාන්නම්..අනිත් අයටත් අදහස් දැක්විය හැකියි )


      ඉලක්කගත අරමුණක් වෙනුවෙන් , ඉලක්කගත පාඨකයන් පිරිසක් සඳහා ලිවීම

      දේශපාලනය , නීතිය , යහපාලනය වගේ මාතෘකා කතා කරද්දී අපිට සියලු දෙනා එක්කම ගමනක් යන්න බැහැ..අනිවාර්යෙන්ම සීමිත පිරිසකට පමණයි ආමන්ත්‍රණය කරන්න ඕනේ. ළමයි දාහක් අරන් ඉගැන්වීමට වඩා , විශයට කැමති ළමයි 25 කට ඉගැන්වීම සාර්ථකයි..පසු කාළීනව ඒ ළමයි 25 හරහා ලක්ෂයක් දෙනාට දැනුම යනවා.. silentsahan නමින් මම පෝස්ට් දැම්මේ පොදුවේ . හැබැයි සමහර පෝස්ට් වලදී මම සීමිත පිරිසක් විතරක් ඉලක්ක කරනවා..එවැනි පෝස්ටුවකදි ඉලක්කගත පිරිසට ඇරෙන්න අනිත් පිරිසට එක අකුරක් තේරෙන්නේ නැහැ..ඒක තමයි ක්‍රමය .. එහෙම කරන්නේ අහිතකින් නෙවේ , වක්‍රාකාරව සියලු දෙනාටම කවදා හෝ පණිවිඩය යෑමේ අරමුණින්ම පමණයි එවැන්නක් කරන්නේ..(සමනළ විප්ලවය තුළත් එය සාර්ථකයි. කවදා හෝ කව්රුන් හෝ එහි ඵල නෙලා ගනීවි.. එසේම ලසන්ත වික්‍රමතුංග වෙනුවෙන් කල හැකි ඉහළම යුතුකමද එයයි. ලසන්ත ජීවතුන් අතර උන්නා නම් අද මෙහෙම නටන්න හම්බෙන්නෙත් නැහැ විකටයන්ට .ප්‍රෙස් එක ගිණි තියපු අය එක්කම ලසන්තගේ මළ බත කන්න ලැබීමත් ආශ්චර්යක්..! )

      පොදුවේ ලියන දේවල්

      සාමාන්‍ය බ්ලොග් අවකාශය තුළ විනෝදශීලීව කැමති දෙයක් ලියන්න පුළුවන්.. අධ්‍යාපනය දීමේ අරමුණින් , අද්දැකීම් බෙදා ගැනීමේ අරමුණින් , විනෝදය සඳහා , මිතුර මිතුරියන් මුණගැසීමේ අරමුණින් , etc etc ලියන්න/කියවන්න පුළුවන් ...


      කාළීන මාතෘකා ගැන

      මෙවැනි දේවල් ගැනත් ලියන්න පුළුවන් තමන්ට එම විශය ගැන අවබෝදයක් තියේ නම්. එතැනදී නම් සැළකිලිමත් වෙන්න ඕනේ තමන්ගේ බ්ලොග් එකට එන පාඨකයෝ ගැන. උදාහරණයකට මම අකුණ ගැන ලියපු පෝස්ට් එක ලිව්වේ බොහෝම සරළව . නමුත් ඉලෙක්ට්‍රෝනය ගැනත් මම කතා කරා , විද්‍යා ප්‍රබන්ධ ගැනත් කතා කරා , සියල්ල අවසානයේ අකුණු වලින් ආරක්ෂා වීමේ ක්‍රම ගැනත් දැනගන්න සැලැස්සුවා.. ළිපිය බරපතල වේගෙන එද්දී ඉමෝ එහෙම දාල ශේප් කරා.

      උපාලි ගැන ලියපු පෝස්ට් එකත් එහෙමයි...තනිකර දේශපාලන ලිපියක් උනත් මම නොහිතපු පිරිසක් ඒක බැලුවා, කමෙන්ට් කරා කොන්ද පණ ඇතුව..එතැනදී නම් සියළුම බ්ලොග් කරුවන්ට ස්තූතියි වන්ත වෙන්න ඕනේ ..මාතලන් , අටම් , මොරබ්බා , පේට්‍රියා සහ නම් වශයෙන් නොදන්නා බොහෝ දෙනා ඒ ලිපිය ප්‍රචාරය කරා..

      ____________________________________________________


      කොහොම උනත් දැනට සිංහල බ්ලොග් බලන්නේ 1300 වගේ මිනිස්සු පිරිසක් මුළු ලෝකෙන්ම . එතනිනුත් බොහෝ දෙනා ඉන්නේ ආසාවට බ්ලොග් බලන / ලියන ගොඩේ..ඒ නිසා අපිට මහා ලොකු විප්ලව තාම කරන්න බැහැ සිංහල බ්ලොග් හරහා.. බ්ලොග් සදහා නව පාඨකයන් ගෙන්වා ගන්න නම් අපි මීට වඩා ශක්තිමත් වෙන්න ඕනේ.. ශක්තිමත් නොවී සෙල්ලම් දාන්න ගියොත් වෙන්නේ බ්ලොග් කළාව පීචන්ම වෙලා යන එක වැදගත් පාඨකයන් අතරේ...

      බ්ලොග් ගැන තව කියන්න දේ ගොඩක් තියේ.. ඒත් දිග වැඩි වෙනවා...හෙමීට පෝස්ට් එකක්ම දාන්නම් ... ( කෝ මේ නදිණි )

      Delete
    2. (මම මේක ලිව්වේ හිරු සහ මානෙල් වෙනුවෙන් .ඒත් පස්සේ වෙන වෙන ඒවත් ඇදුන නිසා වෙනම කමෙන්ට් එකක් විදිහට දාන්නම්..අනිත් අයටත් අදහස් දැක්විය හැකියි )


      ඉලක්කගත අරමුණක් වෙනුවෙන් , ඉලක්කගත පාඨකයන් පිරිසක් සඳහා ලිවීම

      දේශපාලනය , නීතිය , යහපාලනය වගේ මාතෘකා කතා කරද්දී අපිට සියලු දෙනා එක්කම ගමනක් යන්න බැහැ..අනිවාර්යෙන්ම සීමිත පිරිසකට පමණයි ආමන්ත්‍රණය කරන්න ඕනේ. ළමයි දාහක් අරන් ඉගැන්වීමට වඩා , විශයට කැමති ළමයි 25 කට ඉගැන්වීම සාර්ථකයි..පසු කාළීනව ඒ ළමයි 25 හරහා ලක්ෂයක් දෙනාට දැනුම යනවා.. silentsahan නමින් මම පෝස්ට් දැම්මේ පොදුවේ . හැබැයි සමහර පෝස්ට් වලදී මම සීමිත පිරිසක් විතරක් ඉලක්ක කරනවා..එවැනි පෝස්ටුවකදි ඉලක්කගත පිරිසට ඇරෙන්න අනිත් පිරිසට එක අකුරක් තේරෙන්නේ නැහැ..ඒක තමයි ක්‍රමය .. එහෙම කරන්නේ අහිතකින් නෙවේ , වක්‍රාකාරව සියලු දෙනාටම කවදා හෝ පණිවිඩය යෑමේ අරමුණින්ම පමණයි එවැන්නක් කරන්නේ..(සමනළ විප්ලවය තුළත් එය සාර්ථකයි. කවදා හෝ කව්රුන් හෝ එහි ඵල නෙලා ගනීවි.. එසේම ලසන්ත වික්‍රමතුංග වෙනුවෙන් කල හැකි ඉහළම යුතුකමද එයයි. ලසන්ත ජීවතුන් අතර උන්නා නම් අද මෙහෙම නටන්න හම්බෙන්නෙත් නැහැ විකටයන්ට .ප්‍රෙස් එක ගිණි තියපු අය එක්කම ලසන්තගේ මළ බත කන්න ලැබීමත් ආශ්චර්යක්..! )

      පොදුවේ ලියන දේවල්

      සාමාන්‍ය බ්ලොග් අවකාශය තුළ විනෝදශීලීව කැමති දෙයක් ලියන්න පුළුවන්.. අධ්‍යාපනය දීමේ අරමුණින් , අද්දැකීම් බෙදා ගැනීමේ අරමුණින් , විනෝදය සඳහා , මිතුර මිතුරියන් මුණගැසීමේ අරමුණින් , etc etc ලියන්න/කියවන්න පුළුවන් ...


      කාළීන මාතෘකා ගැන

      මෙවැනි දේවල් ගැනත් ලියන්න පුළුවන් තමන්ට එම විශය ගැන අවබෝදයක් තියේ නම්. එතැනදී නම් සැළකිලිමත් වෙන්න ඕනේ තමන්ගේ බ්ලොග් එකට එන පාඨකයෝ ගැන. උදාහරණයකට මම අකුණ ගැන ලියපු පෝස්ට් එක ලිව්වේ බොහෝම සරළව . නමුත් ඉලෙක්ට්‍රෝනය ගැනත් මම කතා කරා , විද්‍යා ප්‍රබන්ධ ගැනත් කතා කරා , සියල්ල අවසානයේ අකුණු වලින් ආරක්ෂා වීමේ ක්‍රම ගැනත් දැනගන්න සැලැස්සුවා.. ළිපිය බරපතල වේගෙන එද්දී ඉමෝ එහෙම දාල ශේප් කරා.

      උපාලි ගැන ලියපු පෝස්ට් එකත් එහෙමයි...තනිකර දේශපාලන ලිපියක් උනත් මම නොහිතපු පිරිසක් ඒක බැලුවා, කමෙන්ට් කරා කොන්ද පණ ඇතුව..එතැනදී නම් සියළුම බ්ලොග් කරුවන්ට ස්තූතියි වන්ත වෙන්න ඕනේ ..මාතලන් , අටම් , මොරබ්බා , පේට්‍රියා සහ නම් වශයෙන් නොදන්නා බොහෝ දෙනා ඒ ලිපිය ප්‍රචාරය කරා..

      ____________________________________________________


      කොහොම උනත් දැනට සිංහල බ්ලොග් බලන්නේ 1300 වගේ මිනිස්සු පිරිසක් මුළු ලෝකෙන්ම . එතනිනුත් බොහෝ දෙනා ඉන්නේ ආසාවට බ්ලොග් බලන / ලියන ගොඩේ..ඒ නිසා අපිට මහා ලොකු විප්ලව තාම කරන්න බැහැ සිංහල බ්ලොග් හරහා.. බ්ලොග් සදහා නව පාඨකයන් ගෙන්වා ගන්න නම් අපි මීට වඩා ශක්තිමත් වෙන්න ඕනේ.. ශක්තිමත් නොවී සෙල්ලම් දාන්න ගියොත් වෙන්නේ බ්ලොග් කළාව පීචන්ම වෙලා යන එක වැදගත් පාඨකයන් අතරේ...

      බ්ලොග් ගැන තව කියන්න දේ ගොඩක් තියේ.. ඒත් දිග වැඩි වෙනවා...හෙමීට පෝස්ට් එකක්ම දාන්නම් ... ( කෝ මේ නදිණි )

      Delete
    3. ඇත්ත... පරිහණක භාවිතා කරන,සිංහල බ්ලොග් ගැන දන් නැති(සමහර විට උනන්දුවක් නැති) සැහෙන්න පිරිසක් ඉන්නවා.

      ඇත්ත පරිහණක භාවිතා කරන,සිංහල බ්ලොග් ගැන දන් නැති(සමහර විට උනන්දුවක් නැති) සැහෙන්න පිරිසක් ඉන්නවා.

      Delete
    4. එවන් දන්නා අය අන් අයටත් උදව් කළොත් හොද ලියන්නන් පිරිසක් බිහිවේවි.

      Delete
  27. අනේ ඔව්...... ඩුඩ් , හිරු, සමනලී, අටං , රවී, සෑමා, ඉවාන් වගේ තව එකී නොකී කට්ටියක් මගේ මැස්සෙක් වත් හිටපු නැති බ්ලොග් කඩේට පොඩි වතුර පොදක් හලලා ගියාට පස්සේ තමයි මල් පිපෙන්න පටන් ගත්තේ.

    අටං තමයි මගේ පළවෙනිම කොමෙන්ටුව දැම්මේ....

    තාමත් ඉතින් දන ගැන අපිට ඒවා ඉහටත් උඩින්..... මම නම් ඉතින් ලියනවා මිසක් මෙලෝ විචාරයක් නැහැ..... බ්ලොග් කාරයෙක් වෙන්න නම් හිතක් නැහැ..... එත් මම මේ අවකාශයට මනාපයි.... මිනිස්සුන්ගේ සිතුවිලි වලට මේ වගේ තැන්වල ලැබෙන අවකාශයට මම ගරු කරනවා.... දැන් ඇත්තේ මිනිස්සුන්ට හිතන්න නොදී සිතුවිලිත් පොම්ප කරන කාලයක් නේ....


    hats off for all.....

    ReplyDelete
    Replies
    1. බලන්න නුවර කුමාරිව මට මිස්වෙලානේ ඉදල තියෙන්නේ අදයි ඇඩ් කළේ. එන්නං දිගටම.

      Delete
  28. මචං, ස්වභාවයෙන්ම අනිත් උන්ට උදව් කරන උන් ඉන්නවා. ආධුනිකයන්ට අතහිත දෙන එක අනිත් උන්ට උදව් කරන එකේ ශාඛාවක්නේ. මටත් එහෙම උදව් කරපු කීප දෙනෙක්ම ඉන්නවා. චන්දනයා එහෙම එකෙක්.

    තනියෙම ගමන නොගිහින් අනිත් උන්ටත් අතදෙන සියළුම දෙනාව ආදරයෙන් මතක් කරනවා.

    ReplyDelete
    Replies
    1. ඔබ මේ අවකාශයේ සිටින මහත්මයෙක්.

      Delete
  29. /* තම බ්ලොගයට කමෙන්ට් එකක් දැම්මොත් අඩුම තරමින් එයට ප්‍රතිචාරයක් දමන්නටවත් ඔබ සදාචාරාත්මක නොවුණොත් */

    වෙලාව හොයා ගන්න එක තමයි ප්‍රශ්නේ?

    සමහර වෙලාවට කමෙන්ට්ස් බලන්නේ ෆොන් එකේ. ඒකෙන් සිංහල ලියන එක හරිම අසීරුයි!

    හැම කමෙන්ටුවකටම උත්තර දාන අය එක්කෝ අර්ධකාලීන රැකියා කරන අය හෝ අර්ධකාලීනව බ්ලොග් කරන අය විය යුතුයි?

    ReplyDelete
    Replies
    1. ඒ උනාට කතා හැකි හැම විටම කොමෙන්ට්ස් වලට පිළිතුරු දෙනවනේ..

      Delete
    2. එකනම් ඇත්ත ෆොන් එකෙන් ලියන එක ලෙහෙසි නැහැ.භාෂාලංකා එකේ් හෙළකුරු පාවිචිචී කරන්නේ.ලඟදී ඉඳන් එක ලෙඩ දෙන්න අරන්.,

      Delete
    3. මටත් කියන්න තියෙන්නේ කතන්දර කෙතරම් අවිවේකි වුවත් හැකි උපරිමයෙන් පිළිතුරු දනෙවා කියලම තමයි. මං වුණත් මේ පිළිතුරු කොටන්නේ බොහොම අසීරුවෙන්.

      Delete
  30. හරිම වැදගත් ලිපියක් නලින්, ඒ වාගේම කමෙන්ටු ටිකත් හොඳ පාඩමක් ගේනවා අපට. මම නම් මේ ගැන වැඩිය දන්නේ නෑ. යාන්තම් අටව ගෙන යනවා මිසක්. තාම දේවල් දිනපතා ඉගෙන ගෙන තමා ලියන්නෙ. දැන් නම් ඒකටත් කාලෙ හරිම අඩුයි. ඈතක ඉඳල බලා ඉන්නවා සමහර විවාද දිහා උපේක්ෂාවෙන්. ඒවා ඇත්තෙන්ම හරිම රසවත්. අළුත් කෙකෙක්ට අතදීම වැදගත්. ඒ අය මේ දේ ඉස්සරහට ලස්සන කරාවි. මටත් මේ දේ කියාල දීපු සහුර්දයෙක් ඉන්නවා. මේ වෙලාවෙ ගල්මල් කොරල් ලියන ඩීන් මල්ලිව ආදරෙන් මතක් කරනවා. මේ අතරේ ගැටලු ආවාම උදව් කරන අය හැම දෙනාටම තුති.

    ReplyDelete
    Replies
    1. ඕනම පොස්ට් එකක් ඒක පාර්ශ්විකයි කොමෙන්ටු තුළින් එයට විවිධ පාර්ශ්ව මත එක් වෙනවා. එවිට තමා නිසි නිගමනයකට එන්න හැකි.

      Delete
  31. ඔන්න ඔහොමනෙ ඉන්න ඕන..

    ReplyDelete
  32. වැරදි දෙයක් වුනාම ලියන්න උන් සූ ගාලා. මෙහෙම දෙයක් ලියපු උබට ස්තුතිය. මම දැක්ක සෙංකෝලයාගේ එකේ ‍කමෙන්ට් සෙට් එක..

    ජය !

    ReplyDelete
    Replies
    1. ඔව් බං ඒකා නාහෙන් අඬනවෙලාවක අටමා ඌට උදව් කරලා මාත් පොඩි තල්ලුවක් දැම්මා.

      Delete
  33. ප්‍රවීනයො නවකයොන්ට අතදෙන්නෙ නැත්නම් කිසිම ක්‍ෂේත්‍රයක දියුණුවක් ඇතිවෙනකන් නෑ. ඒත් හුඟක් වෙලාවට ප්‍රවීන අයට වඩා ඉක්මනින්ම රිද්මය අල්ලා ගන්න, කොටින්ම ගුරාට වඩා දක්‍ෂ ගෝලයෝ අනන්තවත් සිටිනවා. මහා කල්ප වෘක්‍ෂ බවට පත්වෙන අංකුර උපන්ගෙයිම මරලදාන සිදුවීම් බහුල ලෝකෙක සිංහල බ්ලොග් අවකාශය තුළ ඇතිවෙල තියෙන මේ ප්‍රවණතාවය ගැන ඇත්තටම සතුටුයි.

    සුමිත් අයියා නම් බ්ලොග් එකක් පටන් ගත්තා. හොඳට කරගෙන ගියා. ඒත් අවාසනාවකට (මම හිතන්නෙ පසුපසින් ලුහුබැඳපු ඇනෝගෙ ක්‍රියාකාරකම් නිසා වෙන්න ඕන) අද වෙනකොට ඔහු හුඟක් නිශ්ශබ්දයි. සුමිත් අයියෙ, මේ ඔබේ අවධානය පිණිස.

    මාරයගෙ ලිපිය මටත් මතකයි. ඒක අන්තිමට රස ගොඩයිනේ. කට්ටිය දීපු ආතල්. මම නම් කියන්නෙ දෙයක් ඉගෙන ගන්නවා වගේම අපි සතුටෙන් මේ වැඩේ කරන් යන්න ඕන. මෙතනත් ගහමරාගන්න, ප්‍රශ්න ඇතිකරගන්න ගියහම ඒ ජීවිතෙන් වැඩක් තියෙනවද?

    ReplyDelete
    Replies
    1. නෑ නෑ DDT බ්ලොග් එක අතපහුවුනේ, ඇනෝ නිසා නෙවෙයි.(ඒ ඇනෝ කවුද කියලා මම දන්නවා, ඒක එච්චර ප්‍රශ්නයක් නෙවෙයි)..තනිකරම කාර්යබහුලත්වය නිසා.
      දිගටම ලියාගෙන ආවනම් අද මගේ බ්ලොග් ඇනිවසරිය... :D

      Delete
    2. @DDT - itamath watina owadanak DDT.mama dan 4n eken. Upandinayata subapatum sumiya.

      Naleen dilruksha

      Delete
    3. නොලිව්වත් ඔබගෙ ඇනිවසරියට සුබ පැතුම් සුමිත් අයියා.

      සමාවෙන්න, දිගින් දිගටම නොලියා ඉන්න වෙනත් හේතුවක් සිතාගත නොහැකි උන නිසයි එසේ සිතුවෙ. ඉඳල හිටල හරි ලියන්නකෝ.

      Delete
    4. ඔව් සුමියා මාසෙකට එකක් වත් ලියන්න ට්‍රයි කරන්න. ඇනවසරියට සුබ පැතුම්

      Delete
  34. හොද ලිපියක් නලින් අයියේ..... කමෙන්ට් ටිකත් කියෙව්වම හැමෝටම මේකෙන් ගන්න දේවල් තියෙනවා......

    ReplyDelete
    Replies
    1. මාරයා ගේ එකත් කියවන්න කමෙන්ට් එක්කම.

      Delete
    2. මං ඒ සංවාදය තිබෙද්දී එතන හිටියා නලින් අයියේ.... මාත් කමෙන්ට් කරලා ඇති ඒ ලිපියේ.....

      Delete
  35. අර සංවාදෙත් ගිහින් බලන්න ඕනි. ටැන්කිව් ඈ...

    ReplyDelete
    Replies
    1. බලන්න ගන්න දේ බොහෝයි එතන

      Delete
  36. අලුතෙන් බ්ලොග් පටන් ගන්න කෙනෙකුට මේක ඉතා වැදගත්. නමුත් මේ මොනවා නැති වුණත්, හොඳට ලියනවා නම් කියවන අය වැඩි වෙන්නේ බලාගෙන ඉන්නකොට. ලියන්න අරන් ටික කාලෙකදී ඔබ ලියන දේට කැමති ස්ථිර පාඨකයෝ පිරිසක් ඇති වෙනවා. ඒ අය ඔබ ලියන දේ බලන්න පටන් ගන්නවා.

    ReplyDelete
    Replies
    1. ප්‍රචාරයකුත් අවශ්‍යයි ඒත් වඩා වටින්නේ හොඳ ලියැවිල්ලක් තමා. අර කොල්ලා පොස්ට් තුනෙන් ගොඩම ගිහින්. ඊයෙ වෙනකොට කමෙන්ට 100පැනලා ඌට. ඒ ගැන අපට සතුටුයි.

      Delete
  37. අන්තිම පේලියට මුලින් ලියා පසුව " යතාර්තවාදියා" ලෙස බ්ලොග් එකක් ලිවූ නිහාල් ගුරුසින්ංහ හෘද්යාබාදයකින් මිය ගිය බව දැන් ගන්න්ට ලැබුනා. එය තාම ස්තිර නෑ. නිහල් ගුරුසින්හ යනු අන්වර්ත නාමයක් බවත් සැන්ඩියාගෝවෙ ඉන්න මගේ මිතුරෙක් කියනවා. කතාව ඇත්තනම් ඔහුට නිවන් සුව.

    ReplyDelete
    Replies
    1. ඔහු දක්ෂ කතා කරුවෙක්, රචකයෙක්...

      කතාව සත්‍යයක්නම්, ඔහුට සුබ රාත්‍රියක්....!

      Delete
    2. මෙය සත්‍යයක්ද? මට හිතෙනවා මේ ප්‍රචාරයත් ඔහුට පහර දුන් අයගෙ තවත් වැඩක් වෙන්න ඇති කියල.

      ඇත්තෙන්ම ඔහුට අපූරු ලිවීමෙ හැකියාවක් තිබුනා. මා මුලින් ඔහු දුටුවෙ අන්තිම පේලියෙ. ඒත් ඔහු ලියපුව නොඉවසපු පිරිසක් එතන සිටියා. ඉන්පසු කාලයක් ඔහු ලිව්වෙ නැහැ මම හිතන්නෙ. ඔහුගෙ බ්ලොග් එකත් මම දැක්කෙ අහම්බෙන්. මේ ළඟකදි කතන්දරත් සහන්ගෙ අඩවියෙදි කමෙන්ට්කරල තිබුනා ඔහු පිළිබඳ කාලෙකින් තොරතුරක් නැහැ කියල.

      Delete
    3. පිස්සු නිහාල් දැම්ම මැරෙන කෙනෙක් නෙමේ.
      කවුරු හරි සත්‍ය තොරතුරු සපයන මෙන් කරුණාවෙන් ඉල්ලා සිටිමි.

      Delete
    4. මමත් ඒ ගැන නොදනිමි කිසිවක්.

      Delete
    5. මේක සිරාද ? නිහාල් මාමා තෙලස්ට්‍රොවෙත් ලඟදිනම් දැක්කේ නෑ

      Delete
    6. නිහාල් අයියා පස්සෙත් අන්තිම පේලියට ලිව්වා වගේම පස්සෙ ලියපු ලිපි අන්තිම පේලිය ඇතුලේ ඉතා ජනප්‍රිය උනා..

      ආරංචියේ ඇත්ත නැත්ත හොයා ගන්න පුලුවන් නම් ලොකු දෙයක්.

      Delete
  38. මම බ්ලොග් කියවීමෙන් තරමක් ඈත්වෙන්න හේතුවුනේ, ආසාවෙන් කියවපු බ්ලොග්, පෝස්ට් කරන වේගය වැඩි වුන හින්දයි.
    සාමාන්‍යයෙන් බ්ලොග් පෝස්ට් එකයි ඊට අදාල කමෙන්ට් ටිකයි කියවන්න අවම වශයෙන් විනාඩි 20ක් වත් ඕන. ඒ වගේ බ්ලොග් උපරිම වශයෙන් 5 කට වඩා දවසකට කියවන්න බෑ.
    මගේ විශ්වාසය නම්, මාසෙකට බ්ලොග් පෝස්ට් උපරිම වශයෙන් 6 ක් 7ක් විතර පබ්ලිෂ් වුනාම ඇති කියන එකයි.(මේක කවි වැනි කෙටි බ්ලොග් පෝස්ට් වලට අදාල නෑ) ඒ වගේම බ්ලොග් නවකතා ලිවීමත් මම හිතන්නෙ අසාර්ථකයි.කතා ලියනවනම් වඩාත්ම හොඳ කෙටිකතා ලිවීමයි.

    ReplyDelete
    Replies
    1. //ඒ වගේම බ්ලොග් නවකතා ලිවීමත් මම හිතන්නෙ අසාර්ථකයි.කතා ලියනවනම් වඩාත්ම හොඳ කෙටිකතා ලිවීමයි.//

      මටත් මේ දේ නම් වැටහුනා, මාත් කොටස් කීපයක කතාවක් ලියන්න උත්සාහ කල නිසා. ඒ දවස් වල මගෙ බ්ලොග් එක කියවපු පිරිස ගොඩක් අඩු වෙලා තිබුනා. පස්සෙ කාලෙක බ්ලොග් එකට අලුතෙන්ම එන අය අතරින් නම්, එවැනි දීර්ඝ කතා කියවන්නෙ බොහොම සුළු පිරිසක්. එක කොටසින් වගෙ ඉවර වෙනව නම් සුළු කාලයකින් කියවල ඉවර කරන්න පුලුවන් නිසා වැඩි දෙනෙක් බලනව...

      Delete
    2. ඔබේ කතාව හරි සුමිත් දැන් හැමෝම වේගයෙන් පොස්ට් දානවා මමත් දානවා. පාඩුවේ කියවන්න වෙලාව මදි. මාත් හිතුවා සතියට එකක් දක්වා පහතට බසින්න.

      Delete
  39. කොතනකවත්, ප්‍රවීණයෝ, නවකයෝ, පොරවල්, යෝධයෝ, පතාකයෝ, දැවන්තයෝ, පොඩි උන් කියලා දෙයක් නෑ. ඒක එක එකාගේ හිතේ මවාගන්න දෙයක්. අද බ්ලොග් එකක් පටන් ගත්ත එකෙක් ඉන්න පුළුවන්, සිංහල බ්ලොග් මුලින්ම ලියන්න පටන් ගත්ත එකෙකුට ඉගෙන ගන්න. එහෙම උදාහරණත් ඕන තරම් දෙන්න පුළුවන්.

    බ්ලොග් කියන්නේ බොහොම නිදහස් මාධ්‍යයක්. ඒතන නීතී රීතී නෑ. මේක ලංකාවේ එකෙක් හොයා ගත්තනම් තත්වය වෙනස් වෙයි. අපිට තියෙන්නේ තම තම රුචි අරුචි කම් අනුව. තමන් කැමති දේ රස විඳිම පමණයි.

    උදව් කරන එක මනුස්ස ගතියක් නිසා. ඒ ගැනත් පුරසාරම් කතන්දර අවශ්‍ය වන්නේ නෑ. හොඳ දෙයක් දැක්කම අගය කරන්නත්, දිරවන්නේ නැති දේ, හෙලා දකින්නත්, නිදහස තියෙන්නේ ඕන. මෙතන පොඩි එකාගේ ඉඳන් නාකි උන් පවා ඉන්න බව දැනගෙන කටයුතු කලාම හොඳටෝම ඇති.

    මම නම් මේ විශ්වයේ ජීවත් වන එක්තරා ජීවීයෙක් පමණයි. ඒ උනාට මට එකෙක්වත් ලොකුත් නෑ. පොඩිත් නෑ... අම්මා තාත්තට උනත් වැරදි දේ වැරදියි කියන්න බයත් නෑ... ඒ වගේම මම වැරදි නම් ඒක පිළිගන්න පැකිලෙන්නෙත් නෑ..

    ReplyDelete
    Replies
    1. මම ඔබට තිබෙන කැමැත්ත මේ නිසාමයි මාතලන්.

      Delete
    2. මාතලන් ඇතැම් තැන්වලදී ඔබ කෙතරම් ආවේගශීලි වුවත් මම ඒ හැමතැනදිම දුටුවා ඒ පසුපස එන ඔබේ මනුස්සකම. කිවයුත්ත ඔබ හැමොටම කියනවා කෙළින්ම. අපේ කෙන්ජි ඒකෙ දෙක. හරියට සෝඩා බෝතල් වගේ.

      Delete
  40. මේක ගැන්න මක්කා හරි පස්සේ කියන්නං..

    ReplyDelete
    Replies
    1. මේ ඉන්නේ මට උදව් කරපු,කරන එළ පොරක්..
      තැන්කු දේශා උඹට.

      Delete
    2. අඩේ මට දේශව මගැරිලානේ.. සොරිදේශෝ.

      Delete
  41. නලී,අපේ රයිගමත් නිහඩව සිට අප හට වටිනා දැනුමක් දෙන කෙනෙක්.
    මම ඔහුගෙ ලිපියක් කියවල තමයි මේකට පුරුදු වුනේ.
    සිංහලෙන් කොටන්න පාර පෙන්නුවෙත් රයිගම තමා.

    ReplyDelete
    Replies
    1. මම දැනුයි දැක්කෙ ලිස්ට් එක.
      අපේ ගරු ඇල්කෙමි &පදුරු තලන රවියත් අපි එක්ක ඉන්නව.
      සහන් මල්ලිය අර නිහාල් ගුරා ගැන බැලුවෙ නැද්ද?

      Delete
    2. සිරාවට රයිගමයා වර්ඩ්ප්‍රෙස් එක නේද අල්ලං ඉන්නේ..මාත් සැහෙන්න කාලෙකින් ගියේ නෑ.. වටින පොරක්..

      Delete
    3. තම්බියා උනත් සාභියත් වැදගත් විදියට බ්ලොග් කෙරුවාව කරගෙන යන එකෙක්. . ඒවගේම තමයි 'ෆීඩ් ද මන්කී' ලියන චමිල අල්විස්. උන් උන්ගේ පාඩුවේ ලියනවා. පරණ උන් ගිහින් කියෙව්වට අලුත් උන් එහෙම එව්වා තියෙනවද කියලවත් දන්නෙ නෑ. උන්ටත් උන්ගෙ බ්ලොග් මාකට් කරන්න උවමනාවක් නෑ!

      Delete
    4. මචං උන්ගේ ලිංක් දෙක මෙතන දාපන් අලුත් කවුරුවත් ඒ ගැන දන්නේ නෑ

      Delete
  42. හොද දෙයක් නලින් අය්යා. හොද බ්ලොග් එකක් දක්කොත් උදව්වක් දෙන්න පුලුවන්නම් ඒ වගේම අනිත් අය අතරට ගෙනියන්න උත්සහා කරනවා නම් ඒක ගොඩක් වටිනා වැඩක්... ඒ අතින් අපේ ඉන්න පරණ බ්ලොග් කරුවන් ගැන අවංකවම සන්තෝෂයි, මටත් මුල් කාලේ ඒවගේ උදව්වක් කළා ඒ අපේ හෙන්රි බ්ලොග්වෝකර් මහත්මයා ඒවා කවදාවත් අමතක වෙන්නේ නැහැ .

    ReplyDelete
    Replies
    1. අනිවා හෙන්රි යනු බ්ලොග් ලෝකයේ ඉන්නා හොඳ මහත්මයෙක්.

      Delete
  43. මේක ගැන නම් කියන්න දේවල් ගොඩයි ..දැන් වෙලා තියන හැටියට කියන්නම් .ඔබේ පෝස්ටුව ඉතා අගය කරනවා .කියවන පිරිස නැත්තන් කොමෙන්ට් කරන පිරිස නිසා බ්ලොග් ලියන්නෙකුට ලොකු දිරිමත් වීමක් වෙනවා ,මම බ්ලොග් එක පටන් අරන් අවුරුද්දක් උනෙත් ඊයේ පෙරේදා .ඉතිං ඔය කාලේ ඇතුලත මාව කියවන්න බොහෝ පිරිසක් ආවා .ඒ වගේම පටන් ගත් තු දවස්වල ඉඳලා අද වෙනකම්ම ආපු නැති පිරිසක් දැනටත් ඉන්නවා .හැබැයි මන් ඒ ගැන වද වෙන්නේ නෑ ඇත්තටම . එක එක්කෙනාගේ රසය වෙනස් .ඉතිං අපිව කියවන්න කැමති අය එනවා ,අනිත් පිරිස සමහරවිට ඇවිත් බලලා කියවන්න තරම් දෙයක් නෑ කියල හිතෙන නිසා හෝ වෙන යම් හේතුවක් නිසා හෝ නිහඬව යනවා වෙන්න ඇති .නමුත් මම නං වැඩිපුර කුණුහරප නැති හැම බ්ලොග් එකකටම පොදුවේ යනවා .සමහර ලිපි වල විනෝදය තියනවා ,සමහර ලිපි හරවත් , සමහර ලිපි ආදර්ශමත් ,එක්කෝ දේශපාලනිකයි ,අපේ මහාවෙදනා තුමා ලෙඩ දුක් ,බේත් ගැන ලියනවා ඒ කුමක් උනත් මං කියවනවා .වෙලා තියන හැටියට කමෙන්ටුවකුත් කොටනවා .මට නං අලුත් පරණ බේද නෑ ..මගේ බ්ලො ග් එක කියවන අයව මම ආදරෙන් පිලිගන්නවා ඒ වගේම ආවේ නෑ කියලා කමෙන්ටු දැම්මේ නෑ කියල ඇත්තටම තරහකුත් නෑ :Dඅලුත් බ්ලොග් කරුවන්ට අත දෙන බොහෝ පිරිසක් මාත් පහුගිය ටිකේම දැක්කා .ඔබ ලියලා තියනවා ඒ හැමෝම ගැන ,ඒ හැමෝම අගය කරනවා :)ඇත්තටම ගොඩක්

    ReplyDelete
    Replies
    1. නිර්මාණ කරුවෙකුට විචාරය හරිම වැදගත්. මම නං මට බැනලා ලිව්වත් ඒක කිසිම සංස්කරණය කින් තොරව දානවා. බැනුම තමා අපට ඉදිරියට යාමට ඇති හොදම මග කියා දෙන පොත.(හැබැයි කුණු හරුප එපා) මේ ලිපි පාසල් දරුවන් කියවනවා. ඒවා හා තුන්වන පාර්ශ්වයකට පරිභව කර ඇත්නම් පමණයි මා වාරණයක් ගෙනෙන්නේ. ඇතැම් ඇනෝලා මුලින් එහෙම කළත් ඔවුන්ගෙන් මා බොහොම කරුණාවෙන් ඉල්ලා සිටියේ ඕන දෙයක් කියන්න කුණුහරප නැතුව කියලයි. එක් ඇනො කෙනෙක් සමාව ඉල්ලා එසේ කිරීමෙන් වැලකුණා.
      තාමත් ඇනෝලාට මෙතැන ඉඩ ඇත ඕනම දෙයක් කියන්න.

      Delete
  44. එකෙන්ම නලින් අයියා එකෙන්ම....

    මම බ්ලොග් එක හදලා මාසයයි. නමින් වෙන් කරලා කියන්න බැරි තරමේ පැරණි බ්ලොග් සාමාජිකයෝ රැසක් මගේ බ්ලොග් පෝස්ට් වලට සපෝට් එක දෙනවා.....ඒ දේ හිතට හරි ලොකු හයියක්.....

    මම පරණ වෙනකොට ඒ තියරිය අමතක කරන්නේ නෑ....

    ReplyDelete
    Replies
    1. අන්න හරි මලයා. හරි දේ හරි කියන්නත් වැරදිනම් වැරදියි කියන්නත් මැලි වන්න එපා

      Delete
  45. වටින උපදෙස් ටිකක්....

    ReplyDelete
    Replies
    1. ගත යුතු දෙයක් වෙත්නම් අරගන්න.

      Delete
  46. මාත් පොලොවෙ පය ගහල නැගිට්ටෙ බ්ලොග් එකෙත් එක්ක ඔය මිතුරන්ට පින්සිදුවෙන්නයි. ආ.... නලින් දැන් ඉන්නවා බ්ලොග් නොලිවුවත් හැම එකටම එබෙන අපේ සංජීව මෙන්ඩිස් මහත්තයා. අමාරුවෙං සිංහලෙන් කොටන්න ඉගෙන ගෙන අනේ පවු අපි ඔක්කොටම දිරිය දෙනවා.

    ReplyDelete
  47. ඇත්තටම මෙවැනි කාර්යයකදී මට මැදිහත් වෙන්න බැරි එක හේතුවක් තමයි පරිගණක පිළිබඳ අල්ප දැනුමක් මා සතු විම. මමත් සමහර වැරදෙන නොදන්නා තැන්වලදී අහගන්නේ මේ බ්ලොග් අවකාශයේ සහෘදයන්ගෙන්ම තමයි.

    අනෙක් අතට බ්ලොග් අවකාශයේ රැ‍ෙඳෙන වෙලාව ඉතාමත් අඩුවීම. ඒත් අහම්බෙන් හෝ දකින බ්ලොග් එකක් කියෙව්වොත් එය සම්පූර්ණයෙන්ම කියෙව්වා නම් පමණයි මම කමෙන්ට් ලියන්නේ. එසේ නැතුව "සුපිරි, නියමයි, අගනා දෙයක්, තවත් ලියන්න" මෙන්න මේ වගේ හිස් වචන ලියන්නේ නෑ. මොකද මම දන්නවා කෙනෙක් එහෙම ලියන්නේ ඒක නොකියවූවත් හිත හොඳකමට කියලා. ඒත් අදලා පෝස්ට් එක කියවා ලියන එක හොඳ බව මම දැඩිව විශ්වාශ කරනවා.

    ඒ නිසා අලුතෙන් ලියන අයට මට කියන්න පුළුවන් වන්නේ නිතර පොත් පත් කියවන්න බ්ලොග් කියවන්න කියලා විතරයි.

    ReplyDelete
    Replies
    1. ඔබ හරියටම හරි දයා..කියවීම මිනිසෙක් තනයි කියලා කියමනකුත් තියනවානේ.

      Delete
  48. නලින් මේකෙනුත් comment 200 තලා ගනියි වගේ . . . :D))

    වටින උපදෙස් ටිකක් නලින්.

    ReplyDelete
    Replies
    1. එදා 200 පැන්නුවේ මම නොවේ මාරයා. මගේ 200 පැනපු දෙකක් තිබුණා. ඒ රජතුමන් හා සබැඳිකොට ලියපු දෙකකට. එතුමගේ හොඳ කියලා ලිව්වනං බඩුම තමා. එකක් නං නොවැම්බර් 17 වැනිදා මගේ දුවගේ උපන් දිනේ දා.

      Delete
  49. මමත් ඔය වගේම ලියලා මට උදවු කරපු අයට ස්තූති කළා අයියේ.....

    ඒ වගේම මහා ජරා බ්ලොග් කාරයොත් ඉන්නවා..උන් ඇනෝ විදිහට ඇවිත් කනවා.....

    ReplyDelete
    Replies
    1. මෙය අවකාශයක් බව හොඳින් හිතට ගන්න.

      Delete
  50. යකෝ මගේ නම අමතක උනාට දෙකක් දාලා ගේමක් ඉලන්න ඕනා නලින් අය්යා එක්ක

    ReplyDelete
    Replies
    1. අර දාල තියෙන්නේ සංජීව මලයෝ අපිත් ඉතිං මිනිස්සුනේ අමතක වෙනවා අතපසු වෙනවා.

      Delete
  51. මට උනත් අත දීපු හුගක් අය ඉන්නවා.
    ඒ අතරින් දේශකයා මට විශේෂයි.එක පාරක් දේශාගේ පොස්ට් එකක මගේ ලින්ක් එක දාලා දේශා මගේ බ්ලොග් එකට පාරක් පෙන්නුවා.

    මම හිතන්නේත් ඉස්සරහට මේක ලොකු ප්‍රභල මාධ්‍යක් වේවි.එක නිසා දැන් ඉදන්ම එකිනෙකට අත දීම බොහෝ වටිනා දෙයක් තමයි.

    ReplyDelete
    Replies
    1. මෙතැනට විතරක් නොවේ කොතැනදිත් හැකි විදියට කාටත් අත දෙන්න.

      Delete
  52. මේකනම් එකෙන්ම අලුත් අයට මාර විදියට වටිනා ලිපියක්. මම මුලින්ම ලිව්වෙ අන්තිම පේලියට. එතනින් අපිට ලොකු ගැම්මක් ඒ හැමෝගෙන්ම ලැබුනා ! තාමත් එහෙම්මමයි ! සෙන්කොලයත් ඇවිත් පලවෙනි කතාව දාලා ගිහින් තිබුනා.
    මම බ්ලොග් එකක් පටන් ගත්තේ පස්සේ. එතකොට සින්ඩිය මොකක්ද කියලවත් මම දන්නේ නෑ. මේ වගේ ලිපි තියෙන එක වටින්නේ ඒ නිසා.
    මේකට බුකියේ තියෙන ගෘප් ගැනත් add වුනානම් හරි ! මොකද බුකියෙනුත් සෑහෙන්න පිරිසක් එනවා බ්ලොග් එකට !
    ජය !

    ReplyDelete
  53. පටු බේදය වාද පසෙකලා අත්වැල් බැඳගත්තොත් සිංහල බ්ලොග් අවකාෂය හරහා අපේ සමාජයට කරතහැකි සේවය බොහෝය. ඒ දේ දකින්න තිබුණා. ඔබේ සටහන තවත් හොඳ මතක් කිරීමක්.

    ReplyDelete
  54. නවක බ්ලොග් කරුවන් වෙනුවෙන් ලියැවුන ඔබේ සටහනට පුංචි එකතුවක්:

    පවර්පොයින්ට් - MS-PowerPoint යොදාගෙන ලස්සන නිර්මාණයක් සැකසීම

    මින් බ්ලොග් පොස්ට් වලට අවැසි ග්‍රැෆික් නිර්මාණය කරන ආකාරය පියවරෙන් පියවර පැහැදිලි කරනවා.

    ReplyDelete
  55. මමත් බ්ලොගක් පටන් ගෙන සතියක් විතර වෙනවා. මේක සිංහළ හෝ සාහිත්‍යය ගැන නොවේ. ෆ්ලෑෂ් සම්බන්ද එකක්. සිංහළෙන්..... කාට හෝ වැඩක් වේය කියා හිතනවා. තාම කමෙන්ට්ස් නම් නෑ.
    මේකයි පාර.
    flashinsinhala.blogspot.com

    ReplyDelete
  56. මේ ලිපියයි, කොමෙන්ට් ටිකයි අලුතින් බ්ලොග් ලියන කෙනෙකුට ගොඩක් වටිනව. thanz
    මම බ්ලොග් ලියන කිසිම කෙනෙක් පුද්ගලිකව අඳුනන්නෙ නෑ. මටත් මාතලන් අයියා, අටංපහුරෙ අටමා, තව Loku Jhon කියලා කෙනෙක් එහෙම උදව් කලා.

    ReplyDelete
  57. This comment has been removed by the author.

    ReplyDelete

මගේ මේ පුංචි වෑයම පිළිබඳ අදහසක් දැක්වුවොත් එය මට විශාල ශක්තියක්.මල් මෙන්ම ගල් වුව කම් නැත.

Bottom Ad [Post Page]

| by NT