අපි පුදපු මල්

අමාලි,

හම්

............................

කතරගම අපි

අතර මංවුනා

වගෙ

හම්

කිරිවෙහෙර ලග පොලිසියෙන්

අපි වැරදි කරලා නෑ

ඇයි බය වෙන්නෙ.....

හම්

අපෙන් මල් ගන්න,

අපෙන් මල් ගන්න,

අපෙන් මල් ගන්න,

මල් හතක් පනහයි,

පිංකමක් අපි කරමු 

මල් අරන්,

හාල් කිලෝවක් ගනිවි ඇය

හම්

සුදු පාට දිය බුබුල

කිරිපාට සද

එළිය

මල් සුවද හැම තැනම

සිල් අරන්

සමහර අය

ලස්සනයි

හම්

අමාලි.... මල් පිපිලා නෑ

පුප්පලා 

අපි රැවටිලා කාලයට 

නොවේ පිපුනේ

අකාල මල්

.......................................

පිපේන් නැති

අපි පුප්පපු මල්

පුජකරමු,

හම්

මුමුනමින් 

ඇය කියයි

කොත් කැරෑල්ල මත හිදන්

සතර වරම් දෙවිවරුන්

අපි වදින

අපි පුදන

අපි කියන දේ අසයි............

ගොඩහපු මල් අතර

පරවුන මල්

අපි වගේ............

අපි පුප්පපු 

අකලට

පුප්පපු

අපේ සිතුවිලි

වගේමල්

පරවුන මල්

..................................

චන්දන ලියනාරචිචි