අපේ නිදහස මොනරවිල සහ ගාමිණි.....

නිදහස් දිනය සමරන මේ මොහොතේ මගේ සිතට එන චරිතය මොනරවිල කැප්පෙටි පොළ චරිතය යි.  ඒ සුද්දට එරෙහි වු විරයකු ලෙසයි.
මේ මොහොතේ  මොනරවිල නම් අගනා පොත මගේ සුරතේ වෙයි. මෙහි කතුවරයා ද බ්ලොග් කියවන ඔබට අමුත්තකු නොවේ. වනජීවී නිලධරයකු ලෙසින් සිය රාජකාරි කටයුතු කරන අතර තුර ග්‍රන්තකරණයේ ද බ්ලොග් සටහන් ලිවීමේද නිරත ගාමිණී විජිත් සමරකෝන් මේ මා හැගි කෘතියේ කතුවරයා වෙයි. පළමුව ඔහුට සුබ පැතුම්. පසුගිය දා කොළඹ දයාවංශ ජයකොඩි සමාගමේ පැවති චාම් උත්සවයේ දී මේ පොත එළි දැක්විණි. ඒ අවස්ථාවට එක්වන්න ට ද මට අවස්ථාව උදා විය. මෙන්න එහි අවස්ථා කීපයක්.

පොතේ කවරය

කතුවර ගාමිණි සමරු සටහනක්  තබමින්

තවත් බ්ලොග් ලියන්නෙක් වෙනී දකුණු පස කෙළවර

පසු කවරය

මා තාම පොත සම්පූර්ණයෙන්ම කියවා අවසන් නැතත් ලාංකීය ඉතිහාසයේ එක් යුගයක් ගැන ලියැවුණු අපුර්ව පොතක් ලෙසින් මෙය හඳුන්වා දිය හැකිය. එදා උඩරට කැරැල්ලේ සිදුවීම් සාක්ෂි සටහන් ද සහිතව ඉතාමත් නිර්මාණාත්මක ලෙසින් ගාමිණි නැවත ප්‍රතිනිර්මාණයක් කොට ඇතැයි මට හැඟෙයි. අපේ මෑත ඉතිහාසය හදාරන්නෙකුට මෙයින් ගත හැකි දේ බොහෝ ය. 
සුද්දා ගෙන් අප රට නිදහස ලබා හැට වසර ඉක්මවා ඇත්තේ ය. මේ ගෙවියන්නේ මගේ දිවියේ අර්ධශතකයකට ආසන්නයයි. සත්‍ය වශයෙන්ම අපේ රටේ දී මා මේ කාලය ගෙවා ඇත්තේ නිදහස් ද? 
නැත.....ඉන් 30 වසරක්ම මම දෙමළ ත්‍රස්තවාදයේ අදුරු සෙවණැලි මැද දිවි ගෙවා ඇත්තෙක් මි. නිවෙසින් එළියට බසින කිසිවකු යළි නිවසට එන තුරු විශ්වාසයක් නොවූ බියකරු යුගයක එකල අපි ජීවත් වුණෙමු.
ජාතියේ පිනකට අද එම බිය අප සිත් තුළින් පහව ගොස් ඇත.

මහින්ද රාජපක්ෂ නම් දක්ෂින පුත්‍රයා මෙරට ජනපති වීම, විශ්‍රාම යන්නට සූදානමින් සිටි සරත් ෆොන්සේකා නම් රණ විරුවා මෙරට යුද හමුදා ප්‍රධානියා බවට පත්වීම, විසිරී ඒකාබද්ධ තාව ගිලිහෙමින් තුබූ ගුවන් නාවුක හා පොලිස් යන ආයතන ඒකරාශි කරන්නට සමත් ආරක්ෂක ලේකම් වරයකු හමුවිම යන කරුණු මත(තව බොහෝ කරුණු ඇත එය මෙතැන සටහන් කොට නැත) වත්මන් ශ්‍රී ලාංකිකයන්ගේත් අනාගත දරු පරපුරේත් වාසනාවට කුරිරු කොටි ත්‍රස්තවාදයට තිත තැබිණි. අද අප විදින්නේ ඒ නිදහසයි.
ඉතින් මේ නිදහස අපට විඳින්නට ලේ කඳුළු දහදිය හෙළු සකල විද රණවිරුවන් සැම සියලු දෙනාටම උත්තමාචාරය පුදන්නට මම මෙය අවස්ථාවක් කොට ගනිමි.
ලක් මව සදා කල් දිනේවා........
සේයා රූ ඉස්සුවේ හිතවත් වෙනි අය්යා ගේ මූණු පොතෙනි.