සිංහල පරිවර්තකයක් app for sinhala translate

සතුට ඇතිවන්නේ අප කරන කියන දේ තුළ ය. හිතේ කුකුසෙන් වුව ලියන ලද පසු ගිය ලිපිය බොහෝ දෙනකුට ප්‍රයෝජනවත් වූ බැව් මසිතට ඇති කළේ සතුටකි. එකී ලිපියෙන් මා පෙන්වා දුන්නේ ගූගල් සේවාව මගින් අපට ලබා දුන් සේවාවක් පිළිබඳවයි. ඒ භාෂා පරිවර්තන පිළිබඳව ය. 

එතැන අපේ භාෂාව වූ සිංහල ය පරිවර්තනය සිදු නොවේ. එනමුත් සිංහල පරිවර්තකයක් ද මේ වන විට ගූගල් අත්හදා බලමින් සිටියි. ඒ වෙනුවෙන් දර දිය අදින අපේ විද්වතුන්ට ද අපේ උපහාරය හිමි විය යුතු මය.
පරිපූර්ණ පරිවර්ථනයක් සිදු නොවුවද මේ වන විට අත්හදා බැලෙමින් පවතින ඒ උපාංගය ගැන දැනුම්වත් කිරීමය මේ කෙටි සටහනේ අරමුණ. 

මෙය දැනට ගූගල් ඇප් එකක් ලෙසින් අපට භාවිතයට ගත හැකිය. ඉංගිරිසි වදනක් ළග අප කර්සරය තබන විට එහි සිංහල අරුත මේ උපාංගය මගින් අපට ලබා දෙයි. මේ සේවාව ලබා ගත හැක්කේ ගූගල් ක්‍රෝම් හරහා පමණි.
දැන් අප බලමු එය කරගන්නා ආකාරය. පළමුව ගූගල් ක්‍රරෝම් විවෘත කර ගෙන එහි මෙනුවේ සෙටින්ග්ස් (settings) වෙත යන්න. ඉන් පසු එහි එක්ස්ටෙන්ෂන් (extensions)වෙත ගොස් එය ක්ලික් කරන්න. එය විවෘත කළ පසු එන පිටුවේ අඩියේම ඒ වන විට එන Get more extensions යළි ක්ලික් කරන්න.

 එහි පහත සඳහන් ස්ථානයේ මෙන්න මේ වදන ( LKTips) යන්න මේ මේ විදියට ම කොටන්න.  එසේ කොට එන්ටර් බොත්තම ඔබන්න.

එවිට මේ ආකාරයේ දසුනක් ලැබේවි.

දැන් එය පරිගණකයට ඇතුළත් කරගන්න. එපමණයි. 

ඉන්පසු සියල්ල අවසානයේ ක්‍රෝම් වින්ඩොවෙන් ඉවත්ව යළි එය විවෘත කරන්න දැන් ඔබේ තිරයේ දිස්වන ඉංගිරිසි වදනක් මත කර්සරය තබන්න එහි සිංහල අරුත ඔබට පෙනෙන්නට පටන් ගනිවි මේ විදියට.

මෙය ඔබ දැනටමත් දන්නා දෙයක් වන්නට හැකිය. කමා වෙත්වා මෙය කෙටුවේ නොදන්නා අයගේ හිත සුව පිණිසය.

මේ ගැන නොදන්නා අය ඉන්න හැකියි ඒ අය වෙනුවෙන් හැකිතාක් ෂෙයා කරන්න මිතුරනි.

මේ ලිපිය දමා පැය කීපයකින්ම එහි වැරදි තැන් කීපයක්ම නිවැරදි කළා තිදෙනෙක්. ඔවුන් හරි . 
මචෝ මං තාක්ෂණය දන්න එකෙක් නොවේ. උඹලා කියන එක හරි ඇති. මෙය මං දාගත්තෙත් මිතුරෙකු ගේ මාර්ගයෙන්. එය මෙතැන දැම්මේ නොදන්න එවුන් වෙනුවෙන් මෙහෙම එකක් තියනවා කියන්නයි.. උඹලගේ අදහස්වලට තුති. තව ඔබ සැම දන්නා තොරතුරුත් මෙතැනට එක්කරන්න. දැන් මා ඔබ කී ලෙස මාතෘකාවද නිවැරදි කළා. වරද පෙන්වාදීම ගැන තුති.