කළු සල්ලි - Black money

එක දිගට දුරකථනය නාද වන හඩින් මා අවදි විය.
හෙලෝ....
සුභ උදෑසනක් සර්.... මේ පලිපාන සර් නේදෙ?
ඔව්..කවුද මේ..?
සර් මම ගයනසිරි... අපේ මහ ඇමති තුමාට ඕනලු සර්ට කතා කරන්න.

Ok ..පුතා කියන්න මම විනාඩි 5හෙන් ගන්නම් කියල,දැනුයි නැගිට්ටෙ කියන්න.

දුරකථනය විසන්ධි කළ මා, අසල වැතිර සිටි සුරූපිණියට යට වී තිබු සාළුව ඉනවටා දවටා ගෙන නාන කාමරයට වැදුණෙමි.
මා ඇඟපත මූණ කට සෝදා පිරිසිදු වී කාමරයට එනවිට දුටුවේ තවම ඇදමත නින්දේ පත බා ඇති මුළු රැයක් පුරා මට සුර සැප දුන් කාන්තා සිරුරයි.
සිදුහතුන්ට සසර කළ කිරෙන්නට ඇත්තේ ද මෙවන් දසුනකින් විය හැකියැයි මගේ සිත මටම දෙස් දෙයි.

............................................................................................................
ගුඩුස්..ගුඩුස්..ම්ම්ම්.. ඩොකා කියල තිබෙන ලෙසට දිනකට පානය කළ යුතු වතුර විදුරු අටෙන්, ලිටරේ වතුර බෝතලයක් කඩාගෙන මිලි750ක් පමණ එක හුස්මට බීගෙන බීගෙන ගියෙමි. 
ජපානයේ ප්‍රකට ව්‍යාපාරික මිතුරන් දෙදෙනකු ද සමග මා ලංකාවට ගොඩ බැස්සේ ඊයේ දිනයි. අපේ ගමනේ අරමුණ වූයේ ලංකාව තුළ ව්‍යාපාරික ව්‍යපෘතියක් ආරම්භ කිරීමයි. අපේ චාරිකාවේ ඉව වැටුණු ඇමතිතුමා ගයනසිරි මගේ පසුපස එවා ඇති හැටි මට ම පුදුමය.
............................................................................................................
Hello Mr. minister pls....I'm Plipana hear....
හලෝ ..හලෝ.. මිස්ටර් පලිපාන කොහොමද ඉතින්. කෝ ජපන්නු දෙන්න උන් දෙන්න තාම කාමරවල ආතල් ගන්නව ද..? 
කොහොමද ඔබ තුමාට ම කියල එවපු කෑල්ල ...? හික්..හික්..එල නේද...? ඕව ඇවිල්ල ඔබ තුමාල වගේ විශේෂ අයට වෙන් කරල අපි යටතේම තියා ගෙන ඉන්න එව්වා. කොටින්ම කිව්වොත් ජනප්‍රිය නිළියෝ හෙක්..හේ.හෙක්...
ආ...ඔව් ඇමති තුමා ජප්පෝ දෙන්නගෙ කාමරවලට දාල හිටපු ටෙලි නිලි කෑලිත් එක්ක උන්ට ඉන්න කියල මගේ කාමරය ට ආව. එතකොටනේ දැක්කෙ ලංකාවෙ මම බයිස්කෝප්වලට සම්බන්ධ වෙලා ඉන්න කාලේ දන්න අදුනන නිළි අක්ක කෙනෙක් මගේ ඇඳ උඩ බව.
ආනේ...මි..මි..මිස්ටර් පලිපාන සමාවෙන්න මම හිතුවෙ මිස්ටර් පලිපාන එයාව දන්නේ නැතුව ඇති කියලයි. මිස්ටර් පලිපානට එයා වයස වැඩියි වගේද?
පිස්සුද ඇමති තුමා මට වයසත් ප්‍රශ්නයක් ද හෙහ්..හෙහ්...හෙහ්..හේ....මම බ්‍රැන්ඩි වඩි හතරක් පහක් තොල ගගා ඉද්දි එයා දත්,තොල කට හොදට මැද ගත්තා.
මිස්ටර් පලිපාන දවස් හතක් ඉන්නවනෙ,අපේ ප්‍රොජෙක්ට් ගැන කතා කරන ගමන් ඉදුල් කරන්නම කෑලි ටිකක් මම අදම ලේස්ති කොරනව.
............................................................................................................
ආ ගයන සිරි කොහොම ද ඉතින්... මොකද ඇමති තුමා කියන්නේ....
මාධ්‍ය සාකච්ඡාව හොඳට කලඑළියට කරන්නයි කියල තමා මට උපදෙස් දුන්නේ.. ඉතින් මාත් සල්ලි සල්ලි කියල බැලුවේ නෑ සහ සුද්දෙන්ම වැඩේ ලේස්ති කළා. 
ෂා..මාධ්‍ය සාකච්චාව ටොපට ගියා,අද හවස ඉදල හෙට එළිවෙනකන් තිර/පිටු පුරෝල තියෙනව දැක්කම ජපන්නු පුදුම සතුටක් ලබයි නේද? සර්.....
උන්ට ෆොටෝ සාප්පු උණක් නැහැ ගයනසිරි. උන්ට ඕන වැඩ. ඇමති තුමා ගේ කමිෂන් කේස් එක හින්ද උන් වැඩේ අතාරීද කියලයි මට සැක.
ඇමති තුමා බලන්නේ කමිෂන් එක දිහා විතරයි. වැඩේ ගැන හිතන පාටක් නෑ. කමිෂන් එක නියමෙට එනවනං වැඩේ අනුමතයි කියල හිතාගන්නකෝ සර්. 
ඔයාල හදන් ආව ප්‍රොජෙක්ට් රිපෝට් එක ටිකක් එහෙ මෙහෙ කළාට කමක් නෑ කියල ඇමති තුමා කිව්වා.
පට්ට..කොමිස් නම් බඩු ෂුවර් සර්. එට උදේ දායට ලොක්ක හම්බුනාම බලමුකෝ....
............................................................................................................
සර්..හිහ්..හිහ්..මේ මිස්ටර් පලිපාන.
මම නොදන්නවය මේ අපේ ලොකු හාමුදුරුවන්ගේ මල්ලිගෙ පුතානේ හි..හි..හි..
ඇමති තුමා එහෙනං මා ගැන විස්තරත් හොයාගන ....
එහෙම නැතුව කොහොමද මිස්ටර් පලිපාන අපි දේශපාලනේ කොරන්නේ. මං කිව්ව විදියට වැඩේ වෙනවනේ...කවුද මේක හැදුවේ ජප්පො දෙන්නද?
හදාගන ආවෙනං ඒ දෙන්නා තමයි. ඒත් මේ ගයන සිරි කිව්ව විදියට පොඩ්ඩක් වෙනස් කරන්න වුණා ඇමති තුමා.
අන්න එහෙමනේ ඉන්න ඕන...
එහෙනං ගන්න බලන්න දැන් ඔබලාගෙ රිපෝට් එක.
පිළින්වයි/කියවයි.
......................................................................
1.මුහුදු ජලය බිමට හැකි ජලය බවට පත් කොට සියලු ජනතාවට නොමිලේ සැපයීම.

2.පොල්,කුරුම්බා සහ තැබිලි වතුර සාමාන්‍ය ජනතාවගෙන් මිලට ගෙන රට තුළම සේලයින් නිෂ්පාදනාගාර 3ක් ඉදිකොට රජයට ඉස්පිරිතාලවලට නොමිලේ සැපයීමටත්, අතිරික්තයක් ඇතොත් පුද්ගලික අංශයට අලවි කිරීමත්. (අතිරික්තය ටිකක් වැඩිවෙන්න ඉඩ ඇත)

3ශ්‍රී ලංකාව වෙනුවෙන් අප කරන මෙම සේවය වෙනුවෙන් දිනපතා දිවයින තුළ එකතු වන කුණු කසල සියල්ල අප වෙත ලබා දෙන්න. (ප්‍රවාහන සැපයුම් ලබා දෙන්නෙමු)

4 මේ කුණු කසල රට තුළ එක් දිනක් වත් නොරදවා, අප විසින් රැගෙන ගොස් අරාබිකරයේ කාන්තාරවල අඩි 16ක් පොළොව යට කුණු කසල ගිල්වනු ඇත. 

2020 දී "කාන්තාරය හරිත වනාන්තර"ය කිරීමේ පළමු උත්සාහයට ඔබ රජයේ පුර්ණ සහයෝගය ලැබෙනු ඇතැයි අපේක්ෂා කරන්නෙමු.
............................................................................................................
හොද වැඩ පිළිවෙලක් නේද ගයනසිරි?
යැස් සර්.
අහා එතකොට අපට මේකට හම්බවෙන කොමිස් එක කීයද සිරි.ඊඊඊ .....

කෙන්ජි@ ජැපෑන්

සේයාරුව මෙතැනින් ගන්නා ලදී