සීසේරියන් මුවාවෙන් හොරෙන් වඳ සැත්කම් කරලා

අදහාගත නොහැකි මේ පුවත ඊයේ දින අසන්නට ලැබුණ එකක්. බලන්න කියවලාම මේ ගැන අදහස.

අන්තර්ජාලයෙනි

සිසේරියන් සැත්කමට ලක්කරන අතරතුර ගැබිනි මව්වරුන්ගේ කිසිදු අනුමැතියකින් තොරව ඔවුනට වඳ සැත්කම් (LRT) කිරීමට නිර්දේශ කළ බව කියන සිද්ධියක් සම්බන්ධයෙන් පේරාදෙණිය ශික්ෂණ රෝහලේ වෛද්‍යවරියක් සහ ඇයගේ සහායක ලෙස කටයුතු කළ වෛද්‍යවරයකු සම්බන්ධයෙන් සෞඛ්‍ය අමාත්‍යාංශය පරීක්ෂණයක් ආරම්භ කර ඇත.

අදාළ වෛද්‍යවරිය පේරාදෙණිය ශික්ෂණ රෝහලේ සුතිකාගාරයේදී ප්‍රසූතිවේදනාවෙන් පසු වූ මවකට පහරදීමේ සිද්ධියක් සම්බන්ධයෙන් සිදු කළ කරුණු විමසීමකදී මේ වෛද්‍යවරිය වඳ සැත්කම් සඳහා මව්වරුන් යොමු කිරීමේ කුමන්ත්‍රණයේ සුලමුල හෙළි වී ඇත.

මේ වෛද්‍යවරිය පේරාදෙණිය රෝහලේ සේවයට පැමිණ මාස හයක් පමණ ගත වී තිබෙන අතර එම කාලය තුළ ඇය ගැබිනි මව්වරුන් දස දෙනෙකු පමණ ඔවුන්ගේ කැමැත්ත නොවිමසා වඳ සැත්කම්වලට නිර්දේශ කර තිබෙන බව මේ වන විට හෙළිදරව් වී තිබේ.

මව්වරු මෙසේ වඳ‍ සැත්කම් වලට යොමු කිරීම සම්බන්ධයෙන් අදාළ වෛද්‍යවරුන්ට විරෝධය දක්වා ජාතික හෙළ උරුමයේ නියෝජිත පිරිසක් රෝහල ඉදිරිපිට ඊයේ (5දා) උද්ඝෝෂණයක නිරත වූහ.

මේ පිළිබඳ පේරාදෙණිය ශික්ෂණ රෝහලේ අධ්‍යක්ෂ වෛද්‍ය සී. ගුණතිලක මහත්මියගෙන් විමසීමක් කළ අවස්ථාවේ ඇය පවසා සිටියේ අදාළ සිද්ධිය සම්බන්ධයෙන් සෞඛ්‍ය අමාත්‍යාංශයෙන් පරීක්ෂණයක් සිදු කරන බවයි. 

සමන්තී වීරසේකර

මෙහි අලුත්ම තත්ත්වය මෙතැනින් කියවන්න