පුංචි අලි බබෙක් බේරගන්න කළ මෙහෙයුමක්

සාමාන්‍යෙයන් අලි කතා මට නිතරම වගේ එවන්නේ අපේ චන්දන. චන්දන වගේම මමත් අලින්ට කැමතියි. ඉතින් අදත් ඔබට ගේනෙන්නේ පුංචි අලි කතාවක්.

අලි අල්ලන එක ලෙසි කටයුත්තක් නොවේ නමුත් අලි කිව්වට දඟකාර අලි පැටියෙකු අල්ල ගන්න එක ටිකක් දඟකාර වැඩක්. පසුගියදා අම්පාර එක්ගල් ඔය ප්‍රදේශයේ වගා ළිදකට අලි පැටියෙකු වැටිලා හිටියා. මේ අලිපැටියා පොඩි වුණාට ළඟපාතකට කාටවත් කිට්ටු වෙන්න බැරි වුණා දඟකාර කම වැඩි හින්දම .

මේ අලියා ළිදෙන් ගොඩ ගත්තට එයාට යන්න දෙන්න වන ජිවි නිළධාරින් අකමැති වුණා. ඒ අලි පැටියගේ ඇඟේ තුවාල කිපයක් තියෙන හින්දයි. පශු වෛද්‍යවරයා ට අලි පැටියව අල්ල ගන්න කාර්යය ලේසි වුණේ නෑ. නිළධාරින් හැමොම විනාඩි කිපයක් ඇතුළත යුද්ධයකට සුදානම් වුණා.

මේ අලි පැටියා හැමෝවම පන්නන්න පටන් ගත්තා. මේ සේල්ලම් වැඩේ නතර වුණේ නිළධාරින් හැමෝම එකවිටම අලි පැටියගේ ඇගට පැන අහුවුණු තැනින් අල්ල ගත්තට පස්සේ යි. මේ චණ්ඩියා අල්ලලා වාහනේ තියෙන ආරක්ෂිත අලි පෙට්ටියට දාන්න එයාව උස්සන්නත් අපේ නිළධාරින් හට සිදු වුවා.

පැටියා වතුරට වැටුණට පස්සේ අලි අම්මා යන්න ගිහින් පෙන මානයක එයා හිටියේ නෑ එක අලි ප්‍රශ්නයක් වුණා.

සේයා රූ හා සටහන චන්දන ලියනාරච්චි