සද්ධන්තයෙකු ගැන දුක් මුසු පුවතක්

පසුගිය ටිකේම මේ අඩවියෙන් අලි ගැන තොරතුරු ගෙන ආවෙමි. අද ද ගෙන එන්නේ අලි පුවතකි. එහෙත් මේ සතුටු දායක පුවතක් නොවේ. සැහැසි මිනිස් ක්‍රියාකාරකමක් හේතුවෙන් මිය ගිය සද්ධන්තයෙකු ගැන කතාවකි.

අම්පාර උහන ප්‍රදේශිය ලේකම් කොට්ඨාශයේ දෙමටමල් පැලැස්ස ගම්මාණයට වගා හානි කිරිම සදහා පැමිණි වන අලියෙකු විදුලි සැර වැදි මියගොස් ඇත .වයස අවුරුදු තිස්පහක් පමණ වන මෙම අලියා අද17 උදැසන පහයි තිහට පමණ මෙසේ විදුලි සැර වැදිම නිසා මිය ගොස් සිටයේ අම්පාර උහන ගුවන් හමුදා කදවුර ආසන්නයේ ඇති කුඹුරු යායක් ආසන්නයේ දිය. යම් අයෙකු විසින් අලින් එන යන මාර්ගය හරස් කර අදිනු ලැබු විදුලි කම්බියක් එම ස්ථානයේ තිබි සොයා ගන්නා ලදි.

මියගොස් සිටි අලියා පිළිබද පරික්ෂණ කටයුතු කිරිමේදි වන ජිවි නිළධාරින් හා ගම්වාසින් එක්ව මහත් වෙහෙසක් දරා අලියා අනෙක් අතට පෙරලා දමන ලද අතර එහිදි විදුලිය වැදිම නිසා ඇති වු පිළිස්සුම් කැලැල්ද දක්නට ලැබිණ.

අලිය පරික්ෂා කිරිම සදහා ගම්වාසින්ගේ උදව්වෙන් පෙරළ දමන අයුරු

අම්පාර වන ජිවි කාර්යාලයේ පශුවෛද්‍ය නිළධාරි ඩි.බි.එම්.පුෂ්ප කුමාර මහතා ඒ.එම්.ධර්මදාසකේ.එල්.ඩි.පියරත්න කිත්සිරිමෙවන් ඇතුළු නිළධාරින් පිරිසක් පරික්ෂණ කටයුතු සදහා පැමිණ සිටිහ.

ජායාරූප හා සටහන 

දිගාමඩුල්ලේ චන්දන ලියනආරච්ච්

එම ස්ථානයේ තවත් සේයා රූ කිපයක් පහළ