තුල්යාමිට කැමරාවක් අහුවෙලා

බොහොම දවසකින් මගේම ලිපියක් සමකයට එක් කළේ නෑ. ඒකට හේතු ගොඩක් ම තිබුණා. 
නත්තලට කලින් සුමානයක් විතර විවේක නිවාඩුවක් එක්ක පොඩි විදෙස් සංචාරයක් ලැබුණා. 
ඒ ආ ගමන් කට්ටියම නිවාඩු අස්සේ අපි දෙතුන් දෙනකුට කාර්යාලයේ සම්පූර්ණ වැඩ ටික ඇදන් යන්න වුණා. ඉතින් ලියන්න ඇත්තටම වෙලාවක් නැති වුණා. ඉතිරි සේයාරූ පහළ

අද ගෙදර නිසා උදේම චාරිකා සටහනක් ලියන්න හිතුවත් ළිහිණි ගේ පෝස්ටුව කියෙව්වට පස්සේ ඒ ගැන යමක් එතැන කොටන්න ගත්තා.
ඒත් එක්කම සරාගේ පෝස්ටුවටත් ගොඩවැදිලා එනකොට මාරයා ගොරක කනවා. 
කොහොම හරි යාලු ලගේ පෝස්ට් කියෙව්ව කමෙන්ට් කළා මිසක් මට ලිපිය ලිවිල්ල කල් දාන්න වුණා. ඒ මොකද කියනව නම් සෙනසුරාදා මට තවත් ඩියුටියක් තියනවනේ මාරුවෙන් මාරුවට දෝණිලව පන්ති ගෙනියන එකයි ගේන එකයි.
ඔන්න මේ වෙලාවෙ ආයිමත් වැඩේට සෙට් වෙනකොට දුව උස්සන් එනවා එයාලගේ ට්‍රිප් එකේ පිංතූර හදල දෙන්න කියල. මට කලින් කියන්න අමතක වුණා මං දවස් හතරක් විදෙස් ගත වෙන වෙලාවේ අපේ අම්මයි නංගියි මහත්තයයි නංගිගේ දරුවෝ දෙන්නයි අපේ ගෙදර තුන් දෙනයි කතරගම නුවරඑළිය පැත්තේ යන්න ට්‍රිපක් සෙට් කරලයි ගියේ. මේ ගෙනාවේ ඒ සංචාරේ පිංතූර. ඔන්න ඒ පිංතුර අතරේ මගේ  ඩිජිටල් බට්ටා ගෙන් ලොකු දුව ගත් පිංතුර කීපයකට මගේ හිත ඇදිලා ගියා. ඉතින් මං ඒ පිංතූර ටික මෙතැන දානවා එයාගේ අනු දැනුම ඇතිව. මේ පිංතූරවල මං කිසිම වෙනස් කමක් කළේ නෑ ඒත් පොටෝ සාප්පුවෙන් වර්ණ හා ප්‍රමාණය වෙනස් කළා පමණයි. අනෙක් සියලුම දේ අයිති ලොක්කිට තමා. ඉතින් මේ ගැන හිත මිතුරු ඔබ දක්වන අදහස් ඇයට උපදෙසක් සේ පළකරන්න. මා උපදෙස් දෙනවාට වඩා ඇය පිටින් කියන දේ හිතට ගන්නවා. ගුණ දොස් පහදා දෙන්න. ඔන්න ඉතින් අදටත් මගේ පෝස්ටුව කල් තැබුවා.

ලවර්ස් ස්ලිප් ඇල්ල

මෙය කළු සුදු සේයාරුවක් නොවේ

අපේ පොඩ්ඩියි නංගිගේ දුවයි පුතයි අපේ අම්මයි

රාවණා ඇල්ල

මෙයා තමා කැමරාකාරි