18++ කෙල්ලෙක් වෙන්දේසියේ!

 කැතරිනාගේ කන්‍යාභාවය බ්‍රසීලයටත් වඩා වටී ද?

අද ටිකක් අමුතු පෝස්ට් එකක් දාන්න හිතුණා වෙනසකටත් එක්ක.

මේ කතාව කියවා හමාර වන විට; ගැහැනිය යනු කෙබඳු තැනැත්තියක ද’යි යුක්තිසහගත විනිශ්චයකට එළැඹිය හැකි නම්; එය හොඳට ම ප්‍රමාණවත් ය. එසේ නො වී; ජීවිතය පිළිබඳ අලුත් ජවයක් හෝ තවත් ප්‍රශ්නාර්ථයක් හෝ ඉතිරි වේ නම්; එය ද සැලැකිය යුතු තත්ත්වයකි. කුමක් වුව මනුෂ්‍යත්වය හා ජීවිතය වටහාගත හැකි එක් විලාසයක් වන්නේ මිනිස් සංහතියේ උල්පත හෙවත් ප්‍රජනන යන්ත්‍රය වූ ස්ත්‍රිය නිරීක්ෂණය කිරීම ය. වෙනත් අර්ථයකින් කිවහොත් ඇය වටහා ගැනීම ය.

මේ ක්‍රියාවලිය ස්ත්‍රී ශරීරයෙන් ම ආරම්භ කළ හැකි ය. නිදහස හා වීතරාගී මනසකින් යුතු ව ඇගේ නිල් දෑස දෙස බලන්න ! එහි දීර්ඝ වෘත්තාන්තයක් ලියැ වී තිබේ. ඇගේ පිවිතුරු ළැම දෙස බලන්න! එය ආදරයේ පරමාදර්ශය වන්නේ ය. ස්ත්‍රියගේ පුළුලුකුල ලෝකය රඳා පවත්නා තෝතැන්න වන්නේ් ය. එය මනාව ඔපමට්ටම් කළ අගනා ක්‍රිකට් පිට්ටනියක් බඳු ය. ඇගේ පිරුණු දඟ යුග ලොව ඇති සුන්දර ම වස්තුව වන්නේ ය. දෑස් අවදි කරන ආකර්ෂණය වන්නේ ය. ඇගේ සිහින් දිගටි – පරිපූර්ණ අතැඟිලි ස්නිග්ධ ස්පර්ශයේ සංකේතය වන්නේ් ය. සකලවිධ ග්‍රහවස්තු හා ලෝක වස්තු අතර පවත්නා අරුමැසි සජීවී මැවිල්ල ගැහැනිය නො වේ ද?

මල ජීවයේ උල්පත යි.

බඹරා ආදරයේ දූතයා යි.

ඔව්හු ආස්වාදයෙන් රඟති.

මිනිසුනි, මල හා බඹරා සේ

සතුටින් වසන්න !

-ඛලීල් ජිබ්රාන් (ලෙබනනය)

සියලු ගැහැනු ම මල් මෙන් සුන්දර වෙති. එහෙත් එහි ම සියුම් වෙනස් ගතිකයක් ද පවතී. අප්‍රිකාවේ ගැහැනිය ඕනෑවට වඩා කළු ය. පමණට වඩා රළු ය. යුරෝපයේ ගැහැනිය ඕනෑවට වඩා සුදු ය. පමණට වඩා විශාල ය. චීන – ජපන් – වියට්නාම් – මැලේසියා - පිලිපීන්–නේපාල ගැහැනු කහ පැහැති ය. මිටි ය. දෑත්-දෙපා කෙටි ය. ලතින් අමෙරිකානු ගැහැනු හැමවිට ම කලවම් ය. මේ සියල්ලට වඩා අපූරු කාන්තා නියැදියක් බ්‍රසීලයේ පවතී. ඉන්දියන් - පෘතුගීසි - ජර්මන් - ඉතාලි - ප්‍රංශ කවලමක් හෙවත් සම්මිශ්‍රණයක් ඔවුන් ළඟ තිබේ. එම සංගතය සාකල්‍යයෙන් ම අතිරමණීය වේ

 “ඇතැම් විට වර්ග වෙනස් කිරීමට කතා කරතත්; එකට එකතු වන; එකට ආහාර බුදින; එකට නටන; අවසානයේ ආවාහ – විවාහ වන සුදු – දුඹුරු - තලෙළු - කළු සුන්දර මිනිස්සු හා ගැහැනු බ්‍රසීලයේ වසති. බ්‍රසීලය යනු තවත් පුදුමාකාර ලෝකයකි.”

-බ්‍රසීලියානු ලේඛක ජෝ අමාදෝ

මම ඔබට අවධාරණයෙන් කියමි. බ්‍රසීලයේ හෝ ඉරානයේ හෝ තරම් සුන්දර ගැහැනුන් ලොව කිසිදු ඉසව්වක නැත. එහෙත් ඉරානයේ ගැහැනිය නම්‍යශීලී නැත. ඇය පමණට වඩා ශාන්තය. ලැජ්ජාශීලී ය. ඔබ නියම පෞරුෂයක් ඇති පිරිමියකු නම්; බ්‍රසීලයට යන්න ! ඔබ සොයන නම්‍යශීලී පරිපූර්ණ සුන්දර ගැහැනිය එහි දී මුණ ගැසෙනු ඇත. බ්‍රසීල ගැහැනියට ජෛව විවිධත්වයේ ආශිර්වාදය තිබේ. ලොව විවිධ ජානවල ලේ ඥාතිත්වය ද තිබේ. ඔව්හු දෙවියන් වහන්සේගේ පුදුමාකාර මැවිල්ලේ ප්‍රධාන අංගය වන්නා හ.

තවත් ලෝකයක් බඳු වූ බ්‍රසීලයේ අතිසුන්දර නො ඉඳුල් නව යෞවනියකගේ අසිරිමත් කතාව මෙතැන් සිට දිග හැරේ. ඇගේ පිරුණු - සුසිනිදු දෙකොපුල්වල ඇත්තේ මේ දැන් පිපුණු මලක නැවුම් බව ය. ඇගේ කොණ්ඩා මෝස්තරය හැඟුම්බර ය. දඟකාර ය. ආදරයෙන් පිරුණු සෞම්‍ය උස් දෙපා තවුසකුගේ දැහැන් බිඳීමට වුව සමත් ය. ගමන් ලතාව, කටහඬ සියලු දෙනා වශීකරන මන්ත්‍රණයක් සේ පවතී. අනෙක් අතට ඈ කොපමණ නො ඉඳුල් ද, කොපමණ සුපිරිසුදු ද කිවහොත් මැස්සකුවත් අයුතු සිතින් ඇගේ සම මතු පිට වසා නැත.

මේ අති සුන්දර කන්‍යාවිය කවු ද?

ඇගේ නම කැත්රීනා මිග්ලොරීන් ය. නියම උච්ඡාරණය අපට හසුවන්නේ නැත. උච්ඡාරණය කුමකට ද? කැත්රිනා ගේ වයස යාන්තම් අවුරුදු විස්සකි. ඈ තවම පාසල් ශිෂ්‍යාවකි. භෞතික විද්‍යාව හා ස්වස්ථතාව හදාරන්නී ය. ඈ මුළු බ්‍රසීලය ම මවිතයට පත් කරමින් අරුම – පුදුම ගනුදෙනුවක් සඳහා ලෝකයේ සියලූම පිරිමිනට ආරාධනා කළා ය. එන්න! මගේ කන්‍යාභාවය ඉහළ ම ලන්සුවට දෙමි යන්න එම ආරාධනාව ය. මේ අසිරිමත් පණිවිඩය ලැව් ගින්නක් සේ ලෝකය පුරා පැතිර ගියේ ය.
අප දන්නා පරිදි ලොව ප්‍රමුඛ ධනවතුන් දස දෙනාගේ නාම ලේඛනයක් අන්තර්ජාලයෙහි සටහන් වී තිබේ. එනම්; මෙක්සිකෝවේ කාලෝස්, ඇමෙරිකාවේ බිල් ගේට්ස්, ඇමෙරිකාවේ වොරන්, ප්‍රංශයේ බර්නාඩ්, ස්පාඤ්ඤයේ ඇමැන්සියෝ, ඇමෙරිකාවේ ලැරී, බ්‍රසීලයේ බැටිස්ටා, ස්වීඩනයේ ස්ටෙෆාන්, හොංකොං දේශයේ ලීකාෂිං හා ජර්මනියේ කාල් ඇල්බෙවට් එම දස දෙනා ය. ඔව්හු සියලු දෙනා මහල්ලෝ වෙති. මේ මහල්ලන්ගෙන් කෙනකු කැත්රිනා දෙස බැලූවේ නැත. මෙය අශ්ලීල ගනුදෙනුවක් යැයි ඔවුන් සිතන්නට ඇත. ඇරත් එය ස්වකීය කීර්තිනාමය කෙලෙසා ගැනීමක් විය හැකි යැයි ද සිතන්නට ඇත.

කෙසේ වුව මිලියනපතියෝ දොළොස් දෙනෙක් ඊළඟට පහළොස් දෙනෙක් ද සල්පිල පසෙක සිට ලන්සු තබන්නටත්; තරග වදින්නටත් පටන් ගත්හ. ඩොලර් දහස් ගණනින් කැත්රිනාගේ කන්‍යාභාවයේ මිල ඉහළ යද්දී ගැනුම්කරුවන් එකිනෙකා හැලී යන්නට පටන් ගති. එහෙත් වෙන්දේසි පොළෙහි උග්‍ර තරගයට මුහුණ දුන් ගැනුම්කරුවෝ සිව්දෙනෙක් එකිනෙකා පරයා යන්නට වෑයම් කළ හ. ඇමෙරිකාවේ ජැක් මිලර් ඇමෙරිකන් ඩොලර් 40,000 ක ලන්සුවක් තැබී ය. ඇමෙරිකාවේ ජැක් රයිට් එම ලන්සුව ඉහළ දැමී ය. ජැක් රයිට්ගේ ලන්සුව ඉන්දියාවේ රුද්‍රා චැටර්ජි බිඳ දැමී ය. එහෙත් ඔහු වාසනාවන්තයා හෝ ජයග්‍රාහකයා හෝ නො වී ය. ජවසම්පන්න ජපනෙක් වෙළෙඳ පොළට පැමිණ ඇ.ඩො. 1,50,000/-; 6,00000/- ලෙස ලන්සුව ඉහළින් තැබී ය. අවසානයේ ඇ.ඩො. 7,80,000 කට කැත්රිනාගේ කන්‍යාභාවය පිළිබඳ ලන්සුව තුන්ඈවර විය. එහෙත් මේ ගනුදෙනුව ගණිකාවක් ඇසුරු කිරීම බඳු සෙල්ලමක් නො වේ.

කැත්රීනා හා ඇගේ කණ්ඩායම විසින් කොන්දේසි මාලාවක් පනවන ලදී.

  (1)  කැත්රීනාගේ කන්‍යාභාවය හා ශාරීරික යෝග්‍යතාව පිළිබඳ වෛද්‍ය සහතිකයක් ඉදිරිපත් කරනු ලැබේ.
 (2)  ගනුදෙනුකරුවාද වෛද්‍ය සහතිකයක් ඉදිරිපත් කළ යුතු ය.
 (3)  දෙදෙනා මුණ ගැසීම ගුවන් යානාවක් තුළ සිදුවිය යුතු ය. ලිංගික හැසිරීම් කිසිවක් රූපගත කිරීම තහනම් ය.
 (4)  ගනුදෙනුකරුවා කොණ්ඩමයක් භාවිත කළ යුතු ය.

(1)  අනවශ්‍ය සිපගැනීම් හා වේදනාකාරී හා සැහැසි ලිංගික හැසිරීම් තහනම් ය.
 (2)  ලිංගික එක්වීම වරක් පමණි. මුළු කාලය පැයකට සීමා වේ.
 (3)  අනවශ්‍ය තොරතුරු විමසීම් හෝ පසුව සබඳතා පැවැත්වීම තහනම් ය. පැයකින් සියලු ගනුදෙනු අවසන් විය යුතු ය.

මේ සියලු කොන්දේසිවලට යටත් ව සිය ආස්වාදනීය හා වාසනාවන්ත වාරය තෝරාගත් පුද්ගලයා වූයේ ජපානයේ කෝටිපතියකු වූ නට්සු ය. එහෙත් ඔහුගේ සැබෑ නම රහසකි. එය ද කැත්රීනා විසින් පනවන ලද නියමයකි. මේ වනවිට ගනුදෙනු සියල්ල අවසන් ය. කටයුතු ද අවසන් යැයි සිතා ගන්නට පුළුවන. කැත්රීනා වැඩිවියට පත් වූයේ කවදාදැ’යි අප දන්නේ නැත. බ්‍රසීලියානු නූතන සමාජය එය සලකන්නේ ද නැත. කුමක් වුව ඈ දැන් ඇ.ඩො. 7,80,000 ක වත්කමක් ඇති ධනවතියකි. ඒ හැරෙන්නට ඇය ගැහැනියක වී සිටින්නට පුළුවන. ජපන් ජාතික නට්සුගේ පැත්තෙන් බලන කල ඔහු ලොව ඇති පරම ආස්වාදය ලබා ගන්නට ඇත. එසේ නැතහොත් වැඩ වරද්දාගෙන පරාජිතයකු සේ සුසුම් හෙළනවා වන්නට ද පුළුවන.

කෙසේ වුව කැත්රීනා යනු තම ආත්ම ගෞරවය හා ශිෂ්ටත්වය සද්කාර්යයක් සඳහා කැප කළ ආදර්ශවත් තරුණියකි. තමා උපන් පළාතේ අන්ත – දුප්පත් පවුල් රැසකට නිවාස ව්‍යාපෘතියක් ඉදිකිරීම සඳහා මුදල් උපයා ගැනීම ඇගේ ඉලක්කය විය. ඒ සඳහා වකුගඩුවක් අලෙවි කළේ නම් මෙපමණ මුදලක් උපයා ගත නො හැකි වනු ඇත. ලොව වැඩ වසන දානපතියන්ගේ ස්වාභාවය ද කැත්රිනා විසින් හෙළිදරව් කර තිබේ. පුරුෂයන් කන්‍යාභාවයට හෙවත් කුමරි බඹසරට මෙතරම් ඇලුම් කරන්නේ මන් ද?

 “ශාස්ත්‍රයෙහි වර්ණනා කරන හෙයින් අර්ථ – ධර්ම – කාම යන විෂයයන් තුන ම වැඳ නමස්කාර කොට පිළිගත යුතු ය.”

-වාත්ස්‍යායන 7 (කාම සූත්‍ර)

කාම සූත්‍රය නම් අගනා ශාස්ත්‍රීය කෘතියට අනුව අනුරාගය යනු ලොව ඇති පරමාස්වාදය යි. එය වින්දනය කිරීම සඳහා ස්ත්‍රිය සිව්සැට කලාවන් උගත යුතු ය. පිරිමියා කාම කලාව හැදෑරිය යුතු ය. පරමාස්වාදය සඳහා සුදුසු ම ස්ත්‍රිය නොඉඳුල් කන්‍යාවිය යි. එහෙත් ඈ කලාවන් උගත යුතු ය. ස්ත්‍රියගේ උපරිම වින්දනය සඳහා නිය ලකුණු හා දත් ලකුණු පිරිමියා විසින් තැබිය යුතු යැයි වාත්ස්‍යායන කිය යි. එහෙත් කැත්රිනාගෙන් ඊට ඉඩක් ලැබී නැත. එය නිට්ටාවට ම දන්නේ නට්සු ය. ඔහු මේ කතාව ප්‍රසිද්ධ නො කළත් කිසිවකුට හෝ කියනු ඇත.

කැත්රිනාගේ ගනුදෙනුව පසුපස සිටි දැවැන්ත පුද්ගලයා ඕස්ට්‍රේලියානු චිත්‍රපට අධ්‍යක්ෂ ජස්ටින් සිසේලි ය. ඔහු කන්‍යාවියක පිළිබඳ වාර්තාමය චිත්‍රපටයක් නිර්මාණය කරමින් සිටින අතර කැත්රිනා මුණ ගැසී ඇත. දැන් එම චිත්‍රපටයේ සැලැසුම මුළුමනින් ම වෙනස් වී තිබේ. චිත්‍රපටය වෙනුවට කන්‍යාභාවය අලෙවි කිරීමත් හා නිවාස ව්‍යාපෘතියක් ඉදිකිරීමත් පෙරට පැමිණ තිබේ. කැත්රිනාගේ ගනුදෙනුවත් සමඟ එය අනුකරණය කරමින් පිරිමි බඹසර අලෙවියක් ද සිදුවී ඇත. ඇලෙක්සැන්ඩර් ස්ටෙපානෝ නම් තරුණයා බ්‍රසීලයේ නෙනේ නම් කාන්තාව සඳහා සිය කුමර බඹසර අලෙවි කොට ඇත්තේ ඇ.ඩො. 3000 කට ය.

බ්‍රසීලය යනු තවත් ලෝකයකැ’යි අප විසින් මුලින් කියන ලදි. එය සැබෑවකි. එහි ජෛව විවිධත්වය, අමේසන් ගංඟාව, ඉගුවාසු දිය ඇල්ල, රියෝ ද ජැනෙයිරෝ නගරය, ඉනායිපෝ වේල්ල ලෝකය මවිතයට පත් කරවන සුන්දර සාධකය. මේ හැරෙන්නට බ්‍රසීලියා නම් අගනුවර හෝටලයක සිට පිටත බලන්නකුට නිරන්තරයෙන් ඇස ගැටෙනුයේ පා-පන්දුව සමඟ දුවන–පනින ගැටවුන් ය. බ්‍රසීලය යනු පා-පන්දුවේ කෙළිමඩල ය. ලෝක පූජිත පේලේ ද බ්‍රසීල ජාතිකයෙකි. ඔහු තරම් පා පන්දු ශූරයකු තව ම පහළ වී නැත. එහෙත් බ්‍රසීලය යනු අසාර්ථක රාජ්‍යයෙකි. එහි පවත්නා දුප්පත්කම, දූෂිත දේශපාලනය, මත්ද්‍රව්‍ය වෙළෙඳාම අප ජුගුස්සාවට ලක්කරන සංසිද්ධීන් ය. මේ මොහොතේ කැතරිනාගේ කථාන්දරය ද බ්‍රසීලයට තවත් යමක් එකතු කර ඇත.
 “මං ගණිකාවක් නො වේ. මේක නිකම් ම ගනුදෙනුවක් විතරයි! මගේ කන්‍යාභාවය වෙනුවට “ශාන්ත කැතරිනා” නිවාස ව්‍යාපෘතිය ඉදිවීම කොයිතරම් දෙයක් ද?”
කැතරිනා එසේ කියමින් සිය පුරුදු ජීවිතයට යළිදු එක්වන්නේ අධ්‍යාපන කටයුතු කෙරෙහි නැඹුරු වෙමින් ය. එක අතකින් බලන විට කැත්රිනා යනු පරමාදර්ශී චරිතයකි. ආසියාවේ ගැහැනිය කන්‍යාභාවය, පතිවත වැනි සංකල්ප හිස් මත තබාගෙන ජීවිතය දුකින් ගෙවද්දී යුරෝපීය හා ලතින් අමෙරිකානු ගැහැනිය කන්‍යාභාවය හෝ පතිවත හෝ තුට්ටුවකට සලකන්නේ නැත. යුරෝපීය යුවතියගේ කන්‍යාභාවය ඉබේ ම සිඳී යන අවස්ථා බහුල ය.
බ්‍රසීලයේ පා-පන්දු ශූරයෝ ලෝකයේ විවිධ රටවලට සිය සේවාව ලබා දෙමින් ඇ.ඩො. ලක්ෂ ගණන් උපයති. පේලේ අමෙරිකානු ක්‍රීඩා සමාජයක් සඳහා වසර දෙක හමාරක් ක්‍රීඩා කරමින් ඩොලර් අනූ ලක්ෂයක් උපයා ගත්තේ ය. එහෙත් ඔහු බ්‍රසීලයේ ගෙවල් හැදුවේ නැත. රාජ්‍ය නොවන සංවිධාන ඇති කළේ ද නැත. අදට ද බ්‍රසීල ක්‍රීඩකයෝ රැසක් වෙනත් රටවල ක්‍රීඩා සමාජවලට එක් වෙමින් යහමින් මුදල් උපයති. ඔවුන් උපයන මුදල් ඔවුන්ගේ ම සුඛවිහරණය සඳහා ය. කැතරිනා ඒ අතින් පාපන්දු ක්‍රීඩකයනට වඩා වැදගත් නො වේ ද?
කැත්රිනාගේ සිහිනය තව නොබෝ දිනකින් යථාර්ථයක් වනු ඇත. “ශාන්ත කැත්රිනා” නිවාස ව්‍යාපෘතිය ජනගත කරන දා මීට වැඩි ලෝක ප්‍රසිද්ධියක් ඇයට ලැබෙනු ඇත. ජපානයේ නට්සු මහතා ද ආඩම්බරයෙන් ජීවත් වනු ඇත. ජීවිතයේ ශ්‍රේෂ්ඨ අත්දැකීම යළි - යළි සිහි කරනු ඇත. එහෙත් අපගේ වැටහීමට අනුව කැතරිනා මිග්ලෝර්නියා ජයග්‍රාහිකාව නො වේ. නට්සු මහතා ජයග්‍රාහකයා ද නො වේ. මේ සිදුවීම් මාලාවේ උපරිම පල නෙළාගත් පුද්ගලයා ඕස්ට්‍රේලියානු චිත්‍රපට අධ්‍යක්ෂ ජස්ටින් සිසේලි මහතා ය. ඔහු සිය චිත්‍රපටය සඳහා ලෝක ප්‍රසිද්ධියක් ලබාගෙන තිබේ”
තොමස් විලියම්ස් නිෂ්පාදනයක් වන  “virgins wanted” චිත්‍රපටය තව නොබෝ කලකින් අලුත් ම “හොට් ඩෝග්ස්” සේ ලෝකය පුරා විකිණී යනු ඇත. අප සිහියට නැඟෙනුයේ බ්‍රසීලියානු නාට්‍යකරු ලීනෝ මාකෝස් ය. ඔහු වරක් කියා සිටියේ බ්‍රසීලය තරම් විහිළුවට ලක්වන තවත් රටක් නැති බව ය. එසේ නම්; කැත්රිනාත් විහිළුකාරියක් ද?



රන්ජන් අමරරත්න