රුපියල් 25000කින් පතායා හා බැංකොක් ගිහින් එන්න මෙන්න ක්‍රමය

පතායා හෝටලයේ පිවිසුම අසල 

සමකය වටේ මා ගිය ලිපි දැකපු බොහෝ දෙනෙක් මගෙන් අහනවා මේ ටුවර්වලට මාර වියදමක් යන්න ඇති නේද කියල. ඔව් සෑහෙන වියදමක් ගියා. ඒත් මගේ අද්දැකීම් එක්ක අඩුම වියදමකින්

 (රුපියල් 25000)තායිලන්තයේ බැංකොක් හා පතායා යන්නේ කොහොමද කියල අද මං මගේ මිතුරන්ට කියලදෙන්නම්.

පළමුවෙන්ම කියන්න ඕනෑ මෙහෙම ටුවර් එකක් ලාබෙට යනවනම් අවුරුද්දකට කලින්වත් සූදානම් වෙනන් ඕනෑ. මම මේ කියන්න යන්නේ රුපියල් 25000කින් විතර (රාත්‍රී 3යි )බැංකොක් හා පතායා ගිහින් එන්න විදිහක් ගැනයි.

මුලින්ම කළ යුත්තේ ලාබදායී ගුවන් සේවාවකින් ටිකට් පත වෙන්කර ගැනීමයි. air asia (එයා ඒෂියා) වැනි ගුවන්සේවාවකින් අද ටිකට් 

දහවලට නිදන ඇවිදින වීදිය

වෙන්කළොත් ලබන අවුරුද්දේ දිනයකට යාම් ඊම් සඳහා වැය වෙන්නේ රුපියල් 12000ක් විතර ගානක්. සමහරවිට ඊටත් අඩුයි. 

අන්තර්ජාලය හරහා ටිකට් වෙන්ක ගත හැකියි. ඔබ ගුවන්යානය තෝරා ගත යුත්තේ ශ්‍රී ලංකාවෙන් රාත්‍රී පිටත් වෙන එකක්.
ඉන් අනතුරුව කළ යුත්තේ ඒ දින සඳහා හෝටලයක් වෙන්කර ගැනීමයි. පළමු දින දෙක පතායා ගත කිරීමට සැලසුම් කරන්න.අන්තර් ජාලය 

රාත්‍රිය එළැඹෙමින්

හරහා පතායා හි තරු 3 වර්ගයේ හෝටලයක් වෙන් කරගන්නේ නම් වැයවන්නේ දිනකට ඩොලර් 22ක් වැනි මුදලකි(රුපියල් 2600ක් ).මේ දෙදෙනකු සඳහා උදේ ආහාරයද සහිතවය.එනිසා හැම විටම ගමන සඳහා දෙදෙනකු සිටීයි නම් මහත් වාසියකි.එවිට එක් අයෙකුට 

මෙහෙම දේවලුත් තියනවා

වැයවන්නේ රුපියල් 1300ක් වැනි මුදලකි. එම කාමරය දින දෙකකට වෙන්කර ගන්න. පතායා හි හෝටල් වලට ඇතුළත් කරගන්නේ දහවල් 12ටයි. රාත්‍රී ගුවන් ගමනේ යෙදුනේ නම් උදැසන බැංකොක් ස්වර්ණ භූමි ගුවන් තොටින් බැස පතායා දක්වා දිවෙන බස් රථයකින් එහි 


යා හැකිය. ගුවන් තොටුපළ පර්යන්තයේ දොරටුව අසලටම බස් පැමිණේ.ගමන් ගාස්තුව බාත් 200කි.රුපියල් 1000කට  ආසන්න 

ගනනකි.අධිවේගී මගේ පතාය යන්නට පැය 2කක පමණ කාලයක් ගතවේ.
එසේ කිරීමෙන් දහවල් 12ට ආසන්න වන විට හෝටලය ට ඔබට යා හැකිය. හෝටලයට ගිය විගස ඇගේ අමාරුව යන්නත් එක්ක පැය 

හොටලයේ කාමරයට යමින්

කීපයක් හොඳින් නිදාගන්න.(පතායා දහවලට නිදන නගරයකි). සවස 5 පසුවෙත්ම ඔබගේ වින්දනයට අවැසි සියල්ල නගරයේ ඇත.මුළූ රාත්‍රිය 

පුරා ඔබ පිනවන්නට දහසක් ‍දේ එහි ඇත. යමක් කරන්නට පෙර මිල ගනන් විමසා සිටීම ඔබට හිතකරය. නොමිලේ බැලීමට බොහෝ දේ 

ඇතුවා සේම මුදලට කළහැකි දේද බොහෝය. අත මිට ඇති පමණින් සැනසෙන්න.

පතායා හොටලයේ දී සැඳෑව

එදින රාත්‍රිය රිසිසේ විනොද වී අලුයම් යාමයේ හෝටලයට පැමිණ නිදාගන්න. පසු දින දහවල් 10 වනතුරු. හරියටම 10.15 වන විට උදේ 

කෑමට යන්න .එම කෑම වේල උපරිමයෙන් ගන්න.දහවල් 11ට උදේ කෑම දීම අවසන් වේ. මේ වෙලාවට ආහාර ගැනීමෙන් දිවා ආහාර වේල ෂේප් කරගත හැකිය. අනතුරුව පතායා හි ඇති සුන්දර ස්ථාන නරඹන්න යන්න. සවස්වන තුරුම ඔබට ඒ සඳහා කාලය ඇත.

(මගේ තායි සවාරි ලිපි පෙළ කියවන්න).

අවසානයේ පොඩි කඩයකින් යමක් කුසට දමාගෙන එදින රාත්‍රියද රිසිසේ විනෝද වන්න.
පසුදින දහවල් 12 දක්වා ඔබට හෝටලයේම සිටිය හැකි මුත් උදේ 8වනවිට පතායාවලින් පිටත් වී බැංකොක් බසයකින් බැංකොක්හි එක් 

බැංකොක්  හෝටලය ඉදිරිපිටදී

රාත්‍රියකට වෙන් කරගත් හෝටලයට එන්න.(මුලින් කියන්න අමතක වුණා හොටල වෙන්කරනවිට පතායාහි රාත්‍රී 2කකටත් බැංකොක්හි රාත්‍රියකටත් හොටල් වෙන්කරගන්න. එතැනට ගොස් හෝටල් වෙන්කරන්න යන්න එපා. අන්තර් ජාලයෙන්ම වෙන් කරවාගන යන්න.නැත්නම් අධික මිලක් ගෙවන්න සිදුවේ.බැංකොක්හි හෝටල් මිල ගනන්ද පෙර පරිදිමය. 
මේ තායිලන්තයේ වෙළෙද නගරයයි. ඔබට අවැසි දේ මිල දී ගන්නට මේ කදිම තැනකි. ඩෙනිම් ටී ෂර්ට්ස් ඇඳුම් පරිඝණක උපකරණ මෙහි 

පුදුම ලාබය.එදින හවස් වරුව හා පසුදින වරුවක් පමණ ඔබට සාප්පු සවාරියේ යෙදිය හැකිය. මතක ඇතිව ආපසු පැමිණෙන  ගුවන්යානයේ  

වේලාවට පැය 5ක් විතර තිබියදි හෝටලයෙන් පිටත්වන්න. මේ සඳහා ටුක් ටුක් රියක් භාවිතයට ගන්න(ත්‍රිරෝද රියක්)

ඉහත උපදෙස් අනුව යන්නේ නම් ඔබට වැය වන්නේ රුපියල් 25000ටත් අඩු මුදලකි. අමතර වැය ඔබගේ රුචිකත්වය පරිදිය.
 වැඩි විස්තර ඕනැ නම් කොමෙන්ටුවක් දාන්නකෝ විස්තර දෙන්නම්.