සහෘදයන් රෑනක් එක තැනකට එක් කරන්න වෑයමක්

බ්ලොග් ලියන කා අතරත් ඉමහත් ජනප්‍රියත්වයක් හිමි කර ගෙන සිටි කෙන්ජිත් බ්ලොග් එකක් පටන් අරන්. ඉතින් කට්ටිය තාම ඒතැනට ගොඩවැදුණේ නැත්නම් මෙතැනින් ගිහින් ම එන්නකෝ ඒ පැත්තටත්. 

මුලින්ම බ්ලොග් කරුවන් දිරිමත් කරන කමෙන්ට් කරුවෙකු ලෙස පැමිණ මගේ බ්ලොගය හරහා රචනයට එක් වුණු කෙන්ජිගේ බ්ලොග් ආගමනය මගේ හිතට ඇති කළේ පුදුම සතුටක්.


ඒ වගේම යුනි කේත මගින් මේ වනවිටත් අකුරු කරන ඒත් බ්ලොග් පැත්තට නැඹුරුවක් නැති තවත් පිරිසක් ඉන්නවා මා එක්ක. ඒ තමයි රට පුරා විසිරුණු ප්‍රාදේශීය මාධ්‍යෙව්දීන් පිරිස. මේ අයවත් බ්ලොග් රචනය දෙසට යොමු කර ගැන්මේ අදහසින් අද මවිසින් තවත් බ්ලොග් අඩවියක් ආරම්භ කළා. එය නම් කලේ e-journalist-sri lanka කියලයි. මෙතැනින් ගිහින් ඒකත් බලන්න කියලා මා ඔබ සැමට ආරාධනා කර සිටිනවා.
තැපෑලෙන් හා ෆැක්ස් මගින් පුවත් එවමින් සිටි මේ ප්‍රාදේශිය මාධ්‍යවේදීන් විද්‍යත් තැපෑල මගින් පුවත් එවන තැනට ගේන්න අපි සෑහෙන්න වෙහෙසක් ගත්තා. එය තෙවසරක ව්‍යපෘතියක්. මේ වන විට එම ව්‍යපෘතිය බොහෝ සතුටු දායක තැනකට ඇවිත් තියනවා.
එහි තවත් පියවරක් ඉදිරියට තැබීමක් තමයි මේ http://e-journalist-srilanka.blogspot.com බ්ලොග් අඩවිය. සිංහල යුනිකේත භාවිතයෙන් අකුරු කරන හැම ප්‍රාදේශීය මාධ්‍යවේදියෙක්ම මෙහි පූර්ණ බලය සහිත ඇඩ්මින් වරයෙකු බවට පත් කිරීම තමයි මගේ අරමුණ. ඒ අනුව ඔවුන්වත් බ්ලොග් කියවන ලියන සාමාජිකයෙක් කරගැන්ම මගේ අභිප්‍රායයි.
ඒ වගේම මෙහි ඇඩ්මින් වරයෙක් වෙන්න කැමති කවුරුන් හෝ වෙත් නම් තම විද්‍යුත් ලිපිනය මෙහි කමෙන්ටුවක් ලෙස දාන්න.
ඉතින් මේ වැඩේට පලපුරුදු හැම දෙනාගේම සහායද මා බලාපොරොත්තු වෙනවා. හැකි නම් මේ ලිංකුවක් ඔබගේ බ්ලොගයේ ද දමා සහායක් දෙන්න. එය නවක පිරිසක් වෙනුවෙන් කරනා අගනා මෙහෙයකි.