කපුටට නෑකම් කියන ගිරවෙක්

ගිරවා ගේ පාට කොළ කියලනේ අපි අහලා තියෙන්නේ. සාමාන්‍යෙයන් අපි දැකලා තියෙන්නෙත් ඒ වාගේ කොළ පාට ගිරවු විතරයිනේ. 
ඒත් දැන් එහෙම කියපු කාලෙ ඉවරයි.
ඕං අපිට හම්බ වුණා කළු පාට ගිරවෙක්.පොලොන්නරුව නව නගරයේ ගලන්ගොල්ල ගමෙනුයි මේ ගිරවව හම්බ වුණේ. ඒක වුණේ මෙන්න මෙහෙමයි.

ජී.වී. චන්ද්‍රසිරි මහත්තයලගෙ ගෙදර ඇඹ‍රැල්ලා ගහක් තියෙනවා. මේ ගහේ තියෙන කුඩා බෙනයකයි ගිරව වාසය කළේ.
ගිරවුන්ගේ සදාකාලික වෛරක්කාරයා වුණ ගැරඩියා හදිසියේම බෙනය ආක්‍රමණය කරලා.
මේ හදිස්සි ව්‍යසනයෙන් කලබල වුණ ගිරවා ගහෙන් බිමට වැටිලා.
එහෙම වැටිලා ඉන්නකොටයි චන්ද්‍රසිරි මහත්තයලගෙ ගෙදර උදවියට හම්බ වෙලා තියෙන්නේ.
ගිරවගේ ඇගේ මොනවා හරි කළු පාට දෙයක් ගෑවිලා කියලා ගෙදර උදවිය ෂැම්පු දාලා හෝදලා එහෙමත් තියෙනවා.
ඒත් පස්සෙ තමයි හෙළි වෙලා තියෙන්නේ මේ ගිරවාගෙ සාමාන්‍ය ස්වාභාවය කියලා.
ඒ කියන්නේ කොළ පාට ගිරවා කළු පාට වෙලා.
ඒ ගැන හොඳටම පුදුමයට පත් නොවී ඉන්නම බැරි නිසයි මෙහෙම පළ කරන්නේ.

දිනමිණ පුදුමයි ඒත් ඇත්තයි තීරයට මේ පුවත එව්වේ

මනම්පිටියේ නිමල් ජයරත්න