රජ කාලේ ගුහාවක් පස්සර කරමැටියේන් හමු වෙයි

පස්සර කරමැටිය ප්‍රදේශයේ  පිහිටා තිබූ ඉපැරැණි ගල්ලෙනක් ප්‍රදේශවාසීන් විසින් සොයා ගෙන ඇත.කොටි ගල්ගේ නමින් මෙය හැඳින් වෙයි. මෙහි පැරැණි රජවරුන් පවා රටේ පරසතුරැ උවදුරු පැවැති අවස්ථාවන්හි දී සැගවී සිටි බව ප්‍රදේශවාසීහු පවසති. 

දිගින් අඩි 8 ක් පමණ වන කොටියෙකු මෙම ලෙනෙහි දිවි ගෙවූ   බව කරමැටිය ගම්මානයේ වැඩිමහල්ම පුද්ගලයා වන අවුරුදු 93 ක් වයසැති ආර්.ඇම්.කිරිබන්ඩා මහතා පවසයි.
මෙම ලෙනට ප්‍රවේශවන ස්ථානය පටු වුවත් එහි ඇතුළත විශාල කුහරයන්ගෙන් යුක්ත බව සහ මුලදී උස් අතට දිවෙන ලෙන පසුව  බොහෝ දුර යන තෙක් හරස් අතට ගමන් කරණ බවද  එය සියසින් දුටු ගම්වාසීහු පවසති.ඒ තුළ වු පාෂාණද මට සිලිටු ස්භාවයකින් නිර්මාණය වී ඇතැයි ඹවුහු වැඩි දුටත් කියා සිටී.

උබයරක්න වනසිංහ