බෲනෝගේ සහායෙන් ගම්මිරිස් හොරු දැලේ

බදුල්ල පොලිසියේ නිල සුනඛ අංශයේ  සුනඛ බෲනෝගේ සහාය මත මීගහවෙල ප්‍රදේශයේ නිවසකින් සොරාගත් ගම්මිරිස් කිලෝ 165ක් අඩංගු ගෝනි හතරක් සමඟ සැකපිට සිව්දෙනෙකු බදුල්ල පොලිසිය මගින් අත්අඩංගුවට ගෙන ඇත.

මීගහවෙල ප්‍රදේශයේ පිහිටි ගම්මිරිස් සොරාගත් නිවසට පෙරේදා (2) ගිය පොලිස් නිල සුනඛ බෲනෝ එම ස්ථානයේ තිබූ රබර් සෙරෙප්පු යුගළක ඉව ඔස්සේ සැකකරුගේ මීගහවෙල නිවසට ගොස් ඇත.

එහිදී සැකකරුවන් අත්අඩංගුවට ගෙන ඔවුන්ගෙන් හෙළිවූ තොරතුරු මත සොරාගත් රුපියල් 1,32,000ක් පමණ වටිනා ගම්මිරිස් තොගය මීගහවෙල යොන්ඇල්ලවත්තේ සඟවා තිබියදී පොලිසිය සොයා ගැනිණි.

මීගහවෙල පියෙක්, පුතුන් දෙදෙනෙකු සමඟ තවත් පුද්ගලයකු මෙසේ අත්අඩංගුවට ගෙන ඇත.
---------------------------------------------------------------------------------

prasad rukmal - ප්‍රසාද් රුක්මල්