හලාල් සහතිකය ගන්න දෙන සල්ලි කොයිබට ද?

හලාල් සහතිකය ලබා ගැනීමට ගෙවනු ලබන ගාස්තු හමාස් හා අල්කයිදා වැනි ජාත්‍යන්තර ත්‍රස්තවාදීන් අතට පත්වීමේ අවධානමක් පවතින බව බොදුබල සේනා ජාලය ප්‍රකාශ කරති.
කැනඩාවේ හලාල් සහතික ලබා ගැනීමට යොදවන මුදල් ත්‍රස්තවාදීන් අතට පත්වන බවට සන් ප්‍රවෘත්ති සේවය මගින් අනාවරණය කළ බවද එහි සාමාජිකයෝ පවසති.

බොදුබල සේනා ජාලයේ ජාතික සංවිධායක විතාරන්දෙණියේ නන්ද හිමියෝ ඒ සම්බන්ධයෙන් ප්‍රකාශ කරණුයේ ශ්‍රී ලංකාවේ දී හලාල් සහතිකය ලබා ගැනීමට ලබාදෙන මුදල් කුමන කටයුත්තක් සඳහා යොදවන්නේදැයි පිළිබඳව රහස් පොලීසිය සහ අදාළ ආයතන කඩිනම් පරීක්ෂණයක් පැවැත්විය යුතු බවයි.ත්‍රස්තවාදය විනාශ කිරීමට ප්‍රබල දායකත්වයක් ලබා දුන් ආරක්ෂක ලේකම් ගෝඨාභය රාජපක්ෂ මහතාගේ අවධානය ඒ කෙරෙහි දැඩිව යොමුවිය යුතු යයිද නන්ද හිමියෝ ප්‍රකාශ කරති.
බොදුබල සේනා ජාලය රටට ඇතිවන අනවශ්‍ය බලපෑම් සම්බන්ධයෙන් කථා කරන නිසා විවිධ පුද්ගලයන් අපට ජාතිවා
දී ලේබලය අලවන්න උත්සාහ කරනව.අපි ජාතිවාදයට විරුද්ධයි.ජන පදනමක් නොමැති වෛරී දේශපාලනය වපුරන පුද්ගලයින් තමා අපට අභූත චෝදනා කරන්නෙ.කවුරු මොනවා කීවත් රට විනාශ කිරීමට,බෞද්ධාගම විනාශ කිරීමට කවුරුන් හෝ කටයුතු කරනවා නම් පක්ෂ පාට ආගම් බේදයකින් තොරව එම පුද්ගලයන් පිළිබඳව අප හෙළි කරනවා.මුස්ලිම් වරුන් සමග සිංහල ජනතාවට කිසිම ප්‍රශ්නයක් නොමැති බවද විතාරන්දෙණියේ නන්ද හිමියෝ පැවසූහ.
බොදුබල සේනා ජාලයේ සම්බන්ධීකාරක ඩිලන්ත විතානගේ මහතා-
හලාල් පිළිබඳව මුස්ලිම්වරුන්ට ඇති අයිතිය අපිට ගැටලුවක් නැහැ.මුස්ලිම්වරුන් ඉලක්ක කර ගෙන ජාතික හෝ ජාත්‍යන්තර වෙළඳපොළට නිකුත් කරන හලාල් සම්බන්ධයෙන් අපිට ගැටළුවක් නැහැ.කැනඩාවේ සිට ක්‍රියාත්මක වන point de Bascule පර්යේෂණ ආයතනයට අනුව එරට හලාල් සහතිකය නිතුත් කරණු ලබන අදාළ සංවිධානය විසින් හමාස් හා අල්කයිදා සංවිධානයන්ට අරමුල් සපයා ඇති අතර ඔවුන් සමග සෘජු සබඳතා පවත්වා ඇත.pointdebasculecanada.ca වෙබ් අඩවියෙන් මේ පිළිබඳව තොරතුරු දැන ගන්න පුළුවන්.බෞද්ධ භික්ෂුක් රට විනාශ කිරීමට කටයුතු කරනවා නම් බොදුබල සේනා ජාලය එයට ද එරෙහිව කටයුතු කරනවා.
----------------------------------------------------------------------------------------

උපාලි කරුණාරත්න