කොළඹ වරායේ මහ ගින්නක්

ශ්‍රී ලංකා වරාය අධිකාරියේ බහාලු මෙහෙයුම් මධ්‍යස්ථාන අංක 01හි අද(24) පාන්දර 1.00ට පමණ ඇති වු ගින්නෙන් එම බහාළුම් මධ්‍යස්ථානයට විශාල අලාභයක් සිදුව ඇත. 

මේ වන විට සම්පූර්ණයෙන් ම ගින්න මර්ධනය කර තිබෙන අතර  ගබඩා සංකීර්ණයේ ගබඩා කර තිබු භාණ්ඩ සහ ගොඩනැගිල්ල සම්පූර්ණයෙන් ම ගිනි ගෙන විනාශ වී ඇත.

ගිනි ගැනිමට හේතුව මේ වන විටත් අනාවරණය වී නැති අතර රුපියල් කෝටි ගණනක් වටිනා භාණ්ඩ මෙම ගබඩාවේ තැන්පත් කර තිබී ඇත. එම භාණ්ඩ සම්පූර්ණයෙන් විනාශයට පත් වි ඇති බව වරාය අරංචි මාර්ග ප්‍රකාශ කරයි.

ගින්න හටගත් අවස්ථාව් ගින්න නිවීම සඳහා වරාය ගිනි නිවීමේ ඒකකය, යුධ හමුදාව ගුවන් හමුදා ගිනි නිවීමේ ඒකක, කෙළඹ නැව් තටාංගනයේ ගිනි කිවිමේ ඒකකය සහ කෙළඹ මහ නගර සභාවේ ගිනි නිවීමෙ ඒකකය ගෙන්වා ඇති අතර පැය හතරක් වැනි කාලයක් ගින්න නිවීම සඳහා ගතකර ඇත.

මෙම සිද්ධිය සම්බන්ධයෙන් වෙරළබඩ පොලිසිය සහ කොළඹ අපරාධ කොට්ඨාසය පරික්ෂණ ආරම්භ කර ඇති බවත් රස පරීක්ෂකවරයා සිද්ධිය වු ස්ථානට පැමිණ පරීක්ෂන කටයුතු ආරම්භ කළ බවත් පොලිස් මාධ්‍ය ප්‍රකාශක පොලිස් අධිකාරි බුද්ධික සිරිවර්ධන මහතා ප්‍රකාශ කරයි.

බහාලු මධ්‍යස්ථාන අංක 01හි ගබඩා කර  තිබු මෙරටට ආනයනය කරන කරන ලද භාණ්ඩ පිළිබඳව ගනුදෙනු කරුවන්ට අවශ්‍ය විස්තර ලබා ගැනිම සඳහා වරාය අධිකාරියේ වෙනම විමසීමි කවුළුවක් විවෘත කර ඇති අතර 0718688361 හෝ 0112482579 දුරකතන අංක මගින් විස්තර දැනගත හැකි බව වරාය අධිකාරිය ගනුදෙනුකරුවන්ට දන්වා සිටි.