නිදන් නිසා වැනසෙන අපේ පුද බිම්...

මාදුරුඔය රක්ෂිතයට අයත් ඕමුණගල කන්දේ ලෙනක අඩි හැටක පමණ ගැඹුරැති වලක් නිදන් සොරුන් විසින් හරා තිබෙන බව පුරාවිද්‍ය දෙපාර්තමේන්තුව පෙන්වා දෙයි.මෙසේ විනාශ කර ඇත්තේ දෙවන සියවට පමණ අයත් ලෙන් විහාරයකි.මාස ගණනාවක් තිසසේ මෙම ස්ථානය නිදන් සොරුන් විසින් විනාශ කර තිබේ.

අම්පාර මහඔය සිට අරනගංවිල මාර්ගයේ කිලෝමිටර් පහක් පමණ දුර ගිය විට හමුවන ලදු කැළැව ඔස්සේ කිලෝමිටර් හතක් පමණ ගිය විට මෙම කන්ද හමු වන අතර එහි අවට පරිසරය පුරාවට පුරා විද්‍යා නටබුන් දක්නට ලැබේ .කලක පටන් නිදන් සොරුන්ගේ ග්‍රහණයට නතුව තිබෙන මෙම ස්ථානය කෙරහි වැඩි අවධානයක් යොමු නොවුයේ ත්‍රස්තවාදින් විසින් එවකට ඔවුන්ගේ තිප්පොලක් බවට පත් කරගෙන සිටි බැවිනි.
කටාරම් කොටා ඇති මෙම ලෙන අඩි හතලිහක් පමණ වන අතර එහි වටප්‍රමාණයෙන් අඩි පනහක හැටක පමණ විශාලත්වයකින් යුතුව වල හරා තිබේ. දැව කදන් යොදමින් වලට බැසිමට මග සකස් කර තිබෙන අතර ඒ අනුව මාස හයකට වැඩි කාලයක් තිස්සේ මෙම විනාශය සිදු කර ඇති බවට සාධක තිබෙන බව පුරා විද්‍ය දෙපාර්තමේන්තුව පෙනවා දෙයි.
මෙම ලෙනේ කොටා ඇති බ්‍රාහක්මිය අක්ෂර සමග නටුව සහිත නෙළුම් මලක් නෙලා තිබිම නිසා නිදන් සොරුන් විසින් හරා දමන්නට ඇති බවට පුරා විද්‍යා නිළධාරින් පෙනවා දෙයි. 
සද්ධාතිස්ස රජ සමයෙදි මෙම ලෙන් විහාරය ඉදිරණ ලද බවට සැක කරණ බවත් මෙම ප්‍රදේශය පිළිබදව මේ වන තෙක් කිසිදු ගවේශනයක් සිදු කර නොමැති බව නිළධාරින් පෙනවා දෙයි.
මෙහි ඇතැම් ලෙන්වල මැටියෙන් කල බිත්ති දක්නට ලැබෙන අතර බිතුසිතුවම්ද දක්නට ලැබේ.කන්ද මුදනට වන්නට ඇති විශාල ලෙනේ බුදු කුටියක් නිරිමාර්ණය කර තිබේ.
මෙම ඉපැරණි ලෙන් විහාරය විනාශ කිරිම පිළිබදව ජාතික උරුමයන් පිළිබද අමාත්‍ය ජගත් බාලසුරිය මහතා දැක් වු අදහස්
මෙම ප්‍රදේශය කාලයක් තිස්සේ  ත්‍රාස්තවාදි කලබල හේතුවෙන් පුරා විද්‍යා ගවේශනයකට ලක් වුයේ නෑ. අපි දැනට නැගෙනහිර පළාතේ ගවේශණ කටයුත් ආරම්භ කරන්න අවශ්‍ය පියවර ගෙන තිබෙනවා . නැගෙනහිර පුරා විද්‍යා ස්ථාන සම්භන්දයෙන් තොරතුරු සටහන් කිරිම දැනට අපි අම්පාර දිස්ත්‍රික්කයෙන්ම ආරම්භකළා. ඒ අනුව මෙවැනි ස්ථාන පිළිබදව අවධානය යෙමු කිරිමට කටයුතු සිදු කෙරෙනවා . මෙවැනි අපරාධ සිදු කළ පුද්ගලයින් නීතියේ රැහැනට කොටු කර ගැනිමේ වැඩපිළිවළට ජනතාවගේ උදව් උවමනා කරනවා .අනාගත පරපුර  උදෙසා මේ  සියල්ල රැකගත යුතු වෙනවා.

චන්දන ලියනආරච්ච්