අල්ගම ඇල්ල

පසුගිය වෙසක් පෝ දින අපි ගියා පොඩි චාරිකාවක්. මීරිගම ඉඳන් වැඩි ඈතක නෙමේ අහල පහළ පිහිටි අල්ගම ඇල්ලට. එක් දින චාරිකාවකට කියාපු තැනක් මේ අල්ගම ඇල්ල. හරිත වියන යට සීතල වතුරේ බැහැලා සිත් සේ විනෝද වෙන්න කියාපු තැනක් මේ අල්ගම ඇල්ල.


ගමන් මාර්ගය - කොළඹ නුවරපාරේ පස්යාල හන්දියෙන් අත්තනගල්ල පාරේ කිලෝමිටර් දෙක හමාරක් විතර ගමන් කරනවිට හමුවනවා එල්ලක්කල නම් ගම්මානය. එල්ලක්කල හන්දියෙන් වමට තියනවා අල්ගම පාර.  මේ පාරේ අල්ගමට ආවාම  උඩුවක මාර්ගයේ 500 m පමණ ගමන් කරනකොට මේ කියන සුන්දර ඇල්ල හමුවෙනවා. මග දෙපස ගමන් මාර්ගය සහිත පුවරු සවිකර ඇති නිසා සොයාගැනීම අපහසුවක් නෑ.
පරිසරය බොහොම සුන්දරයි. සිසිල් දියදහර තුරු වියනේ සිසිලස මේ හැම දෙයක්ම ගතට සිතට ප්‍රභෝධයක් එක් කරනවා නිරතුරුවම.
ඉතා වැදගත් - ඔබ මේ ස්ථානයේ විනෝදවීමට යන්නේනම් ඔබේ වාහනය මතක ඇතිව ගම්වාසීන් විසින් පවත්වාගන යන රථ ගාලක ගාල් කරන්න. මොනම හේතුවක් නිසාවත් රථගාලක නොදමා ඇල්ලට යන මාර්ගයේ වාහන නවතන්න එපා. සංවිධානාත්මක කල්ලි එසේ මග දෙපස නවතන වාහනවල හුළං ඇරීම අලාභහානි කිරිම සිදුකරනවා. අපි ගිය දිනත් ත්‍රිරෝද රථ දෙකකම හුළං ඇර ආ පුද්ගලයන් අපහසුතාවට පත් කර තිබුණා. මෙය රථගාල් පවත්වාගන යන අයගේම ක්‍රියාවක් බව තතු දත්තෝ අප හා පැවසීය. අවදානමට පෙර සුදානම හොඳ නිසා වාහන රථ ගාලක මුදලක් ගෙවා නතර කර ආරක්ෂාව තහවුරු කරගන්න.

* ඇල්ලේ ඉහළ පිහිටි කොටසේ ඇතැම් තැන් ගැඹුරය. එනිසා එම ස්ථානයන් හි දියට බැසීමේදී ඉතා සැලකිලිමත් වෙන්න.

අල්ගම ඇල්ලේ දසුන් රැගත්  යු ටියුබ් වීඩියෝ පටය පහත ලින්කුවෙන් නැරඹිය හැකිය. https://www.youtube.com/watch?v=VZa2FZt4GOI