Black Money Part - 2, KENJI Special

සිරිසෝම...ජයතිස්ස ලේකම් තුමාට එන්න කියන්න.
හොදයි ඇමති තුමා.
....................................
ඇමති තුමා..... කතා කළාද?
ආ..ඔව්..වොව්....සිරිසෝම තමුසෙ ගිහින් මැඩම්ට පොඩ්ඩක් උදව් කරනව මම ඕන උණොත් කතා කරන්නම්.
හරි සර්...............

ඇමැති : කෝ ජයේ ජප්පො එක්ක මං තිබුණ සාකච්ඡාව මාධ්‍යවල නැගල ගියෙ නැහැනෙ?මම උන්ට මාස් පතා බොන්ට/කන්ට වියදම් කරන සල්ලි වලින් ප්‍රයෝජනේ ගන්න උඹ දැනගන්න ඕන නේද?
මොකොද බං ඇස් උඩ ගියෙ..??ඔව්..වොව්..වොව්..මගෙ බිල් ගෙවන්නෙ වටේ ඉන්න කොන්තරාත් නාන්සෙල තමා,ඒ උණාට සැලකිල්ල මගෙන්නෙ හෙක්..හෙක්..හේ...
ලේකම් :මම පත්තර වලටයි චැනල් ටිකටයි සේරම විස්තර ටික දුන්න නෙ ඇමති තුමා.ඇයි ඊයේ හැම එහෙකම තිබුණෙ.පායෙ පල්ලෙහා බෝඩ් එක කට කැපෙන්න ඔබ තුමාගෙ/ජප්පන්ගේ විස්තර තියෙන නිව්ස් පේජ් වලින් පිරිල.
ඇ :එහෙම වැඩක් නැහැ බං මේවා හැමෝටම සතියෙන් අමතක වෙනව,ඒක නිසා දවස ගානේ සතියක්වත් ගියොත් අපේ ගොන් හැත්තට සති දෙකක්වත් මතක හිටිනව.
හැමෝටම කතා කරල හෙට ඉදන් දවස් 5ක් 6ක් දිගටම පින්තුරයි වචනයි මාරු කර කර දන්නා කියහන්.ආ...තව එකක් අර පලිපාන කාරයගෙ නමත් හැම එහෙකම දාන්න කියන්න.
මේව ඇහෙන්න/දකින්න ලැබුණම ලොක්ක මගෙ කොල්ලට සභාවට ඉල්ලන්න චෑන්ස් එක නොදී ඉන්න බැරි වෙනව.
ම්.....තව එකක් ජයේ,මිට පස්සෙ සංග්‍රහ දීමනා වලට මාරියො කාරයන්ගෙන් ළමයි ගන්න එපා,උගේ ළග ඉන්න ඒකිල උස්සල සුද්දෙ දානව මදිවට ලොන්ඩරි කාරයට ඔත්තුත් දෙනව.
ගයනසිරි කිව්ව මෙගා වල ඉන්න පොඩිම කෑලි විතරක් සප්ලයි කරන සහන් කියල අලුත් පොරක් ෆීල්ඩ් එකට බැහැල කියල.සිරියට කියන්න පොරත් එක්ක අදම මාව මීට් වෙන්න කියල.
පලිපාන කාරයත් විනෝදෙට බර මිනිහ.පළවෙනි දවසෙ ගිය ට්‍රිබල හැමතිස්සෙම කතා කර කර අහනව ආයේ යන්නෙ කවදද කියල.හොදට සලකන්න ඇති.
........හ්ම්....ඔන්න ලොක්කට ට කෝල් එකක් ගනින්............................
සර්....මේ...මේ.....මම බණ්ඩාර....
ලොක්කා : මොකෑ..මම නොදන්නවයි කට හඩ.ආ..දැන් ජප්පො එක්ක නේද වැඩ? මම දැක්ක නිව්ස් එහෙම.මොනව හරි අමාරු තැනක් ආවොත් අපේ පුත්‍රයවත් එකතු කර ගන්න.විදේශ ගනුදෙනු වලදී එයා පුදුම දස්කම් දක්වන්නෙ අහල ඇතිනෙ බණ්ඩාර.ඔය ජප්පො එක්ක ගනු දෙනු කරද්දී ප්‍රවේශමෙන්.අහල ඇතිනෙ බඩ කපාගෙන මැරෙන හැත්ත කියල.
මම දැක්ක වැඩපිළිවෙළ.ඕක ඉක්මන් කරල පටන් ගත්තොත් ඉදිරි පළාත් ඡන්දෙදි ඔය වතුර කතාවම මරල දිනඇකි.
ඔය කට්ටිය සෙට් කරපු පොර කැපුවත් මෙව්වා එකේ හැත්ත නේද?
ඇ : පොරට පක්ෂ භේදයක් නැති බවයි කථාවෙන් තේරුණෙ සර්..පොරගෙ තාත්ත කාරය ඔය කැපුවත් පාට එකේ තමයි. දැන් ඉතින් සර් පුතාල කොප්පරවලට පොල් බිදිනව වගේ තාත්තලගෙ ඔළු පලන්නෙ.
සල්ලි ඔලට පිය පුතු සෙනහසත් ඒ වගෙ තමයි සර්..හෙක්....හෙක්...හේ...
එහෙනම් මම නවතින්නෙයි?
ලොක්කා :ආ...හා...හා...හොදයි...හොදයි..
ඇ :එහෙනම් ඔබ තුමාට බුදු සරණයි...සියලු.......කීං....කීං.......අම්මට උඩු කට් කොලා.
හැක්..හැක්..හැක්...ලොක්ක බුදු හැපී එකේ ජයේ..හැක්...හැක්...හිනා ගිහිල්ලම පණ යනව යකෝ මේවට හැඃ.......
දැන් ජයේ මගේ පදනමට ගාණක් කපන්න ඕන මෙවුන්ගෙන් හරිය.
පොඩි හාන්දුරුවන්ට කතා කොරල වෙලාවක් දාගෙන මුන් තුන් දෙනාව රිවරාරාමයට ගෙණිල්ල කරඩුව ඔළුව උඩ තියල සුදු නුල් කෑලි තුනකුත් ගැට ගස්සගෙන එන ගමන් පලියට වචනෙ දාන්න.
ආ...අමතක උණා අර දම්වැලෙන් ගැට ගහල ඉන්න අලි පැටියගෙ බඩ යටිනුත් පුළුවන් නම් ජප්පන්ව යවපන්,මාර හැපී වෙයි..
ඔන්න පලියට ගනින් කෝල් එකක් ම්ම්ම්...මේ තියෙන්නෙ ඒ යකාගෙ කාඩ් එක.
ට්‍රිංග්.....ට්‍රිංග්.......................................

Kenji @ ජපන්

මතු සම්බන්ධයි.

පිංතූරය මෙතැනින් ගත්තේ