කරුමේ කියන්නේ අලින්ට දැන් පාරෙ යන්නත් නෑ

අද අලියෙකුට පාරෙ යන්නත් නැති හැටියක්. වෙනද ආරංචි වුණේ කෝච්චියට අලි හැප්පෙනවා කියලනේ. මේ අලි අනතුර වුණේ පොළොන්නරුවේ සිට කොළඹ බලා ගමන්කළ පෞද්ගලික මගී ප්‍රවාහන බස්රථයක් මින්නේරිය සහ හබරණ අතරදී 15 දා (අද) රාත්‍රී අටට පමණ මාර්ගයේ සිටි වන අලියෙකුගේ  ගැටීමෙන්. 

මේ අනතුරෙන් තිදෙනෙකුට තුවාල සිදුව ඇත. වන අලියාටද තුවාල සිදුව බරපතල තත්ත්වයේ එතැනම වැතිර සිටියි. රියදුරුට බස්රථයේ වේගය පාලනය කරගත නොහැකිව රථය බෝක්කු කැටයක්ද කඩාගෙන මාර්ගයෙන් ඉවතට පැන ඇත. අනතුරින් රියදුරුට බරපතල තුවාල සිදුව හබරණ රෝහලට ඇතුළත්කර දඹුල්ල රෝහලට මාරුකර යවා ඇත. අනතුරින් තුවාල සිදුවූ වල් අලියා සහ මාර්ගයෙන් ඉවතට පැන්න බස්රථය මෙහි ඇත. 

ඡායාරූප හබරණ ගුණවර්ධන

ප.ලි. අද උදෑසන මේ අලියා මියගොස් ඇත

.