රට තොට ඇවිදින සහ පොත් පත් කියවන අපේ කාලයේ කොල්ලන්ගේ කෙල්ලන්ගේ අපූර්ව අද්දැකීම්. ඔබගේ අද්දැකීම එවන්න මෙන්න ලිපිනය ndilruksha@gmail.com

2014-03-13

ශ්‍රී ලංකාවේ සඟරා සම්පාදක ප්‍රථම බෞද්ධයා

දොන් අන්ද්‍රිස් ද සිල්වා 
ශ්‍රී දේවරක්ෂිත බටුවන්තුඩාවේ පඬිතුමා

යතලබ සඟරාව ආරම්භ කළ බටුවන්තුඩාවේ පඩිතුමා ලංකාවේ ලියාපදිංචි මුල්ම පුවත්පත වන ලක්මිණි පහන පුවත්පත ආරම්භ කිරීමට මුල්වී ක්‍රියා කළ අතර එම පුවත්පතේ පසුකාලයේ දී සංස්කාරකවරයා විදියට කටයුතු කළේය.
ශ්‍රී ලංකාවේ සඟරා සම්පාදක ප්‍රථම බෞද්ධයා බටුවන්තුඩාවේ මහ පඬිතුමා (යතලබ සඟරාව 1854) කර්තෘ
එමෙන්ම 1862 දී ගාල්ලේ දී ආරම්භ කරන ලද “ලංකාලෝපකාරය’ මුද්‍රණාලය ආරම්භ කිරීමට කොටස්කරුවකු ලෙස ක්‍රියා කොට ඇති අතර ඔහුගේ මඟපෙන්වීම යටතේ සිංහල බෞද්ධයන්ගේ මුද්‍රණාලයක් ලෙස 1863 වසරේ දී ලංකාභිනවවිශ්‍රැත මුද්‍රණාලය ඇරඹුණේය.

2014-03-11

නන්නත්තාර ජීවිතයට තවත් ඇණයක් - සාහිත්‍ය මාසයට පෙර සූදානම


ඔහු දේශපාලනයේ දී කෑලි අහුලාගත් තැනැත්තෙකි. චින්තනයේ දී අවුලට ගිය නන්නත්තාර චරිතයකි. කලාවේ දී ඔහු අලුත් විලාස සොයන්නෙකි. මේ සියල්ලෙහි ප්‍රතිඵලය ලෙස “කුමාරයා” පොත කලඵළි දැක තිබේ. කියන්නට තරම් අලුත් දෙයක් හෝ නව විලාසයක් එහි නැත.


‘V’ නම් දුම්රිය ස්ථානයක් තිබේ. එය කෙතරම් මුස්පේත්තු තැනක් ද යත්; මිනිස්සු වැදගත් ගමනක්යන විට එය මගහැර යති. එහි සේවකයෝ කිසිදු දැනුමක් නැති කසිප්පුකාරයෝ ය. ඔව්හු තවම සුද්දාගේ කාලය සේ සලකා කටයුතු හා රාජකාරි කරති. එහෙත් උන්ගේ පඩිපත දුටුවහොත් කිසිම අම්මාකෙනකු එහි මිනිසකුට ගෑනියක දෙන්නේ නැත. මම ඒ ස්ටේෂමට නිතර යමි. මාද කාලකන්නි ජීවිතයක් ගතකරන බැවින් මට ඒ තැන හොඳට යා දෙයි.
ජයතිලක කම්මැල්ලවීර

2014-03-07

ස්ත්‍රියට මොළය දෙනු! - INTERNATIONAL WOMEN'S DAY 2014

හෙට දිනට (මාර්තු 8) යෙදෙන ජාත්‍යන්තර කාන්තා දිනය නිමිත්තෙන් වූ අපගේ දැක්ම


සේයාරුව ගූගල් වෙතිනි
ශ්‍රී ලාංකේය සමාජයේ හා සංස්කෘතියේ පදනම වන්නේ ස්ත්‍රිය මිස පුරුෂයා නො වේ. මේ පිළිබඳ නොයෙක් මතවාද, දර්ශන හා තර්ක ඇතත්; සත්‍යය තත්ත්වය එය ම වේ. පවුල් සංස්ථාවේ නායකත්වය හිමිවන්නේ ගෙදර අම්මාට ය. නැතහොත් අම්මාගේත් අම්මාට ය. රටේ මුළු ජනගහනයෙන් බහුතරය ස්ත්‍රී පක්ෂයට අයත් වේ. ඔවුන්ගේ ඡන්දය, ක්‍රියාකාරකම් හා සමාජ නායකත්වය මේ රට හසුරවන ප්‍රධාන බලවේගයක් බවට පත් ව තිබේ. එය කිසිවකුටත් උදුරාගත නො හැකි යථාර්ථයෙකි.

2014-03-04

එරික් ඉලයප්ආරච්චි අහසින් - පොළවට පනී! - අමරෙගේ පොත් විචාර

මේ සාහිත්‍ය කෘති ලහි ලහියේ විචාරකයන්ගේ විනිසුරුවන්ගේ දෑසට අසුවන කාලයයි. එළැඹෙන සාහිත්‍ය මාසයට පෙර සූදානමකි මේ..

එරික් කාලයක් තිස්සේ ම අහස් විමනේ පලසක් බැඳ ඒ මත්තේ සිට පොළොව නිරීක්ෂණය කළේ ය. ඔහුට හසුවූයේ මිනිස් ක්‍රියාකාරකම්වල විකෘතියක් පමණි. ඔහු හිටිහැටියේ අහසින් - පොළොවට පැන දුහුවිල්ල අතරින් ඇවිදින්නට පටන්ගෙන තිබේ. දැන් තත්ත්වය වෙනස් ය. එරික්ට සැබෑ මිනිසුන් ද - සැබෑ ගැහැනුන් ද මුණගැසෙන බවක් පෙනෙන්නට තිබේ. ඊට කදිම නිදසුන පාද යාත්‍රා නම් මේ නවකතාව ය.

ස්වාභාවික ව්‍යසන තේමා කොට රචනා වූ ප්‍රබන්ධ - කථා දහස් ගණනක් ලෝක සාහිත්‍යයෙහි පවතී. ඒ සියල්ල මුළුමනින් ම කියවා දැමීමට ජීවිත කාලය වුව මදි තරම් ය. මේ ව්‍යසන අතරින් සුනාමිය හෙවත් මුහුද ගොඩගැලීම අපට විශේෂ වේ. ශ්‍රී ලංකාව අතීතයේ කිහිප වරක් ම මුහුද ගොඩ ගැලීමට යටත් වූ බව සඳහන් ය. ඒ පිළිබඳ ලිඛිත සාක්ෂි පුරාතන සාහිත්‍යයෙන් උපුටා ගත හැකි ය. එහෙත් නූතන සමාජය සුනාමියේ සජීවී අත්දැකීම් උකහා ගත්තේ 2004 දෙසැම්බර් 26 බොක්සිං දිනයේ දී ය. එම බිහිසුනු විපතට දසකය පිරෙන්නට මාස කිහිපයක් තිබිය දී මතකය අවදි කරමින් තවත් සුනාමි - ප්‍රබන්ධයක් කලඑළි දැක තිබේ. එය එරික් ඉලයප්ආරච්චි මහතාගේ “පාදයාත්‍රා” ය.

අමුතුම තාලේ සඳකඩ පහණක් අනුරපුරේ - moonstone

අනුරාධපුර නගර මධ්‍යයේ පිහිටි  නුවර  වැවේ  ජලය සිඳීයාම හේතුවෙන් වැව්  පතුලෙන් සඳකඩ පහණක හැඩයෙන් යුත් පැරැණි උළු තොගයක් බවට සැක කළ හැකි අපූරු රටාවක් මතු වී තිබේ. අනුරාධපුර ඓතිහාසික නුවර වැවෙහි ජල මට්ටම මේ වන විට සීඝ්‍රෙයන් පහත බැස ඇති අතර නුවර වැවේ සොරොව්වට ආසන්නයෙන් (රාම කැලේ ඉදිරිපිට) මෙම අපූරු රටාව මතුවී ඇත. එම රටාව මතුවී ඇත්තේ  පෞරාණික වටිනාකමක් ඇති පැරණි සිංහල උළු විශාල ප්‍රමාණයක් පස්වලට යටවීමෙන් බවට සැකකළ හැකියැයි ප්‍රදේශ වාසීහු පැවසූහ.


2014-03-03

සෆාරි බෝට්ටුවක නැඟ තල්මසුන් බලන්න මිරිස්ස මුහුදේ ගිය විෂ්මිත ගමනක් - whale watching mirissa


දකුණු පළාතේ මිරිස්ස මුහුද ආශ්‍රිතව ක්‍රියාත්මක වන තල්මසුන් නැරැඹීමේ වැඩ සටහන දේශීය සහ විදේශීය සංචාරකයන්ගේ අතිශයින් සිත්ගත් වැඩසටහනකි. මුහුදේ උඩපනින තවත් විටක පීනමින් ඔබමොබ යන තල්මසුන් නරඹන පිරිස්වලින් මිරිස්ස මුහුද මේ දිනවල පිරී ගොස් ඇත. සාමාන්‍ය තල්මසුන් පමණක් නොව ලොව ඉතා දුර්ලභ නිල් තල්මසුන් පවා මිරිස්ස මුහුදේ දී දැක බලා ගැනීමට හැකිවීම මේ සංචාරයේ විශේෂත්වයකි. මිරිස්ස මුහුදු වෙරළේ සිට සැතපුම් දෙක තුනක් ඈත මුහුදේ දී තල්මසුන් විශාල ප්‍රමාණයක් එම සංචාරයේ දී මේ දිනවල දැක බලා ගත හැකිය.
මිරිස්ස මුහුදේ තල්මසුන් නැරැඹීමේ වැඩ සටහන ක්‍රියාත්මක වන්නේ මිරිස්ස ධීවර වරායෙනි.


Feed!

RSS Feed!
RSS Feed!
RSS Feed!
Subscribe to our RSS Feed! Follow us on Facebook! Follow us on Twitter! Visit our LinkedIn Profile!
Feed!

ඉන්ස්ටග්‍රෑම්

Instagram

tweet

ළබැඳි මිතුරන්