රට තොට ඇවිදින සහ පොත් පත් කියවන අපේ කාලයේ කොල්ලන්ගේ කෙල්ලන්ගේ අපූර්ව අද්දැකීම්. ඔබගේ අද්දැකීම එවන්න මෙන්න ලිපිනය ndilruksha@gmail.com

2013-08-05

පාසල් නිවාඩුවේ චාරිකාවට පුංචි ඔත්තුවක්

මේ පාසල් නිවාඩු කාලයේ දකුණු ලක සිරි නරඹන්නට යන ඔබට පුංචි ඔත්තුවක් දෙන්නයි මේ වෑයම. මාදු ගඟ සවාරි ගැන නම් ඔබ දැනටමත් දන්නවා ඇතිනේ. නොදන්නේ නම් මෙතැනින් විස්තර දැනගන්න. එසේ මාදු ග‍ඟේ චාරිකාවේ දී අමතක නොකර මේ ස්ථානයත් නරඹන්න යන්න. 

බළපිටිය මාදු ගෙඟ් මිරිදිය ජාකොටුවක්, පවත්වාගෙන යන සමන් වසන්ත  ඒ ඇසුරින් අපූරුම මත්ස්‍ය චිකිත්සක ව්‍යාපාරයක් ආරම්භ කොට ඇත. ජාකොටුවලම මොසැම්බික් විසිතුරු මසුන් සහ තිලාපියා මසුන්  ඇති කිරීමට ඔහු පෙළඹෙන්නේ මේ  නිසාය. මේ ඇසුරින් මත්ස්‍ය චිකිත්සාව සාර්ථකව කළ හැකි බව ඔහු අවබෝධ කරගත්තේ ය.

ශ‍්‍රී ලංකාවේ එවැනි චිකිත්සක ක‍්‍රමයක් ආරම්භ කළ මුල්ම පුද්ගලයා ඔහුය. මෙම තරුණයාගේ මත්ස්‍ය පොකුණ පිහිටියේ මාදු ගඟ මැදය.  මත්ස්‍ය චිකිත්සාවෙන් ලේ ගමනා ගමනය වර්ධනය වී සමේ ඇති වන ඇතැම් චර්ම රෝග සුව කර ගැනීමට ද ආතතිය හා පීඩනය අඩු කර ගැනීමට ද හැකි බව පිළිගෙන ඇති මතයකි. මේ ක්‍රමයෙන් මැරී ගිය සම ස්වභාවික ලෙස ඉවත් කර ගැනීමට මාළුවා උපකාරි වේ.





සමන් වසන්ත
සමන් වසන්ත තිස්තුන්වන  වියෙහි පසුවන පාරම්පරික ධීවර කර්මාන්තයේ යෙදෙන ධීවර තරුණයෙකි. බලපිටිය මාදු ගංගාවේ ජා කොටුවල මසුන් ඇති කරමින් ජීවත් වූ තම තාත්තාගේ පසුව මෙම රැකියාව දැන් සිදු කරන්නේ සමන් වසන්තයි. මාදු ගගේ ජාකොටු වළ ඇති කරන මසුන් විකුණා ඔවුහු ජීවත් වූහ. දැන් මෙම චිකිත්සක ක්‍රමයෙන් ඔහු ආදායමක් උපයයි.

මිහිරියාවක් සතුටක් වින්දනයක් ලැබෙන්නා වූ මේ සුන්දර මත්ස්‍ය චිකිත්සාව ඔහු දෙස් විදෙස් සංචාරකයන්ට ඉතාමත් පහසු සහ අඩු මිලකට ලබාදේ. 

මේ ක්‍රමය තායිලන්තයේ ජපානයේ අතිශය ප්‍රසිද්ධ චිකිත්සක ක්‍රමයකි.
pix by lankinda nanayakkara

2013-08-03

සමකයට ගොඩ වැදුණු ඔබ සැමට ස්තුතියි

සමකය වටේ අඩවියට මුල්ම ලිපිය එක්වෙන්නේ මෙයිට අවුරුද්දකට කලින් හරිටම කිව්වොත් අද වගේ දවසක. ඒ පළමු ලිපිය බ්ලොග් එකට දාලා හරියටම දවස් 14කට පස්සේ තමයි එයට පළමු කමෙන්ටුව එක්වන්නේ. ඔන්න හසිත තමා ඒ කමෙන්ටුව එක් කොට තිබුණේ.

ඉතින් එහෙම පටන් ගත් සමකය වටේ බ්ලොග් එක මේ වෙනකොට එක් ලක්ෂ හතළිස් දාහකට වැඩි පිරිසක් බලල තිබෙනවා.ඒ වගේම කමෙන්ට් 9000 ඉක්මවා තියනවා. පෝස්ට් 423ක් දමා තිබෙනවා.

මේ බ්ලොග් එක හරහා බොහෝ පිරිසක් බොහොම ලෙංගතු කමින් ඇසුරු කරන්නට මට අවස්ථාව ලැබිලා තියෙනවා. එකින් එක නම් වශයෙන් කියන්න ගියොත් එක නමක් හෝ බැරිවීමකින් හෝ මග හැරුණොත් ඇතිවන අපහසු තාව නිසා මා පොදුවේ මේ බ්ලොගයට ගොඩවැදුණු ඔබ සැමට ස්තුති කරනවා මේ මොහොතේ. ඒ වගේම ඉදිරියටත් මා හා රැදෙන්නට කියා ඉල්ලා සිටිනවා.

මේ බ්ලොගය පෝෂණය කරන්නට මා හා එක් වුණු සමුද්‍රිකා හේරත්, රන්ජන් අමරරත්න කුමාර සිරිවර්ධන චන්දන ලියනාරච්චි ‍ෆවුස් මොහොමඩ් හිතාදර මිතුරු මිතුරියන්ටත් තුති පිරිනමනවා මේ මොහොතේ.

ජනවාරි පළමු වැනි දා මා ලියූ සුබ නව වසරක් වේවා යන මගේ ලිපියට මාතලන් මෙන්න මේ වචන කීපය එක් කර තිබුණා.

//ඔබටත් එසේම වේවා නලීන්....!!!

වසරේ සාර්ථකම බ්ලොග් කරුවා....!!!//

අහම්බෙන් බ්ලොග් ලියන්න ආ මගේ හිතට කිව නොහැකි සතුටක් ගෙන දුන් සටහනක් වුණා ඒ වැකිය.

ඉතින් යළිත් කියනවා සමකය වටේ හා එක් වුණු සැම දෙනාටම බොහොමත්ම ස්තුතියි..


Feed!

RSS Feed!
RSS Feed!
RSS Feed!
Subscribe to our RSS Feed! Follow us on Facebook! Follow us on Twitter! Visit our LinkedIn Profile!
Feed!

ඉන්ස්ටග්‍රෑම්

Instagram

tweet

ළබැඳි මිතුරන්