රට තොට ඇවිදින සහ පොත් පත් කියවන අපේ කාලයේ කොල්ලන්ගේ කෙල්ලන්ගේ අපූර්ව අද්දැකීම්. ඔබගේ අද්දැකීම එවන්න මෙන්න ලිපිනය ndilruksha@gmail.com

2012-08-29

"සර්පයාගේ දියණියත්" පොත් ගෙඩියක් විතරයි-අමරෙගේ පොත් විචාර-2



කලාවෙහි එක් අර්ථයක් වන්නේ ජීවය ගැනත් ඒ අවට පරිසරය හෙවත් විශ්වය ගැනත් අතිශය සුන්දර පුදුමයන් නිරූපණය කිරීම ය. පුදුමය හෙවත් විස්මය ඔස්සේ විවිධ රස ජනනය වේ.

යථාර්ථ ගවේෂණය යනු ද විස්මය සොයා යන එක් මාර්ගයෙකි. නුතන නවකතාව දෙස බැලුවහොත් එහි කලාත්මක මාර්ගය වන්නේ මිනිස් ජීවිතය පිළිබඳ ආශ්චර්යය පළකිරීම ය. එය ශෝකයක් විය හැකි ය. ප්‍රහර්ෂයක් විය හැකි ය.

2012-08-27

පතායා වෙරළේ නෙක විසිතුරු-තායි සවාරිය -1


පතායා විදියක දසුනක්
ලොව නන්දෙසින් විසිරී පැතිරී සිටින සංචාරකයින්ට, ව්‍යාපාරිකයින්ට සහ වන්දනාකරුවන්ට අද වනවිට තායිලන්තය සුන්දර නවාතැන්පොළක් වී හමාරය.

උතුරින් ලාඕසය, නැඟෙනහිරින් කාම්බෝජය, දකුණින් මියන්මාරය ද බටහිරින් මුහුදින් ද වටවූ තායිලන්තයේ භූමි ප්‍රමාණය වර්ග කි. මී. 5, 13, 120 (වර්ග සැතපුම් 1,98,115)කි.

2012-08-25

සිනමාවේ සක්විති ගාමිණී නවකතාවේ සක්විති ශෂී ප්‍රභාත්!


රටතොට තෙරතුරුවලට අමතරව පොත් පත්වල තොරතුරුත් මේ අඩවියට ඇතුළත් කරන්න කියලා මගේ මිතුරන්ගෙන් ලද ඉල්ලීම අහක දාන්න බැරිනිසා අප තීරණය කළා පොත් පත් විස්තරත් මේ අඩවියට ඇතුළත් කරන්න. ඔන්න ඒ ඉල්ලීම ඉටුකරමින් මුලින්ම මෙතැනට ගෙනෙන්නේ මා මිත්‍ර රන්ජන් අමරරත්න ලියූ විද්වත් විචාරයක්. ඔයාලටත් පුළුවන් මේ ගැන අදහස් දක්වන්න.
ශෂී ප්‍රභාත් රණසිංහගේ අභිනව නවකතාක් ජනගත කැරිණි. ඒ මුල්කොට ගිය සතියේ පුවත්පත්හි පළ වූ සම්මුඛ සාකච්ඡා කිහිපයක් දැක මවිතයට පත් වීමි. ඔහු නවකතාවට නිර්දේශ පනවයි.
විචාරයට අණ - පනත් සපයයි. සකලවිධ සාහිත්‍යය ම අතැ’ඹුලක් සේ ගෙන එහි අධිකාරිත්වය තමන් වෙත පවරා ගනියි. ඉන් නොනැවතී සියල්ලටම ගරහයි. සිංහල සිනමාවේ සක්විති ගාමිණී ෆොන්සේකා ය. සිංහල නවකතාවේ සක්විති ශෂී ප්‍රභාත් ය.

2012-08-20

සඳ කිරණින් නැහැවුණු රැයක සුන්දර වැනීසියේ ගතකළ මොහොතක්


සඳ දියෙන් නැහැවුණු වැනීසිය
සමුද්‍රිකා හේරත් ගේ වැනීසියේ අද්දැකීම්

වැනීසිය ගැන මම ඉස්සරලාම දැනගත්තෙ චූටි කාලෙ මිහිර පත්තරෙන්. එදා හිතේ ඇඳුනු වැනීසිය කවදහරි බලන්න තියනවනම් කියලා සුන්දර හීනයක් හැමදාමත් හිතේ තිබුණා. අවුරුදු ගණනාවකට පස්සෙ ඒ හීනෙ හැබෑ වෙනකොටත් මට හිතුණෙ මම තාමත් දකින්නෙ හීනයක්ද කියලා.
අපි වැනීසියට යනකොට හවස 4ට විතර ඇති. දිනය ජූලි 2. මේ ගිම්හාන කාලෙ. ඉවසන්න බැරි තරමටම අව්ව රස්නෙයි. මහ පාරෙ වාහන යනවා වාගෙ ඇලවල් දිගේ බෝට්ටු යනවා. සෙනග පිරුණු බෝට්ටුවක නැගලා අපිත් ගමනාරම්භ කළා.

2012-08-19

China gains exposure to Sri Lankan readers


Saman Kumara Athaudahetti, a well-known Sri Lankan author, released his memoir from ten years of travel in China at a launch ceremony at Beijing Foreign Studies University on Aug. 18, marking the first publication about China written in the Sinhalese language.
Saman Kumara Athaudahetti (l.) and his book Wandering with Pleasure along the Silk Route at the Beijing launch ceremony on Aug. 18. [Wang Wei/China.org.cn].
Titled "Wandering with Pleasure along the Silk Route," the book aims to introduce China to the Sri Lankan people. The book is also the first Sinhalese work to be published in China, according to Bandula Gunawardana, minister of Education in Sri Lanka, who attended the book's launch in Beijing.

චිනයේදී දොරට වැඩි සමන්ගේ සොඳුරු සැරිසර ශ්‍රී ලාංකිකයන්ට ආඩම්බරයක්

සමන් සභාව අමතමින්

ප්‍රවීණ මාධ්‍යෙවේදී, ලේඛක සමන් අතාවුදහෙට්ට් ලියූ,ප්‍රේම් දිසානායක ප්‍රකාශයට පත්කළ සොඳුරු සැරිසර - සේද මාවත දිගේ නම් වූ දේශාටන සටහන් ඇතුළත්  පොත දොරට වැඩීම පසුගිය දා චීනයේ බෙයිජිං නුවර විදේශ භෂා විශ්ව විද්‍යාලයීය බහු කාර්ය ශ්‍රවණාගාරයේ දී පැත්විණි.





2012-08-18

කඳුළු හෙළන පතායාහි ෆාම් කිඹුල්ලු


හෙට දින මරණයට කැප වී
ගහක් කොළක් නැති කොන්ක්‍රීට් වනාන්තරයක් බඳු පතායා නගරයට හිරු මුදුන් වෙද්දී ගතට දැනෙන අප්‍රමාණ වූ වෙහෙස නිවා සනහාලන්නට අපට එකම පිහිට වූයේ බාත් 30 ක සීත කළ කුරුම්බා ගෙඩියකි.
දහවල් 12 ට පමණ පතායා වෙරළ තීරය ඔස්සේ ඇවිද යන විදෙස් සංචාරකයන්ට මේ කුරුම්බා ගෙඩිය දිව ඔසුවකි.
බටහිර රටවලින් පැමිණි සුද්දන්ට නම් පතායා වෙරළේ අව්ව තැපීම විනෝදාංශයකි. බැලූ බැලූ අත වෙරළේ අඩ ඇඳුමෙන් සැරසී සිටින සුදු ජාතික සංචාරකයෝ පවුල් පිටින් අව්ව තපිති.

2012-08-17

ශ්‍රී ලාංකිකයෙකුගේ සංචාරක සටහන් පොතක් අද චීනයේ දී දොරට වඩී

ප්‍රවීණ මාධ්‍යෙව්දී සමන් අතාවුදහෙට්ටි විසින් රචිත දේශාටන සටහන් ඇතුළත් පොත් පෙළේ තවත් එක් පොතක් අද (18) දින මහජන චීනයේ විදෙස් භාෂා විශ්ව විද්‍යාලයේ දී දොරට වඩී. මෙම පොත සොඳුරු සැරිසර - සේද මාවත දිගේ නමින් නම් කොට ඇත. ශ්‍රී ලාංකිකයෙකුගේ පොතක් චීනයේදී දොරට වඩින ප්‍රථම අවස්ථාව ද මෙය වෙයි. සමකය වටේ ලියන මා හට ද දේශාටනයේ අත් පොත කියා දුන්නේ සමන් අතාවුදහෙට්ටි මිතුරායි. අද දවසේ අප සැම ඔහුට සුබ පතමු. ඒ වෙනුවෙන් පොඩි අදහසක් comentuwak ලෙස දමන ලෙස ඉල්ලා සිටිමි.

යමු දවසක මනරම් දසුන් මවන මැරේ කැලේ වන අරණේ සුව විඳින්න



රැයි .... රැයි.... රෑයි ...’ යන එකාකාරීවූ, කටුක, එහෙත් ගීතිකාවක් වැනිවූ රැහැයි හඬ, රූස්ස ගස් කොලන්වලින් සුසැදි වන නිල්ල තුළින් විහිදී එයි. ඉඳහිට හමන මන්ද මාරුතයෙහි රැඳී ඇත්තේ කිසියම් අහඹු මල් සුවඳකි.
සුළගේ ලෙල දෙන කොළ දළුවලින් මතුවී එන්නේ, ළයාන්විත වූ ‘ සිලි සිලි රාවයකි. මේ වැහි වනාන්තරයක ලක්‍ෂණ යම් ප්‍රමාණයකට දායාද කැර ගත් මැරේ කැලේ වන අරණ තුළට පිවිසෙද්දී නෙත සවනත ගැටෙන දසුන් හා ශබ්දය.

2012-08-16

තෙළිගු අධිරාජ්‍යයේ බෞද්ධ ගම්මානය බුද්ධ වනම්

වර්ණ සළුවෙන් හැඩ වුණු එතිපොතලා

අන්ද්‍රා ප්‍රදේශ් සංචාරයේ දී නාගර්ජුන්කොණ්ඩා දැකගත් අපි සැඳෑ වරුව වෙන් ක‍ළේ එතිපොතලාහි සුන්දර නිවුන් දිය ඇලි නැරඹීමටයි. නාගර්ජුන් සාගර් නගරයේ සිට කිලෝ මීටර් 11ක් පමණ දුරකින් එතිපොතලා නගරය පිහිටා ඇත.
මේ දිය ඇලි පිහිටා ඇති ස්ථානය ආසන්නයේ අන්ද්‍රා ප්‍රදේශ් සංචාරක දෙපාර්තමේන්තුව මඟින් පාලනය වන මනරම් සංචාරක නිකේතනයක් ඇත.
දිය ඇල්ලේ පහස විඳින්නට යන කොයි කවුරුත් මේ සංචාරක නිකේතන භූමියට පිවිස ඒ ඔස්සේ දිය ඇලි කරා යායුතු වෙයි.

2012-08-10

ගෘහ නිර්මාණයේ අග්‍ර ඵලය ගොල්කොන්ඩා

ගොල් කොණ්ඩා කොටුව දුරට පෙනෙන අයුරු

අපි විජය රජුගෙන් පැවත එන ආර්යයෝ වෙමු. එහෙයින්ම අපට අසල්වැසි ඉන්දියාව සමඟ ඇත්තේ අත්හල නොහැකි සබඳතාවකි.
විශේෂයෙන්ම අපට බුදු දහම ලැබුණේ ද ඉන්දියාවෙනි. බුදු හිමියන්ගේ ජීවිතය හා බැඳි සිද්ධස්ථාන වැඳ පුදාගන්නට අප සංචාරය කරන්නේ ඉන්දියාවේ උතුරු ප්‍රදේශයටය.

එහෙත් ඉන්දියාවේ අන්ද්‍රා ප්‍රදේශයේ ස්ථාපිතව තිබුණා වූ ඉපැරැණි බෞද්ධ ශිෂ්ඨාචාරයක නටඹුන් අදටද දැකගන්නට එම ප්‍රදේශ වෙත යන සංචාරකයන්ට හැකිය. විශේෂයෙන්ම පුරාවිද්‍යාත්මක හා පරිසර හිතකාමී සංචාරවලට අන්ද්‍රා ප්‍රදේශය කදිම කලාපයකි.

2012-08-06

පතායා හි අඩි 240ක් උසක සිට බිම බැලුවෙමි...





පතායා වෙරළ ආශ්‍රිත ක්‍රියාකාරකම් සහ ඈත දියඹේ සුන්දරත්ව විඳී අප සයුමි දූපතේ (Samui Island) සංචාරක නිවාඩු නිකේතනයෙන් නික්ම සංචාරක මඟ පෙන්වන්නා ද සමඟ යළි පතායා නගරයට පැමිණ පතායා හි සුවිසල් පාර්ක් ටවර් (Parktower) කුලුන නැරැඹීමට ගියෙමු.

පාර්ක් ටවර් (Parktower) පිහිටියේ තායිලන්තයේ නැගෙනහිර වෙරළේ පිහිටි පතායා උද්‍යාන වෙරළ නිකේතනයේ ය. සංචාරකයකු ජීවිතයේ කිසිදා අත් නොවිඳී ප්‍රමෝදයක් මෙහිදී අත් විඳීය හැකිය. මෙහිදී ස්කයි ෂටලය (Sky shuttle) ස්පීඩ් ෂටලය (Speet shuttle) හා කුලුනු පැනුම (Tower jump) යන අංගයන්හි ත්‍රාසජනක අත්දැකීම විඳ ගැනීමට හැකියාව ලැබේ. උස් කුලුනේ සිට අවට සිරි නැරැඹීමම චකිතය මුසු ප්‍රමෝදයක් ඇති කරවන්නෙකි.

2012-08-04

බොදුණු සිත් පහන් කරවන නාගර්ජුන්කොන්ඩා


හයිඩ්‍රාබාද් නගරයේ සුන්දරත්වය රිසිසේ විඳි අප රාත්‍රිය ගත කරන්නට පැමිණියේ තාරමනී භාරාධරි හරිත නිකේතනයටයි. දිවා කල දුටු නෙත පිනවන දසුන් පෙළින් සිතට ප්‍රබෝධයක් දැනුනද ගතට දැනුනු වෙහෙස නිවාගන්නට මෙතැන කදිම තැනකි.
හාත්පස සිසාරා පැතිරුණු නිල්වන් ගෙඋයන, පසෙකින් දිස්වන පිහිනුම් තටාකය, මනරම් විදුලි ආලෝකයෙන් නැහැවෙමින් දුරින් දිස්වන භාරාධරි මණ්ඩපය අපේ වෙහෙස අපටත් හොරා සඟවාගෙන ගියා සේය.
මිතුරු ඇසුරේ තව පැය ගනණක් මෙතැන සිටියද කාලය ගලායාමක් නැති සෙයකි. හෙට දින නාගර්ජුන් සාගර් බලා කිලෝ මීටර් එකසිය තිහක් පමණ දුරක් යා යුතුය. එහෙයින් සුන්දර මොහොත කෙටි කෙරුවෙමු.
හයිඩ්‍රාබාද් සිට නාගර්ජුන් සාගර් වෙත යන්නට අපි උදෙන්ම සූදානම් වුණෙමු. සුව පහසු මාර්ගයේ මේ ගමන පැය 4කින් යා හැකිය. නගර ගම් මෙන්ම ගොවි බිම්ද මග දෙපස විය. එක යායට සරුවට වැවුණු මිරිස් යාය අතිශය සුන්දරය. රතට රතේ මහ පොළවේ වේලෙන මිරිස් දසුන ඊටත් සුන්දරය.
ඒ ම්රිස් වියළන පුද්ගලයන් ගේ ජීවිත නම් අප හිතන තරම් සුන්දර නැති බව මගේ හැඟීමයි. පැය කීපයක ගමනකින් පසු අපි නාගර්ජුන් සාගර් නගරය වෙත සේන්දු වුණෙමු.

මුහුදු පතුලේ මිනිත්තු 30ක්


ද අප සංචාරයේ දෙවැනි දිනයයි. අපගේ සංචාරක කාල සටහනට අනුව අප අද යා යුතුව ඇත්තේ පතායා වෙරළේ සිට මුහුදු සැතපුම් 7ක් පමණ දුරින් පිහිටි මුහුද යට කොරල් දූපත නැරැඹීමටයි.
තායිලන්තය සාමාන්‍යයෙන් වසර පුරා උෂ්ණ කාලගුණයකින් යුක්තය. දකුණු ප්‍රදේශවල සාමාන්‍යයෙන් ඍතු 2ක් තිබීම හැරුණුවිට තායිලන්තයේ සාමාන්‍යයෙන් ඍතු 3ක් ඇත.
Cool Season (ශීත ඍතුව-නොවැම්බර් සිට පෙබරවාරි දක්වා) Hot Season (උෂ්ණ ඍතුව මාර්තු සිට මැයි දක්වා) Rain Season (වර්ෂා ඍතුව - ජුනි සිට ඔක්තෝම්බර් දක්වා) තායිලන්තයේ උෂ්ණත්ව ප්‍රදේශ වනුයේ මධ්‍යම සහ වයඹ ප්‍රදේශයි.
මෙම ප්‍රදේශවල උෂ්ණත්වය සෙන්ටිග්‍රේඩ් අංශක 40 දක්වා ඉහළ නගී. ශීත කාලයේ දී වුවද උෂ්ණත්වය සෙන්ටිග්‍රේඩ් අංශක 20 දක්වා අඩු වන්නේ කලා තුරකිනි.

පතායා මුහුද මැද ත්‍රාසජනක පැරෂුට් ගමන


හිරු නැග හෝරා කිහිපයක් ගතවන තුරුත් මදක් අලසව පවතින සුන්දර පතායා වෙරළ තීරය කඩිසර වන්නේ පෙරවරු 10 පමණ වන විටය. ඉන් මදකට පසුව ගුවන් පාලම්වලත් මහ මගත් වාහන පිරී ඉතිරී යයි. දැන් වාහන වලින් සහ මහමග පිරුණු මග දෙපස කාර්යබහුලය.

තායිලන්තයේ බොහෝ ජනයා සිය ආහාර ගැනීමට පුරුදුව ඇත්තේ මහ මග දෙපස පිහිටි කුඩා අට්ටාල බඳු කෑම කඩවලිනි.සංචාරක නගරයක් වී ඇති පතායා නගරය නිතරම පාහේ සංචාරකයන්ගෙන් පිරී පවතී.

තායිලන්ත වැසියන්ගේ කාරුණිකත්වය ඉතා ඉහළ මට්ටමක පවතින අතර එය සංචාරකයන්ගේ සිත් ඇද ගැනීමට මහත් හේතුවක් වී ඇත.

නමුත් තායි භාෂාව හැරෙන්නට සෙසු භාෂාවක් පිළිබඳ අල්ප දැනුමක් හෝ තායි වැසියන්ට නොතිබීම නිසා සංචාරකයන්ට මග පෙන්වන්නකු නොමැති විට මුහුණ දෙන්නට සිදුවන ගැටලු අනන්තය. අප්‍රමාණය.

2012-08-03

පතායා හී ඈත දියඹේ සොඳුරු නවාතැන...

මුහුදු පතුලේ චමත්කාරජනක අත්දැකීම විඳගත් අප ඉන්පසු සංචාරක මගපෙන්වන්නකුගේ ද සහය ඇතිව ඊළඟට ගමන් ඇරැඹුයේ වර්ග සැතපුම් දස දහසක පමණ වපසරියකින් යුත් පතායාහි ඈත දියඹේ පිහිටි කොරල් දූපත් සමූහය නැරැඹීමටයි.

අනර්ඝ වූ ජෛව විවිධත්ව කලාපයක් වූ තායිලන්තයේ නැඟෙනහිරට වන්නට චොන් බුරි සිට රැයොන් දක්වා (ch on Buri to Rayong) කිලෝමීටර් 400ක් පුරා විහිදී වෙරළ තීරය ආසියාවේ පිහිටි දර්ශනීයම වෙරළවලින් එකකි. එහි මධ්‍යස්ථානය වනුයේ අසීමිත සංචාරක නිකේතන, අවන්හල් සහ තානායම්වලින් පිරි Pattaya (පතායා) නගරයයි.

Feed!

RSS Feed!
RSS Feed!
RSS Feed!
Subscribe to our RSS Feed! Follow us on Facebook! Follow us on Twitter! Visit our LinkedIn Profile!
Feed!

ඉන්ස්ටග්‍රෑම්

Instagram

tweet

ළබැඳි මිතුරන්